UNICODE
စည်းများခြားသော်***
Segment 24 {Ending}
"ဝအောင်စားကြနော်....မင်းတို့လာမယ်ဆိုလို့သာ
ဖြစ်သလိုလေးအမြန်လုပ်လိုက်ရတာ....."
ဖြစ်သလိုလေးသာပြောတယ် ကြက်သား
ငါးနဲ့ ပဲအချဉ်ဟင်းက ဟင်းပွဲကြီးတွေသဖွယ်
ဝင့်ထည်နေသည်။
"ဟုတ်တယ် သူကညစာစားခါနီးမှကပ်ပြီး
မာမီတို့ဆီသွားစားမယ်ဆိုလို့ ဗရုတ်သုတ်ခဖြစ်ကုန်တာ ဒီတိုင်းဆိုပန်ဆင်လဲဟိုကနေနည်းနည်း
ပြင်ဆင်ခဲ့လို့ရတယ်......"
"နေပါစေသမီးရယ် မာမီလဲမပင်ပန်းပါဘူး....
ကြက်သားလေးထပ်ချက်လိုက်ရုံပဲ
ကျန်တာကသမီးဒယ်ဒီစားချင်တယ်ဆိုလို့
နေ့လည်ကပဲချက်ထားတာ....."
"ဘာပဲဖြစ်ဖြစ်ကျေးဇူးပါအန်တီ
ကျွန်တော်တို့နှစ်ယောက်ထဲကျတော့ပျင်းတာနဲ့
ဒီကိုလာခဲ့လိုက်တာ....."
"သားရယ် အန်တီခေါ်ပြန်ပြီ
ဘေးတစ်စိမ်းတွေကျနေတာပဲ....
မာမီဆိုမာမီပေါ့ကွယ် ဘေးဆန်လိုက်တာ....."
"အော် ဟူတ်ကဲ့ပါ
မာမီ....."
ရဲဆေးတင်ရင်းခေါ်လိုက်ပေမဲ့
သဘောကျသလိုရီလိုက်တဲ့သူမကြောင့်
သူ့မျက်နှာရဲတွတ်သွားရ၏။
"ချစ်စရာကောင်းလိုက်တာနော်
ရှက်သွားတာလားအဲ့ပုံက....."
"ဗျာ မ မရှက်ပါဘူး
ရှက်စရာလား....."
ပြောကာဖြင့်အရှက်ပြေအားရပါးရသောက်လိုက်တဲ့
ဟင်းချိုကပူနေတာကြောင့်ထွီးခနဲထွေးချင်တာကို
မြိုသိပ်ကာ အပူကြီးကိုပဲကျက်နေအောင်
ပြန်မြိုချလိုက်ရသည်။
သတိထားပုံရတဲ့သူမကရေခွက်ကမ်းပေးတာကြောင့်
ခမ်းနား အငမ်းမရသောက်လိုက်မိရင်းမှ
ပါးစပ်ကိုဟတယ်ဆိုရုံလေး လေတွေအထဲ
သွင်းလိုက်မိ၏။
တော်တော်ကိုဒုက္ခပေးတဲ့ဟင်းချိုပါ!!!
လေးယောက်သားထမင်းစားကြရင်းမှ
သူမအဖေဘက်ကစကားတွေစလာတာကို
သတိထားမိသည်။
ပထမတစ်ခေါက်သူပါလာတုန်းက
စိုးစိမျှမပြောပဲနဲ့ယခုတစ်ခါ မနားတမ်းပြောနေတော့
သူ့ကိုမီးစိမ်းပြပြီဆိုတာ သိသွားရ၏။
YOU ARE READING
စည်းများခြားသော် {Complete}
Romance"ရှင်ပဲကျွန်မတို့ကြားစည်းခြားခဲ့တာမလား...." "အဲ့တာဘာဖြစ်လဲ စည်းဆိုတာငါကနေဖြစ်လာရင် ငါကိုယ်တိုင်ကအဲ့စည်းကိုဖျက်မယ်..." "ရှင် လူလည်မကျနဲ့...." #နွေနှောင်းငယ်
