قيود عشك الشيخ

مشاهد من المستقبل

مشهد 1

واكفة بالمطبخ مخبوصين ونرتب للخطار الي راح يجي من الناصرية ابتهال وسمر اجن وياي يشتغلن وعمتي واكفة فوك من راسنا

اجة الشيخ استعجلنا::- يلا بنات الوادم ع جية خلصتو

ردت ابتهال::- اي بوية خلصنا هسة ما عدنا شي

راح شوية واجو الخطار رحنا نركض نباوع جانو ثنين اشخاص وبنية البنية كالو دخلت يم الحجية والزلم بالديوان

ابتهال راحت تقدم الضيافة للبنية وسمر وياها اجن يتراكضن ويصيحن::- تعاي شوفي البنية تخبل

عطت::- راحت ولدنا

ضربتني سمر::- خاب ووجع طرشتينا غير رجلها وياها جاي

جريت نفس ورحت حتى اسلم عليها دخلت لكيتها كاعدة ما شاء الله بنية تخبل لابسة قميص بيج طويل لنص الفخذ وكيلود اسود وفوكاهن بشت بس البشت مفتوح ومبين شلابسة

مرتبة وحيل حلوة بس ناعمة حيل تقربت اسلم عليها وترد بصوت خجول كوة تحجي كالتلها الحجية::- اي يمة انتي بت الشيخ

ابتسمت بلطف وكالت::- لا خالة انا زوجة ابن ابو احمد واسمي شوك

....................

مشهد 2

ركبت وياه بالسيارة حسيتة ضايج لزمت ايدة حجيت::- شبيك حبيبي

ابتسم::- ما بية شي حياتي

::- اعرفك ما تريد تضوجني احجي شبيك

ابتسم ورفع ايدي باسها وحجة::- ما بية شي حبيبتي بس مفكر اشتري بيت لبغداد وننتقل الة

فرحت وطرت من الفرحة وخاصة ننتقل يم امي::- اي اشتري

::- افكر بعمتي منو الها هنا

::- ناخذها ويانا

::- ما تقبل تكوم ابقى هنا ع ريحة العزاز

.....................

مشهد 3

كاعدة ع مرجوحة ولابسة الاسود ودموعي تصب هاي الفاتحة اخذت ثلثين عمري

حسيت المرجوحة بدت تتحرك ابتسمت عرفتة هو التفتت لورة وفعلا لكيتة هو ضحكت::- شبيها حبيبتي

تنهدت وبقيت ساكتة اجة كعد يمي::- شبيج? ليش هل دموع

::- تعبت حيل تعبانة

::- من راحتي ع راحتج

::- ليش كل الاحبهم يرحون احس روحي وحيدة بهاي الدنيا

::- لا تكولين هيج انا اضعف لضعفج تدرين بية وبعدين شتكولين علية مرتين فقدت اهل انا

عيونة لمعن بالدموع ابتسمت وخليت ايدي ع لحيتة ودفنت راسي بركبتة لماني الصدرة وهو يجر حسرات

::- احبج

::- اموت عليك........يتبع

حسابي الانستا