الحب الاول لا يكفي

الحب الاول لا يكفي بارت 1

اشرف : الفطار جاهز
سامي : تمام ياعم اشرف اتفضل معايه
اشرف : الف هنا يااستاذ سامي انا كلت
سامي : مابلاش استاذ دي بقي انت حتي اللى مربيني يعني
اشرف : تمام ياابني
سامي رجل اعمال عنده 28 سنه شعره اسود وطويل وعينه عسلي بيحب شغله اوي بس شغله ماكنش كفايه يخليه مبسوط لان يعتبر كده لوحده وبيشوف بنت الحلال اللى تكمل معاه وتعوضه عن كل حاجه فى حياتها
اشرف رجل طيب اوي شغال فى الفيلا بقاله 20 سنه وعنده 55 سنه ويعتبر هو اللى مربي سامي بعد ماعيلته اتوفت وهو عنده 10 سنين
...
التليفون يرن
سامي : مين بيرن
اشرف : ده كريم على الخط ارد عليه
سامي : لا انا جاي اهو
يرد سامي
كريم : ايه ياعم فينك
سامي : موجود اهو قاعد بفطر
كريم : هو انا كل مااكلمك الاقيك بتاكل
سامي : ماانت مبتتصلش غير وانا باكل
كريم : طب بقولك ايه احنا هنسهر النهارده تيجي معانا
سامي : ماانت عارف اني مبسهرش
كريم : هو انت عمرك سهرت معانا تعاله بس ومش هتندم
سامي : طيب يا كريم هشوف
كريم : تمام هبعتلك عنوان الكافيه في رساله هستنااك على 9 كده
سامي : ان شاء الله يلا اقفل يابني عاوز افطر
كريم : هستنااك يااسامي متخلنيش واقف في الشارع كتير
سامي : تمام ياعم سلام
كريم : سلام
....
( كريم شاب عنده 25 سنه Hr في شركه خاصه فى شغله حاجه وبره شغله حاجه تانيه خالص ويعتبر هو وسامي اكتر من اخوات صحاب بقالهم خمستاشر سنه كريم بقي شعره اسود وبشرته بيضه طويل ورياضي وعينه عسلي بيحب يعيش حياته اوي كل يوم بيطلع من شغله علي كافيه يقعده فيه هو وصحابه ويسهره فيه )
.... ( الكاتب احمد بركات)
الساعه جت 9 وكريم مستني سامي عند الكافيه اللى بيسهره فيه ويوصل سامي فى الوقت اللى قاله عليه
كريم : كنت عارف انك هتيجي لا وفى الوقت كمان طول عمرك منضبط
سامي : انا قولت حرام اسيبك مستني فى الشارع واهو اشوف السهرات بتاعتكم دي عامله ازاى
كريم : هتنبسط معانا يلا ندخل صحابي مستنيين جوه
سامي : يلا
يدخل سامي وكريم الكافيه
كريم : تعاله بقي اعرفك علي صحابي
احمد : ايه ياعم التاخير ده
كريم : ماده بقي ياعم سبب تاخيري
كريم : ياشباب ده سامي صاحب شركه البدر للاستيراد والتوريد ويعني مش هقول صحبي ده بقي اخويا الكبير وكلمتكم عنه كتير هو اللى وقف جنبي بعد ماابويا مات ومهما اقول مش كفايه
سامي : حبيبي ياكريم  متقولش حاجه انت قولت اهو احنا اخوات يعني
كريم : اكيد ياخويا ده بقي احمد وده هشام
احمد : طبعا ومين ميعرفوش معاك احمد مدير حسابات وزميل كريم فى الشركه ولو احتاجت اى حاجه عاوز مدير جديد للشركه بس قولي 
هشام : وانا بقي هشام اكيد سمعت عني من احسن المديريين التسويقيين فى مصر ولو احتاجت مدير تسويق انا موجود برضه
كريم بصوت واطي : بس الله يخربيتكم ده وقت دعايه
سامي : تشرفنا وان شاء الله يكون في فرصه شغل مابينا
كريم : ودي بقي ياسيدي حلا ودي رنا
رنا بـ ابتسامه خفيفه وتسكت
تبص حلا لسامي بنظرات اعجاب : مش تقولنا ياكريم ان تعرف ناس حلوه كده
كريم : ايه ده ايه ده هنعاكس ولا ايه وانا يابنتي اصحابي كلهم حلوين اصلآ ولا ايه يارجاله
هشام : احنا مش ماليين عينك ولا ايه
رنا تخبط على رجل حلا وبصوت واطي : يابت اتلمي
سامي : كان عندك حق ياكريم تسهر كل يوم معاهم قعدتهم حلوه فعلا
احمد : والله انت اللى قعدتك حلوه لا احنا خلاص بقينا صحاب هو بقي من الشله خلاص كده
كريم : اكيد لو رنا وحلا معندهمش مشاكل
حلا : لا اكيد مفيش مشاكل
وانتى يارنا فى مشاكل ولا حاجه
رنا : لا مفيش مشاكل
سامي : طيب ياشباب استأذن انا بقي فرصه سعيد
احمد : هو احنا لحقنا قعدنا مع بعض
سامي : مره تانيه بقي معلش عشان ورايا شغل بكره يلا استأذن انا
احمد : اتفضل
..... ( الكاتب احمد بركات)
( احمد وهشام ودول بقي زمايل كريم شباب جدعان اوي وزي ماعرفنا احمد مدير الحسابات فى الشركه وهشام مدير التسويق نيجي بقي للبنات حلا ورنا والاتنين محاسبيين فى الشركه حلا دي بقي غنيه وبتحب الفلوس اوي مدلعه باباها مبيحرمهاش من اى حاجه ومهما كانت ايه الحاجه بتعملها ودي بنت يعني طويله شوية بشرتها بيضه وعينها خضرا نيجي بقي لـ رنا البنت الطيبه الكتومه اللى كلامها قليل غير ان هي وحلا زمايل فى الشغل
يعتبر مع بعض من ايام الدراسه ودايمآ حلا كانت بتستغلها رنا بقي بشرتها بيضه قصيره وعينها عسلي والاتنين عندهم 25 سنه )
......
كريم : طب استني اجي اوصلك
سامي : خليك انت مع صحابك يابني
كريم : لا استني بس عاوزك في موضوع
قام كريم وراح عند باب الكافيه هو وسامي
كريم : ايه رايك في حلا
سامي ...
نستكمل فى البارت التاني