" ဘာလို့အတင်းဆွဲခေါ်နေတာလဲ အကိုကောင်းမြတ်ရဲ့ "
" လာခဲ့ပါ အကိုလေးရယ် ... အရေးကြီးပြစရာရှိလို့ပါ "
အပေါ်ထပ်ကနေ အတင်းဆွဲခေါ်လာတဲ့ အကိုကောင်းမြတ်ကြောင့် အနောက်ကနေ ယက်ကန်ယက်ကန်ပါလာရသည် ။
" Happy birthday ပါအကိုလေး !!"
Dining roomထဲဝင်ဝင်ချင်း ကြီးတင်ရယ် ယမင်းရယ် အကိုကောင်းမြတ်တို့ဝိုင်းအော်လိုက်သော အသံကြောင့် လန့်သွားရသည် ။
ကြီးတင်ကိုင်ထားသော ကိတ်မုန့်လေးကြောင့် ရင်ဘတ်ထဲမှာ ပြောပြလို့မရနိုင်တဲ့ ခံစားချက်နဲ့အတူ မျက်ရည်ဝိုင်းလာရသည် ။
" ဘာလို့ ငိုနေတာလဲ အကိုလေးရဲ့ ...မွေးနေ့ရက်ကြီးမှာ မငိုနဲ့လေ "
" ကျနော်ပျော်လို့ပါ ..ကျ..ကျနော် တကယ်ပျော်လို့ပါ "
ပျော်လို့ဆိုပြီး ငိုနေတဲ့ အကိုလေးကိုကြည့်ကာ မျက်ရည်ဝဲမိသည် ။
ဒါဟာ အကိုလေးအတွက် ပထမဆုံးအကြိမ် မွေးနေ့ကိုမှတ်မှတ်ရရ ပြုလုပ်ချင်းဖြစ်သည် ။
အကိုလေး ဘယ်လောက်ထိပျော်နေမယ်ဆိုတာ ကျနော်တို့သိတာပေါ့ ။
" မငိုပါနဲ့တော့ အကိုလေးရယ် ..ဖယောင်းတိုင်တွေ အရည်ပျော်ကုန်ပြီ ..လာမြန်မြန်လေးမီးမှုတ်တော့ ဆုတောင်းလိုက် "
" အဲ့လိုလုပ်ရတာလား "
ပထမဆုံးအကြိမ် ကိုယ့်နာမည်နဲ့ မွေးနေ့ကိတ်လေးကိုမြင်ဖူးတာဆိုတော့ ဒီလိုတွေလုပ်ရတယ်ဆိုတာ မသိခဲ့တာအမှန်ပါ ။
အားကုန်သုံးပြီး လေမှုတ်လိုက်တော့ ဖယောင်းတိုင်တွေဟာ တစ်ချက်တည်းနဲ့ အကုန်ငြိမ်းသွားသည် ။
မျက်လုံးမှိတ်ပြီး ဆုတောင်းမိတာကတော့ ...
* ဆက်ပြီးရှင်သန်ရမဲ့ အနာဂတ်မှာ ပျော်ရွှင်သော လူသားတစ်ယောက်ဖြစ်လိုပါ၏ *
လက်ခုပ်တီးပြီး ပျော်ရွှင်နေကြသော ကြီးတင်တို့ကြောင့် ကျနော်ပါ လိုက်ပြုံးမိသည် ။
ပျော်ရွှင်မှုရဲ့ အရသာဆိုတာ ဒါမျိုးပါလား ။
ကိတ်မုန့်ကို လှီးပြီး ကြီးတင်တို့ကို လိုက်ခွံ့ကျွေးပြီး
ဘဝမှာတစ်ခါမှ မခံစားဖူးတဲ့ ပျော်ရွှင်မှုကို ခံစားလိုက်ရတော့ အရမ်းပျော်မိသည် ။
ပထမဆုံးအကြိမ် ပြုလုပ်ဖူးတဲ့ မွေးနေ့ပွဲလေးက မခမ်းနားပေမဲ့ ကျနော့်အတွက်တော့ တန်ဖိုးဖြတ်မရအောင်ပင် ..
အခုလိုလေး လုပ်ပေးတဲ့ ကြီးတင်တို့ကိုကျေးဇူးလဲတင်မိသည် ။
YOU ARE READING
ကျနော်ချစ်သော ထိုအမျိုးသမီး
Krótkie Opowiadaniaမြတ်နိုးရပါသော ထိုအမျိုးသမီးဆီမှ အမုန်းတရားတို့သည် ခါးသက်သော ချိုမြိန်ခြင်းပင် ........
