قيود عشك الشيخ

قيد الثالث

وحتىٰ شارعهُم نَشدني شوكَت چّا تَرتاح
شّو كُل ساعَة تمُر مشيَك سحگنِي .

﹌﹌﹌﹌﹌﹌﹌﹌﹌﹌﹌﹌﹌﹌﹌

الصوت الجاي يفزع الكلب ركض ايسر وانا وراه رجع باوعلي وعاط::- حجابببجج

رجعت ابجي لاكتني عمتي جميلة مفزوعة صاحت::- شكو ولج شكو

::- ما ادري صوت صياح من بيت خالة فاطمة

كلتها وطلعت اركض وياها بعدنا ما واصلين الهم وشفت ايسر شايل فهد ابن خالة ويركض وفهد روحة رايحة ويصيح

طلعت خالة فاطمة الوجه متزلغ تزلغ واحمر مطعون طعن لزمتها عمة جميلة واردفت::- مالج مالج مالة فهيد

::- احترك وكع علية الماي واحترك جسمة روحة فرفحت ابني روحي فرفحت

كالتها وركضت للسيارة هي وياها اجيت اجي واصعد وتذكر ابتهال غيرت وجهتي للبيت ارجف دخلت ويا ريتني ما داخلة شفتها كاعدة تبجي وحال الضيم حالها

ركضت الها احظن بيها وابجي وياه شهكت واردفت ترجف::- كلة من وراي كلة من وراي

كومتها اغسل بوجها وهي ترجف ودموعها عشر عشرة بالف يا ويل هدئتها وسولفتلي الصار::- عطل السخان مالتنا وامي كالتلي احميلج ماي علما يجي ابوج ويصلحة

كمت انا حررت الماي وخليتة يفور اجة فهد كال صبيلي جاي كتلة روح للمطبخ وصب مكسر انت راح يصب وعمت عيني ريتني منكطع لساني ريتة ولا مخليتة يكوم عمت عين اختك فرفحت روحك ما نسمع غير صياحة حتى الملابس الي لابسهن مايعات من الحرارة المي عمت عينب اختك وكع من الوجع مغشي على وجه

بجيت احظن بيها شوية واجت سمر وجه مخطوف هي وعمة سهاوي ظلينا كاعدين وابتهال تلوم بروحها محملة نفسها المسؤولية صارت التسعة الصبح وهم ماكو قلقنا اجة اصيل الوجه تعبان ومحتقن تنهد واردف::- بوية حظرن ملابس جديدة لفهد وابتهال انطيني شيلة لامج رايحة بطرك العباية

هزت راسها وراحت تقربت منة واردفت بدموع::- شلونة فهد

تنهد::- شلونة بعد جسمة مايع بالماي طفل وبعدة ترف جسمة

شهكت خالة ايدي على حلكي نزلو دموعي واردفت::- لا تحجي لابتهال تموت و الله تموت

هز راسة ساكت شوية واجيت ابتهال وجه احمر مصبوغ صبغ وعيونها منفوخة انطت الحجاب والجواريب لاصيل وبطانية باوعتلة وكالت بنفس شاهكة::- شلونة

تنهد وهز راسة::- زين زين

سكتت تعرف مو زين بس ما الها الحيل تجادل او تناقش رجعت كعدت بمكانها ما تحرك ساكن هو يباوع عليها مكسور خاطرة

باوعلي واردف::- ديري بالج عليهن

التفتت لورة سمر وابتهال حال الضيم حالهن هزيت راسي طلع اصيل بقينا بس احنا راحت سمر حتى تجهز الغدة بس منو الة نفس ياكل