قيود عشك الشيخ

قيد29 ما قبل الاخير

بعد ما انطت سهى الموافقة اتفقو اسبوعين ويعقدون ثاني يوم كعدت اوكل ب اية وسمر كعد ثقيف ضايج وكلة يتصفن استغربت حالتة تقدمت كعدت يمة وحجيت::- ها حبيبي

::- ها بوية

::- شبيك مو ع بعضك

::- طفى علية ابوي بالحلم

::- خير ان شاء الله??!!

::- يكلي بوية مشتاقلك حيل ليش ما تزورني استغربت ورديت علية بوية ليش ما ازورك غير كل فترة انا يمك واسويلكم ثوابات ولحد هل يوم اصليلك وكل يوم جمعة اتصدق ع روحك ما كال شي هز براسة واخذني وياه ومشيت رحنا بدرب كلة اعوج وحفر والطريق حيل مزعج بعدنا جاي يمشي وطفر علية جلب اسود افترسني وفزيت

مجرد هيج حجة ل لحظة كلبي كرصني تقربت منة اكثر ولزمت ايدة بحيث اضافرني دخلن بزندة وكمت ارجف خفت ما اعرف ليش??!!

::- شبيج بوية ليش ترجفين?!!

::- حباب لا تعوفني

كلتها وبجيت كمت اشهك استغرب حالتي وضحك حظني يبوس بية ويكول بنبرة شقة::- مالج بوية فرخة جاهل انتي بوية تورطت حجيتلي حجاية دمسحي دموعج مسحيهن ولج شوف شوف كل دمعة شكبرها هههه

مسحت دموعة دفنت وجهي بركبتة::- اموت بيك وبلياك

تنهد::- زهرة تدرين شنو الي مخوفني??!

::- خايف اموت زهرة انا مو اخاف من الموت بس خايف عليج خايف اذا متت وين ترحين تدرين من اباوعلج اكول ربي يطول بعمري واكدر اكون الها سند واهل انا اذا صارلي شي وين اعوفج منو هو الكفو يتحمل مسؤوليتج وبركبتج ثنين بنات خايف عليج زهرة خاف اموت

بجيت بقوة دفنت راسي بركبتة اشهك::- اشش اششش كافي الله عليك كافي لا تحجي هيج ثقيف لا تحجي هيج ما اكدر اموت وراج

ضحك::- ولج بوية منو الما يموت يمعودة شو سكتي ادري بوري هو كلساع مفتوح علينا ومفيضنا

لزمتة حيل::- ثقيف تنخرط عافيتي ولله من تحجي هل شكل لا تكول هيج الله عليك

هز راسة::- ما اكول بس اسكتي ولج كافي راح يوكف كلبج

::- اوعدني ثقيف كول وعد ابقى وياج حد المشيب

::- وعد ابقى وياج واحبج حد كطع النفس عاشكج عشك شروكي يول داخلة بثنايا كلبي

ابتسمت ودنكت بست ايدة وخليتها ع خشمي اشم بيها باس راسي وكام وانا تفكيري بقى يم حلمة بس ما خليت بالي وياه وطردت افكاري السئية كلها من راسي

طلعنا لبرة وسلام ما موجود راح يجيب فاطمة شوية ودخل سلام بس هو كعد وارتاح واحنا نباوعلة باستغراب باوعلنا وجر حسرة::- بوية اريدن اكول الك موضوع

ابو سلام::- اي بوية كول

::- بوية انا لكيتلي بيت ب بغداد وراح اشيل الة انا ما رحت اجيب مرتي رحت جهزت بيتي