قيود عشك الشيخ

قيد الاخير جزء الاول

وكفت اباوعلها مخطوف لوني كلبي ينفض تباوعلي وكعت بالكاع تبجي وتصرخ::- اخذوهم يمة اخذوهم

صرخت راكضة لزمني النسوان لان ما حاطة شي ع كلبي فرفحت روحي اريد اتخلص من عدهم مجاي اعرف بجيت بقهر وصرخت

وانا ملتفتة ع جميلة::- شككووو منووو الاخذهههممم اححجججيييي

شهكت بالنفس وحجت::- اخذوو ثقيفف وسلام الشرطة اخذتهممم

فتحت عيوني بصدمة كلبي خفق ليش ياخذوهم شسوو همة جريت الشال خليتة ع راسي وطلعت راكضة

هوسة وزلم مخبوصة خبص نص من اقارب ثقيف واكفين ومخبوصين لمحت ايسر ركضت الة::- ايسر شكو

باوعلي وعيونة تلمع بالدموع::- اخذو ابوية وسلام

صرخت بقهر::- ليييشش

بلع ريكة مقهور وحاير دنك راسة وحجة::- متهمين بقتل حسن

تجمدت رجلية وكلبي وكف حسيت كلبي لوما الاضلع جان طلع من مكانة وتمزق

رجلية ما عاد حملتني ردت اوكع سندني ايسر::- كوومي لا توكعين ابوية بحاجتج الله يخليج سندي

رفعت عيوني الة دموعي تصب::- مو هو لا لا ثقيف ما يسويها ليييييششش يسوييهاا هاا??!! هووو سااعدةة ولله سااعدةة

هز راسة وكعت دمعة من عينة::- اي ادري عيني روحج رايد اروحن وراه اشوفن سالفتة

رفع نظرة طلعت جميلة مفرفحة صاح بيها::- عمة تعاي سنديها راح اروح وراهم

بجت بنحيب::- بروح ابيك عمة سويلك جارة امي غادي راح تموت كطعت نفسها وتلهج باسمة

هز راسة ودنك خانكتة العبرة باوعلي وحجة::- دخلي جوة

::- اريد اروح وياك

::- ادخلي

بجيت::-  حباب بداعتي اريد اروح وياك بداعة كل غالي خليني اروح وياك

::- مركز هذا مركز شلون تردين ادخلج لمراكز تالي عمري ادخلي مرة وي الازلام تعاي عمة دخليها

نهضمت وكلبي عاصرني متاكدة ثقيف ما يسويها متاكدة هو ساعد حسن جان من يشوفني اتعذب يدعي الله يفك اسرة ليش يقتلة ها?? مستحيل لو اشوف بعيوني مستحيل اصدك

دخلت لجوة شفت الحجية منتهية من البواجي رحت الها::- لا تبجين خالة هسة الشيخ يطلع ما اصدك هو وراه قتلة ما اصدك

بسعاد::- وليش ما تصدكين مو جانت بينا ثارات

باوعتلها بقهر وعتب وحزن كل المشاعر تجمعو بعيوني::- الشيخ ما يفكر بهاي الطريقة بعدج ما تعرفي الشيخ مدام كام سقط الثار يعني سقط لو كان بعدة جان انطاكم سهى

::- انطانا شنو??! تحجين وعبالك عن غريب احناا اهلج المفروض تصفين ويانا

::- اهلي??!! شوكت صرتو اهلي من انطيتوني فصلية?!! لوو من اجيكم وتطردوني لو من اطلكت وما تحملتو شهر وانطيتوني لابن عمي شوكت صرتو اهلييي هااا??!!! وبعدين ليش ما كلتي سلامم لو هذا يسمج ويمس بنتج ليش كلتي الشيخ مو اثنينهم راحو لو هذا لان يمس زهرة لازم ناخذ سند مالتها ونعوفها بلا سند