ما سولفوا يمك
ناس مشتاگين واشتاگيت
ماحن گلبك ودنگت
من سألوك هم حبيت ؟
.➛ ✿✿ ✿✿ ✿✿ ✿✿ ➛.
نايمة ع رجل امي وهي تداعب شعري ودموعها تنزل ع خدي وحالي اخس من حالها شكد انهضمت شكد انجرحت شكد شافت هضم حجيت بلعثمة
::- يــمــة??
ردت بصوتها الحنين تخلل مسامعي وطرب كلبي
::- هـا يـبـعـد امـج
بلعت ريك وحجيت
::- سـولفيلي عـلـية
نزلت دموعها تبجي وكالت
::- شـيـخ كـلبي وهيبة الديــرة
عام "1994"
رجعت من الامتحان طايرة من الفرح واخيرا راح خلصت امتحانات وراح اعطل واظل نايمة جنت امشي واحس الخطوات شوكت اوصل لامي واكللها وصلت للبيت ودخلت اركض لاكتني خالتي وهي كاعدة تحوك
::- خير جاية تروكضين ما تخجلين ع نفسج انتي مو هاي الوادم كلها تعرف ابوج شكبرج بعد تصيرن وتصرفاتج مال مطربكة بس مو صوجج صوج امج المدثورة هناك
بلعت ريك بخوف اباوعلها وارمش بعيوني اخاف منها لدرجة اخاف تلمح خيالي وتحجي علية لو ع امي وين ما تشوفني تغثني بكلامها وكفت متجمدة اباوعلها شوكت تخلص سب وغلط علية وعل امي
::- بس تعرف تنطيج خبز ما عرفت تربيج بت شطولج شعرج وراج بس مو وياج الحجي يجي الشيخ واكلة
كلبي انمقت وزادت دكاتة حجيت بخفوت
::- خالة لا تكولين لابوي
فتحت عيونها حيل وسبحت نعالها من رجلها وشمرتة حيل علية اجة بالصدرية مالتي الاحبها دمعن عيوني اجتني ولزمت اذني نزلو دموعي وحجيت بالم واني افرفح
::- خالة فدوة وخري وخري اخخ اذني خالة اخخ يممة تعاي
::- ادبـسز شلون تكولين ابوي كولي الشيخ يلما عندج احترام ولا تربية
اجت امي تركض جرتني من ايدها
::- على بختج خية شبيها شمسويتلج
ردت بفحيح حية
::- هل ادبسز تقلل من احترام الشبخ دخل يجي الا اخلي يكعدها ويسكتها بالبيت حالها حال خواتها مو هذني للرابع يكتبن ويقرن وكعدن وسكتن وحد هي تفتر وكصيبتها وراها
حجت امي بضعف وقلة حية
::- خية على بختج كليلي شسوت علمود ادبها الج بس لا تحجين للشيخ يفينا حظنا
اندارت امي علية وما احس الا اجاني راشدي وكعت ع اثرة ع الصبة وتزلغن رجلية بجيت بقهر وستهضمت ضربتها سحبتني من شعري وكومتني واني فرفحت بين اديها
اباوعلها دموعها تصب وياي اعرفنها حنينة واحن من روحي على روحي بس امرها مو بيدها حجت بانكسار وخيبة
::- دخـلـي جوة ما اريد المح وجهج يلاااا
ركضت بسرعة واني لازمة خدي الي اشتعل نار من ضربتها واسمع خالتي مرة ابوي تغلط ع امي وتسب بيها وتهددها تحجي للشيخ وامي تتوسل بيها ما تكول لابوي الشيخ
أنت تقرأ
قيود عشك الشيخ
Randomإهتضمتْ أزهارها الملوّنةِ المترنّحةِ ايدي التقاليد الخشنة شققتْ ملمسها آثار ( العمّالة )* وزناد البنادق الرعناء تتجولُ في بساتينها الغافيةِ رائحةُ المكر تشوّهُ نظراتها الخائفة عطشُ الحيوانات الهاجعة تحتَ براثنِ السطوة تغدقُ الدموعَ توسلاً انوثتها ال...
