قيود عشك الشيخ

قيد الرابع عشر

ابتعدت عنة خجلانة منصية راسي ابتسم واخذني بين ذرعانة يشم بركبتي::- زهرة

::- اممممم

::- حابج حيل حابج

رفعت عيوني الة مدمعة ابتسم جرني ناحيتة::- شبيج ليش هل دموع

::- شيخ اريدك بعد ما اكدر افاركك لحظة

::- ثقيف

::- شنو

::- ثقيف كولي

::- ثقيف

ابتسم وهز راسة دنك ع راسي وباسة::- لا تخافين انا هم ما اريدن افاركج بوية الله يشهد صبريلي بس هل شهر علما اجهز اموري

ابتسمت::- لا تتاخر علية

::- الظاهر مشتعجلة

ارتبكت وخجلت نزلت راسي ضحك بصوت::- وتخجلين?!

::- ليش شايفني بوية مطي بدون احساس عندي احاسيس ومشاعر

::- عمت عين المشاعر الشايلتها

ضحكت هو هم ضحك::- شلون قبل ابوي

::- ما عليج بهل سوالف بوية المهم هسة انتي باسمي وخلي الباقي علية

::- اي

::- يلا بوية سويلي طريق لازم اروح وراي طريق وعيب من الوادم اخرتها

::- لا فدوة ظل بعد شوية

ابتسم ودنك باس ادية وخدودي::- ولله حبيبتي ولله طريق والوادم ناطرتني عيب انشالله ما اتاخر عليج يومين واجي

هزيت راسي مفتهمة وضعة ردت اروح لزمتني الدوخة حسيت كمت ما اشوف لزمني خايف::- شبيج زهرة

::- ما بية شي بس لان هل فترة ما جاي اكل

::- ليش تمردين كلبي بوية ديريبالج ع نفسج لخاطري

ابتسمت وهزيت راسي درت وجهي عقجت وجهي بالم راسي،يفتر رحت اريد اسوية طريق بعدني اريد افتح الباب وكلشي صار اسود بعيوني

كعدت لكيت نفسي مددة على جرباية والشيخ لازم ايدي ومدنك ونيت بالم بسرعة التفت ملهوف::- زهرة

::- شيخي

::- يا روحه لشيخج شبيج زهرة شنو الصارلج

ابتسمت وكمت رفعت نفسي وخليت ضهري ع تاج مال الجرباية حجيت بدوخة::- ما بية شي شيخ بس لان صارلي فترة ما ماكلة وهاملة نفسي

::- زهرة شتفقنا مو اديرين بالج ع نفسج ما يصير هيج زهرة ليش تخلين بالي يمج

::- ليظل بالك حبيبي هسة اكل اصير زينة

تنهد يباوعلي شوية دخلت فاطمة خجلانة ومدنكة وبيدها صينية حجت::- عمو هذا الاكل

حجة::- هنا خلي بعد عمج فدوة لاديج عاشت ايدج

رفعت نظرها متفاجئة من كلاماتة وياها ابتسمت الها وهزيت راسي هي خجلت وبسرعة طلعت حجيت::- خجلت