قيود عشك الشيخ

قيد الثالث عشر

اجتنا بسعاد طايرة من الفرح وكالتنا::- ابوجن وافق تشتغلن بالمعمل

فرحنا حيل بس المشكلة منو ياخذنا ويجيبنا وخاصة المعمل صاير بالاطراف

كالت النا بسعاد انا اكول لنواف ياخذجن ويردجن وياه رحبنا بالفكرة وكمنا نحظر حتى نبلش نشتغل

اول يوم طلعنا من ساعة ب7 جان نواف منتظرنا بسيارتة صبحنا علية وصعدنا طول الطريق ساكت ما حجة شي ولا تنفس ويانا بحرف وهلشي ريحنا ثنيناتنا

وصلنا للمكان الي نشتغل بي كان بيت وكبير حيل كبير دخلنا ودخل ويانا نواف حتى يشوف الوضع شنو هو وامن علينا من شافها كلها نساء ومحد يدخل الا راح واتفق وي ام المعمل نطلع ساعة ب1 علما يرجع من دوامة

اول بداية وكفنا يم بنية والمسؤولة علينا كالت تتعلمنا يمها مدة شهر اذا ما تعلمتن ترحن وننطيجن اتعابجن واذا تعلمتن تستمرن ويانا وطلعن ع مكاين تشتغلن

كعدنا وكعدت البنية تعلم بينا وهيج مشى اول يوم والثاني والثالث وصار النا اسبوع بالمعمل

انتبهت ع نواف جان يباوعلنا ويتحسر بالبداية عبالي ع فاطمة وكلت الها وكالت مستحيل نواف اخوي نواف احسن واحد من ولد عمي حباب ودائما جان ما يقبل علينا

وحتى من ابوي راد يضربني صار مقابيلة ومنعة ما قبل بس الشي الصدمني هو رجعت لهلي ونصدمت من شفت امي متوترة وتكول::- نواف خاطبج من ابوج

سودت الدنيا بعيني اجتني بسعاد تركض وتكول::- تعاي ابوج يريدج

خرطت العافية ونبلع لساني رحت وياها متوترة وكلبي يخفق بقوة وصلت جان كاعد ويباوعلي بغل وحقد ما اعرف شنو السبب بس ابوي للاسف ما حاسبني وحدة من عندة وطالعة من روحة وهلشي دمرني ودمر نفسيتي

وكفت مقابيلة ومدنكة راسي وافرك بدية والخوف تملكني بلعت العافية وكلبي خفق بقوة وانا اسمع كلامة::- نواف خطبج ما ادري شعجبة منج وحدة بايرة ومطلكة ومنزلة راس اهلها بس خطبج ما يهون علية انطيج لابن اخوي بس هو الرادج خلي يتحمل كلمة زايدة ما اريد واريدن اكلة يقدم موعد العرس تزوجون ولا تشوفيني وجهج بعد

احتركت روحي ودموعي كامت تصب حجيت والخوف مالي كلبي::- بوية فدوة اروحلك لا تسوي هيج ما اريدن اتزوج

انتفض وكام يصرخ::- ولله انعل ابوج لا تكولين ابوي بت الكلب انعل ابوج لابو ساسج بت الفكر من شفتج وشفت امج وانا الفكر ملاحكني كرطتن راحتنا وكرطتن اخوجن بعد شتردن ولي من وجهي لا انعل والديج بت القندرة ما تريد هي العايبة ولله كون فكيتي حلجج وحجيتي اكطعنج واذبن لحمج للجلاب السايبة

اخرها تفل بنص وجهي وطردني طلعت روحي ترفرف ومفرفحة تلكتني فاطمة حظنتها وبجيت بقوة ردت اموت اختنكت وهي تحاول تواسيني وتصبر بية بس شاصبر روحي طلعت وحسيت هاي انفاسي الاخيرة