قيود عشك الشيخ

قيد السابع

انصدمت من الموقف وانا اشوف سهى واكفة مقابيل سرمد ودموعها تصب وتحجي::- انا احبك سرمد ليش ما جاي تحس بية ولله احبك اكعد وامسي ع حسك

جان يباوعلها بمكر وابتسامة ع ثغرة ابتسامة نصر مثل الحيوان من يفترس فريستة ويحصل عليها

فجائة وما اعرف شلون رفع نظرة وشافني رمقني بنظرة خرطت العافية مني

تقدم ناحيتي وانا شردت اركض انطخيت بشي وانا عطت رغم عفتة وراي سرمد بس عبالي هو

اجاني صوت الشيخ::- زهرة شبيج شني هذا حالج

باوعتلة وزفرت براحة خالة ايدي ع كلبي هو يقابلني بنظراتة القلقة حجيت لاهثة::- ماكو شي

التفتت ناحية الدرج ما هم??!! وين راحو هسة جانو هنا??! شديصير

رجعت نظري علية مستغرب حالتي حجيت::- سرم..

قاطعني صوت الحجية هيلة وهي تصيحلي التفتت لكيتها واكفة يم باب غرفتها ولان الاضائة خافتة ما تعرف منو الواكف

::- زهرة??!!

تقدمت الها::- ها حجية

::- هاي انتي حبوبة

ابتسمت::- اي حجية اني رايدة شي محتاجة شي

::- لا يبعد امج تعاي لية رايدتج بسالوفة

باوعت للشيخ يباوع مستغرب الوضع عفتة باستغرابة وافكارة ورحت لغرفة الحجية كعدتني ع جربايتها وحجت بابتسامة

::- يمة خلصتي عدتج

دنكت راسي بخجل::- لا بعدني

::- يمة ثقيف هم يريدلة مرة تسد وحشتة وتنام بحظينة وهم نريد نشوف خلفتة

حجيت بخجل::- انا انام بحظنة واسولف وياه علمود ما يضوج

فتحت حلكها وهي تغم كصتها::- يععع يييعع شوف البخت ولج يخايبة يريد كربج

عقدت حواجبي طبت جميلة تريد فراش لخالتها لان باتو يمنا وباجر يردون يرحون للنجف::- يمة اريدن فراش لخالتي ما تقبل تنام ع قريولة

::- اي يمة تعاي اخذي ليها

::- اي شتسون كاعدات لهسة يمة

::- يمة جيتي ولله جابج تعاي ليه لهاي الغمه اكلها الريال(الرجال) يريد كربج تكلي انا اسولفن عليه

ضحكت جميلة بصوت وبعدها حجت::- يمة مو كلت وحجيت عجينة البت ما تعرف

::- يمة جا موش صوجها صوج ريلها الساكت مسجين وليدي ما حصل شي

تنهدت جميلة::- يمة حكة ما تعرفين هذن نسواوين شتسوي ما شوفي سويكت لون يعرفن جا هجمن بيتة وفهمج كفاية

دمعن عيونها وتنهدت باوعتلي بقهر وحيرة::- ميخالف يمة علمي البت لا ظلن هيج متيه الدرب خلي تعرف وراها حك ولزوم تسوي جا انا اظلن بحسرة الوليدات