الحب الاول لا يكفي

الحب الاول لا يكفي بارت 19

وقفل السكه وقررت تكلم حلا تشوفها فين فقررت تتصل بيها لاقيتها انتظار بس مردتش تتصل تاني وقالت تسيبها ممكن تكون بتكلم سامي وبعد 3 دقايق بالظبط يجيلها مكالمه من حلا 
حلا : معلش يارنا كان معايه مكالمه 
رنا : ايوه بقي سامي كلمك 
حلا : لا يارنا ده سعد 
رنا باستغراب : سعد ؟
حلا : اه سعد مستغربه ليه
رنا : لا بس مجاش في بالي خالص 
حلا : انتي فين طب
رنا : انا في الطريق وقربت اهو
حلا : خلاص اما تيجي بقي ابقي احكيلك حصل ايه 
رنا : تمام وانا مش هتاخر عليكي 
حلا : تمام باي 
رنا : باي 
وقفلت رنا وقعدت تفكر فـ اللى قالته حلا وبعد 10 دقايق بالظبط توصل رنا وتقف قدام الباب وتخبط وتفتحلها فاطمه 
فاطمه : اتفضلي ياهانم الست حلا مستنياكي 
رنا : انا مش هانم ولا حاجه انا اسمي رنا واحنا في دور بعض يعني انتى عندك كام سنه 
فاطمه : انا عندي كام سنه 
رنا : ايه مش فاكره عندك كام سنه 
فاطمه : لا ازاى عندي 26 سنه 
رنا : طب يعني اكبر مني كمان انا 25 
حلا : مين يافاطمه 
وتبص حلا تلاقي رنا 
حلا : انتى واقفه علي الباب ليه تعالي وانتى يازفته حد يوقف حد علي الباب كده 
فاطمه : والله ياست حلا انا قولتلها اتفضلي 
حلا : انتي هتجادلي معايه يابت 
رنا : ايه ياحلا هي معملتش حاجه لكل ده انا كنت بدردش معاها شوية روحي انتى يافاطمه 
فاطمه : حاضر 
رنا : في ايه مالك عصبيه ليه النهارده 
حلا : مفيش بس مش عارفه اعمل ايه 
رنا : قوليلي بقي احكيلي 
حلا : لا الاول نفطر لاني جعانه اوي 
رنا : الف هنا انا فطرت قبل مااجي 
حلا : لا مينفعش مش هاكل 
رنا : والله ماقادره 
حلا : ماليش دعوه مش هاكل حاجه لو ماكلتيش 
رنا : طب تمام هاكل خلاص 
حلا : قوليلي عايزه تفطري ايه 
رنا : اي حاجه حلوه انا هفطر معاكي الاكل اللى هتاكليه هاكل منه 
حلا : طب خليكي هنا هدخل للطباخ اقوله 
دخلت حلا تشوف الطباخ ويجي لرنا مكالمه تبص رنا للاسم وتقفل ومتردش ولتاني مره يجي مكالمه من نفس الرقم فتقفل التليفون وبعد 5 دقايق تيجي حلا 
حلا : كلها 10 دقايق يكون الفطار جاهز تحبي نقعد فين 
رنا : اي مكان انتى بتحبي تقعدي فين وانتى بتفطري 
حلا : طب تعالي نقعد في الجنينه 
رنا : يلا 
وتسيب رنا تليفونها وتروح الجنينه هي وحلا وبعد ربع ساعه يوصل الفطار 
حلا : ايه كل ده تأخير
الطباخ : سبب تأخيري ان عملت كذا صنف لحضرتك 
رنا : الرجل حقه يتاخر ده عامل اكل كتير ياحلا
حلا : تمام اتفضل انت 
ويمشي الطباخ 
حلا : انا عايزه الاكل ده كله يخلص 
رنا : حاضر باكل اهو قوليلي بقي حصل ايه 
حلا : انا رجعت لسعد 
رنا : طب وسامي 
حلا : مادي المشكله سعد بيحبني وعمل كتير عشاني والايام اللى فاتت دي عرفتني قد ايه هو بيحبني 
رنا : اه فعلا بيحبك اوي 
حلا : وبالنسبه لسامي مفيش غيرك هيساعدني 
رنا : اساعدك ازاى بس انا مش في ايدي حاجه 
حلا : لا ازاى انتى متعرفيش سامي اما بيشوفك بيبقي عامل ازاى 
رنا : ايه الكلام ده انا وسامي اخوات وصحاب بس 
حلا : يعني عايزه تقنعيني عمل كل ده عشانك ليه انتى فاكره اني معرفش ان هو شغلك عنده ووقف معاكي كتير 
رنا : اه فعلا بس كل ده مش سبب برضه اكيد يعني عشان معندوش اخوات بنات فهو بيعتبرني زي اخته وهو بيحبك مهما كان هعتبره زي اخويا 
حلا : بيحبني ايه ده مكلمنيش من ساعتها ولا اتطمن عليا ومفتحش موضوع الخطوبه تاني  
رنا : بس هو
حلا : هو ايه 
رنا : هو  بصراحه كلمني الصبح وقال ان هيكلمك بس هو ممكن اتشغل في الشغل بس 
حلا : ياحبيبتي يعني كلمك ومكلمنيش واضحه اوي , رنا انا وسامي خلاص ومفيش حد يستاهلني غير سعد وانا خلاص كلمته ورجعنا لبعض 
رنا : طب انتي شايفه 
حلا : تديله فرصه وتخليه ينساني 
رنا : طب لو بيحبك 
حلا : برضه هتقولي بيحبني 
ويجي مكالمه من سامي في نص كلامهم 
حلا : اهو بيجي علي السيره 
رنا : هههه طب ردي عليه 
حلا : ياااا سامي عاش من سمع صوتك 
سامي : هو انا غبت كتير كده 
حلا : كتيير بس بس قولي انت عامل ايه 
سامي : انا تمام انتى تمام 
حلا : اه كله تمام ورنا تمام برضه 
تضحك رنا بصوت واطي علي كلام حلا 
سامي : شكلها جنبك مش هي اللى بتضحك دي 
حلا : يخربيتك انت سامعها 
سامي : ايه ده احنا هنغلط ولا ايه 
حلا : ياعم بهزر متبقاش قفوش كده 
سامي : مبقاش قفووش 
حلا : اه متبقاش قفوش ياعم بقولك ايه ياسامي هقفل انا هروح اكل 
سامي : تمام روحي كلي روحي 
حلا : يلا ولا هتاكل معايه 
سامي : لا انا سبقتك روحي انتي 
حلا : تمام باي 
سامي : باي 
رنا : ايه يابنتي بتكلميه كده ليه 
حلا : هنحن بدري شكلنا 
رنا : هههه انا هسكت احسن 
في مكان تاني عند كريم الساعه 7 بليل في كافيه كبير في القاهره 
كريم : بقولك لو سمحت 
الويتر : اتفضل يافندم معاك 
كريم : عايز قهوه مظبوط 
الويتر : حاجه تاني مع القهوه يافندم 
كريم : لا شكرا 
في نفس الوقت بنت بسيطه اسمها ليلي 22 سنه بعد بحث كتير عن الشغل قررت تشوف اقرب مكان وتاكل حاجه وكان نفس المكان اللى فيه كريم 
ليلي : بقولك ايه انت ياعم 
الويتر : مع حضرتك يافندم اتفضلي 
ليلي : انا جعانه عندكم اكل ايه هنا 
الويتر : اتفضلي يافندم الـ menu 
ليلي : هاتلي بيتزا فراخ كبيره 
الويتر : 10 دقايق بالظبط وتكون جاهزه اى حاجه تاني مع الاوردر 
ليلي : لا شكرآ 
وبعد ربع ساعه توصل البيتزا وتبدأ تاكل وكانت ليلي جعانه اوي من كتر ماكانت بتلف عشان تشوف شغل 
فياخد كريم باله منه ويفضل مركز معاها ومع تصرفاتها فيفضل متابعها من بعيد لحد مايجي مكالمه من سامي 
سامي : ايه ياكيمو انت فين 
كريم : انا قاعد علي كافيه في القاهرة 
سامي : قاعد انت والشله 
كريم : لا قاعد لوحدي مبقناش نتلم زي زمان كله بيخلص شغله ويروح بقولك ايه ماتيجي 
سامي : مش هعرف والله ياكيمو . بقولك ايه تعرف تشوفلي سكرتيره ضروري 
كريم : سكرتيره ايه غير سناء يعني 
سامي : سناء سابت الشغل ومحتاج سكرتيره ضروري فـ لو تعرف تتصرفلي فيها يبقي انت خدمتني 

في نفس المكان عند ليلي 
الويتر : الحساب يافندم 
ليلي تطلع الفلوس بس متلاقيش حاجه 
ليلي : ايه ده الفلوس رااحت فيين انا كان معايه فلووس راحت فين 
الويتر : يااستاذه الحساب لو سمحتي متعمليش مشاكل 
سامي : كرييم انت معايه يابني , روحت فين  
كريم : معاك اهو هشوفلك حاضر ياسامي اقفل دلوقتي بس عشان في حاجه عندي في الكافيه 
سامي : تمام 
ليلي : طب بص هقولك حاجه انا عندي فكره حلوه ايه رايك اشتغل بالاكل اللى انا كلته ولو شغلي عجبكم اشتغل معاكم علي طول 
الويتر : انتى بتهزري حضرتك 
ويقوم كريم ويروح عند ليلي 
كريم : ... 
نستكمل روايه الحب الاول لا يكفي في البارت 20