قيود عشك الشيخ

قيد الثامن

نزلت عيوني عنة ودرت وجهي وحجيت وانا مغمضة::- عيوني تاذيني وراسي

تنهد::- اي بوية وكعتج قوية عشر خياطات وفاكدة صارلج يومين عليتي كلبي وعلي

ضحكت بسخرية::- ليش اليشوفك هلكد خايف يكول اهمك

ابتسم::- يولو شنهي لسانج هذا البرنو ما يحجي بس حجي الطايح حظة جا شلون ما تهميني غير بنيتي انتي

::- شوكت صرت بنيتك ما صارلي سنة من اجيتكم

::- ولو هيجي اعتبرج بنيتي وحبيبتي وروحي وكلشي حلو ورزق اجة وياج

عفت كل كلام وركزت ع حبيبتي حجيت::- حبيبتي??!!! انا حبيبتك??!

::- يولو يملعونة عفتي كلشي وركزتي على هل جلمة اعرفنج موش قليلة

ابتسمت وبعدها برطمت::- شيخ

باوعلي::- يا يبوية امري

::- انا اسفة

تنهد::- انا الاسف واعتذر

دنك على راسي وباسة وحجة::- زهرة بوية تاليتج راجعة لهلج وناسج اريدج تعوفين شكو شي حجنا الج وتركزين ع روحتج لهلج ودراستج اريدنج دكتورة يبوية

ابتسمت::- راح اصير دكتورة وانت تجي تراجع عندي

ابتسم::- اعلاج كلبي يمج

عقدت حواجبي::- ليش،شبي كلبك

صفن بوجهي يفكر بجواب دخلت جميلة حمحم وكام اجتني وبيدها صينية خلتها ع جرباية

واجت ملهوفة تسلم علية::- يمة زهيران طار كلبي عليج خايبة شنهي الجراج نزلتي جنج مسودنة ع دريل

باوعت للشيخ ودنك راسة بندم حجيت::- سمعت صوت الشيخ ونزلت اريد اعرف شبي ووكعت

باوعلي متفاجئ ابتسم لان ما انطيت بي حجت جميلة::- يلا الحمدلله ع سلامتج حبيبتي كومي سندي روحج بلكمة والحجية كلبها يلوب عليج وما تكدر تصعدلج

حجيت بتعب::- لا لا تصعد كليلها ما بيها شي زهرة وباجر تنزل تسويلج ريوك

ضحكت وحضنتني::- اروح فدوة الج ولهل لسان الحلو الينكط عسل

ضحكت بتعب حجة الشيخ::- يولو من ايمت هل علاقة القوية بيناتج ولسانها بس وياج الله وكيلج كل كلمة تذبها تخليني اتخبل

ضحكت جميلة بصوت وبعدها كامت توكلني شوربة وانا خاشوكتين وما كدرت بعد تعبت دفعت ايدها بهدوء وحجيت::- جميلة ما اكدر بعد تعبت

حجة الشيخ::- ماكو تعبتي يلا اكلي لشوف

::- شيخ ما اكدر فدوة رحتلك اريد انام راسي ياذيني

::- ماكو هيجي حجي جيبي جميلة هاي مو مال دلع انا اوكلها

جميلة ما صدكت بسرعة وخرت وهو اجة وبدة يوكلني وانا كوة علية اكل اخر شي فعلا شبعت بعد ما كدرت والطاسة بعدها متروسة