قيود عشك الشيخ

قيد الخامس عشر

حسمت قراري وقررت خلاص لازم الشيخ يعرف شنو ديصير من ورة ضهرة

بس الي فاجئنا وصعقنا اليوم الضهر جنا نتغدة وابوي اليوم ما ماهو عندة طلابة وكال ما اجي

دك التلفون كالت زينب اختي بملل::- كومي فاطمة جاوبي

حجت فاطمه بعجز::- وليش ما تكومين انتي

::- صغير القوم خادمهم كومي يلا

::- لا بالله صغير القوم هي زهرة وبعدين هسة تلكي شيخها هو الي متصل كومي زهرة

كمت انا ادردم::- أمري ل الله كمت كمت ابتليت صرت اخر وحدة فديتني

هنا يضحكن رفعت التلفون وحجيت::- الوو منوو

انصعقت وتجمد جسمي من رد المتصل::- الوو زهررة

عطت بصوت ودموعي تصب::- حسسسسننن خووويةة حسسن

اجن البنات ع صوتي وانا افرفح ابجي التفتت ع امي المتفاجأ::- هذا حسن يمة هذا اخوي ع التلفون

شهكت ولطمت صدرها وبجت::- يمة يبعد امك

اخذت التلفون من عندي وظلت تصرخ وتبجي وتتوسل بي يرجع وحجتلة تكلة يمة ارجع اختك عقدت ع الشيخ وفضت المشاكل يبعد امك وسقط الثار

::- يمة يبعد امك انت اغدي فدوة لطولك ياابو الطول الحلو طمة طك كلبي عليك وع شوفتك يمة تعال ولا تفجع كلبي بالفراك يبعد هلي انت يروحي انت حبيب كلبي

تعال ولله كلبي نط ع شوفتك يروح امك حبيبي

جانت تبجي بفجع وشهكة وصوتها يكسر الكلب ويفلشة انا كعدت مهدود حيلي وابجي بالكاع جاوت تحجي وياه فجأه التفتلي وكالت

::- اي يمة هياتها يمي اي اي

التفتتلي وحجت::- يمة اخيج يريدج

كمت ملهوفة اخذت السماعة من عدها وحجيت::- ها يبعد اختك كول حبيبي

::- زهرة ابريلي الذمة كلها من وراي انا جنت وادعج تحققين احلامج واوا بضهرج تالي انا الكسرت ضهرج وكبرتج فوك عمرج بعمرين

بجيت وهو ينحب ويبجي وياي::- لا يخوية يبعد كلبي انت لا حبيبي مبري الذمة اصلا انا اشكرك لان عرفتني ع هيج ناس تعال وتعرف ع شيخ حباب ويحبني ورجعني لهلي وهسة رجعت الة وباجر نعقد بالمحكة تعال ارجع يكلبي انت ولله راح تحبة ولله

حجة ببحة::- حبيبتي زهرة رايد اوصيج وصية

عقدت حواجبي::- شنو هي يبعد اختك كول

::- اذا رحتي لبيت الشيخ بعدي عو سرمد

جمدت بكاعي وخفت حجيت بمتمتة::- ليش شكو احجي خوية شبي سرمد ادري انت ما تكتل بشر ادري انت مضلوم احجي يبعد اختك احجي وريحني

::- ها يبعد اخوج فدوة اروحلج زهرة بعدي عن سرمد اذا هو يتقدم يمج منر بعدي عنة عشر امتار