الحب الاول لا يكفي

الحب الاول لا يكفي بارت 20

كريم : خلاص اعتبر حسابها عندي اتفضل انت
الويتر: تمام يافندم
ليلي : حسابها عندك ايه انت تعرفني ياعم انت
كريم : يابت لسانك انا غلطان ان بساعدك
ليلي : بت ايه بت دي
كريم : يعني انتى مسكتي في الكلمه اوي
ليلي : ايوه انا مش بنت انا ليا اسم
كريم : طيب اسمك ايه
ليلي : انت مالك
كريم : ياساتر عليكي ما بقولك بت ومش عجبك وانا مش برخم عليكي انا جيت اساعدك
سكتت ليلي شوية
كريم : هاا اسمك ايه
ليلي : اسمي ليلي وانا اسفه علي الطريقه اللى كلمتك بيها انا كان معايه فلوس بس شكلها وقعت مني في الطريق
كريم : ولا يهمك اعتبريها سلف وابقي رجعيها من شغلك الجديد
ليلي : شغلي الجديد ؟
كريم : اه شغلك الجديد
ليلي : شغل ايه بقي هو انا لاقيه شغل
كريم : ولو جبتلك شغل وبمرتب كويس
ليلي : شغل ايه ده !
كريم : شغل كويس متقلقيش هتشتغلي سكرتيره في شركه تبع واحد صحبي
ليلي : لا شكرآ انا مش محتاجه مساعده من حد ومعرفش مين صحبك ده اصلا وانا مش حابه اشتغل سكرتيره تاني بعد اللى حصل معايه
كريم : حصل ايه
ليلي : ملاحظه انك اتدخلت في حاجات مينفعش تدخل فيها
كريم : تمام علي العموم لو حبيتي تتكلمي معايه وتعرفي تفاصيل الشغل انا قاعد هنا علي الطربيزه اللى جنبك دي
ليلي : شكرآ
كريم : العفو

وراح كريم قعد بكل هدوء للطربيزه بتاعته ومسك تليفونه وعمل ان مش شايفهاليلي بصوت واطي لنفسها : مستنيه ايه حد لاقي شغل واكيد مش كل الناس زي بعضه يعني انا هروح بقي وامري للهليلي : بقولك ايهكريم : اتفضلي في حاجه ليلي بصوت واطي : ده هيعمل مش عارفني ويتنك من اولها
كريم : بتقولي حاجه ؟
ليلي : ايه ! .. لا لا مبقولش
كريم : طب اقعدي واقفه ليهليلي : اديني قعدت قولي بقي الشغل فين وهروحه امتي وهقبض قد ايه ومواعيد شغليكريم : اهدي اهدي في ايه انا لسه عرفتك حتي ليلي : قولي بقي كده بتضحك عليا وبتعمل كل ده عشان تتعرف عليا . لا اسفه يااستاذ مش بتاعت تعارف ولا الكلام ده وانا غلطانه انى قعدت اصلاكريم : بس بس بس في ايه يخربيتك اهدي وهو انا هوديكي الشغل من غير مااعرفك ازاى يعني ليلي : عندك حق , يعني انت مبتضحكش عليا وفي شغل بجدكريم : لا مبضحكش عليكي ممكن بقي تهدي وتسمعيني ليلي : هديت اهو كريم : بصي دلوقتي انا لازم اعرفك كويس فهعملك انترفيو وعلي فكره انا Hr ليلي : انترفيو هنا ؟كريم : اعتبريه تعارف بلاش انترفيو وعرفيني علي نفسك ليلي : اه وبعدين كريم : بعدين هضحك عليكي وبعمل كل ده عشان اتعرف وبصي انا اللى سرقت فلوسك
ليلي : ههههه لا خلاص انت شكلك مش حرامي لا
كريم : شكلي مش حرامي
ليلي : قفشت ولا ايه
كريم : لا احنا بنهزر وانا بتقبل الهزار عادي
ليلي : ايوه افتكرتك قفوش
كريم : لا مش قفوش خالص , قوليلي يا ليلي انتى بتدرسي
ليلي : انا اتخرجت السنه دي خريجه كليه تجاره
كريم : بسم الله ماشاء الله هو انا كل اللى اعرفه من تجاره
ليلي : كليه الشعب انت متعرفش ولا ايه
كريم : هههه لا عارف طبعآ ممكن اسئلك سؤال
ليلي : اتفضل بس سؤال عن ايه
كريم : هو بالنسبه للشغل انتى اكيد عرفتي سكرتيره بس انا عايز اعرف ليه اول ماعرفتي ان هتشتغلي سكرتيره كلامك اتغير ورفضتي علي طول
ليلي : بص انا ماكنتش حابه اتكلم في الموضوع ده بس هقولك
كريم : تمام انا سامعك
ليلي : انا بابا متوفي وامي ست كبيره ومبتشتغلش
كريم : الله يرحمه
ليلي : فـ انا بقي اللى بصرف علي البيت فكنت بشتغل وانا بدرس وطبعآ محدش كان عايز يشغل طلاب في يوم لاقيت اعلان شغل مطلوب سكرتيره
كريم : بقولك ايه بما ان القعده هتطول شوية انا هطلب قهوه ليكي في القهوه ولا لا
ليلي : اه بشرب قهوه
كريم : تمام , لو سمحت
ألويتر : اتفضل يافندم
كريم : 2 قهوه , واحده مظبوطه بتشربيها ايه ياليلي
ليلي : زياده
كريم : تمام واحده مظبوطه وواحده زياده
الويتر : حاجه تاني يافندم
كريم : شكرآ , اتفضلي كملي كلامك
ليلي : بس فـ انا فرحت وقولت اروح اشوف الشغل ايه المهم روحت وحضرت الانترفيو ونجحت فيه بعد كام يوم عرفت ان الرجل اللي شغاله عنده بتاع بنات وكان باين جدآ من نظراته ليا المهم انا استحملت نظراته وعديت عشان انا فعلا محتاجه الشغل ده ومحتاجه لكل جنيه هيجي منه بس في يوم من الايام حاول يقرب مني وعملتله مشكله في الشركه ولميت عليه الناس وطردني ومن ساعتها وانا قولت مش هشتغل الشغلانه دي تاني
كريم : مش كل الناس زي بعضها في ناس كويسة برضه
ليلي : اكيد
ويقطع كلامهم مكالمه لـ ليلي
ليلي : اسكت متتكلمش امي بتتصل
ام ليلي : ايه يا ليلي انتى فين كل ده
ليلي : انا كنت باكل ياماما وجايه اهو
ام ليلي : قدامك كتير
ليلي : لا جايه في الطريق اهو
ام ليلي : تمام خلي بالك من نفسك
ليلي : حاضر باي
ام ليلي : باي
وقفلت ليلي وشافت الساعه لقتها 9
ليلي : الوقت اتاخر اوي انا لازم امشي
كريم : اجي اوصلك
ليلي : لا مينفعش طبعآ
كريم : طب استني اطلبلك اوبر
ليلي : مش عايزه اتعبك
ليلي : لا مفيش تعب ولا حاجه وصح الكارت بتاعي اهو اما تروحي ابقي كلميني اسجلك وعشان اقولك مكان الشغل فين
ليلي : تمام
وطلب كريم اوبروفي خلال 10 دقايق وصل ركبت ليلي ووصلت البيت وركب كريم عربيته وراح لبيته
في مكان تاني في بيت عبدالله
حلا : انا عرفت ازاى ابعد عن سامي
رنا : ازاي
حلا : هتكلميه وتقوليليه انك تعبانه اوي ومش هتقدري تروحي الشغل وهو اكيد هيجي يزورك لان هو بيحبك
رنا : طب لو مجاش
حلا : هيجي هتشوفي واول مايجي تكلميني تقوليلي وهاجي ساعتها
رنا : وبعدين
حلا : بس متشغليش بالك بالباقي
رنا : ربنا يستر
ويجي مكالمه لحلا
حلا : ثواني اشوف مين بيرن
حلا : الوو
عبدالله : ايه ياحلا رنا فين وقافله تليفونها ليه
حلا : جنبي اهي يابابا
عبدالله : قوليلها تفتح تليفونها هكلمها دلوقتي
حلا : تمام هي سمعتك وبتفتحه دلوقتي
عبدالله : تمام سلام
وقفل عبدالله واتصل برنا
عبدالله : ايه يارنا قافله تليفونك ليه عمال اتصل بيكي
رنا : معلش والله كان في حد عمال يتصل فقفلته
عبدالله : تمام خلي تليفونك مفتوح عشان وقت ماتحبي تمشي اكلم السواق
رنا : انا ماشيه دلوقتي لان الوقت اتاخر
عبدالله : كلتي
رنا : اه الحمدلله
عبدالله : تمام هكلمه دلوقتي واقوله يعدي عليكي يوصلك
رنا : تمام
عبدالله : يلا سلام
رنا : باي
الساعه 10 يوصل السواق ويوصل رنا البيت توصل رنا الساعه 11 بليل تروح تلاقي امها نايمه تروح اوضتها تغير ولسه هتنام يجيلها مكالمه من نفس الرقم اللى عمال يتصل بيها من بدري فترد عليه
رنا : مش قولتلك متتصلش بالرقم ده ولو حصل اى حاجه هبقي اكلمك
نستكمل في البارت ال21 
لو عجبك الرواية متنسنيش بتصويت عشان اكمل واكتب اكتر