الحب الاول لا يكفي

الحب الاول لا يكفي بارت 16

ومشي سعد ودخل عبدالله يشوف بنته
عبدالله : حلا
حلا : نعم
عبدالله : يلا يابنتي عشان نروح بيتنا
حلا : هما لسه بره يابابا
عبدالله : هما لسه مشيين دلوقتي مرضوش يمشو غير اما يتطمنو عليكي
وتعيط حلا وتروح تحضن باباها
حلا : انا طلعت وحشه اوي يابابا
عبدالله : ليه بتقولي كده
حلا : بعد كل اللى عملته مع رنا وسعد ولسه بيحبوني
عبدالله : احنا كلنا بنغلط ومش وقته الكلام ده يلا انا هطلع استناكي بره غيري وتعالي
حلا : تمام يابابا
وطلع بره يستني حلا لحد ماطلعت ونزلو ركبو العربيه
في مكان تاني في عربيه سامي
رنا : سامي
سامي : ايه يارنا
رنا : هو انت كنت بتعمل ايه في الشركه وكمان عارفها ورايح تاني للشركه معايه
سامي : بصراحه يارنا انا صاحب الشركه دي وكلمت كريم عشان يقولك عليها وان مطلوب محاسب للعمل وعارف طبعا ان لو انا اللى كنت عرضت عليكي الشغل كنت هترفضي
رنا : طبعا كنت هرفض بس لان انا مش محتاجه مساعده
سامي : رنا انا وانتي عارفين كويس انك محتاجه للشغل اوي واحنا صحاب مفهاش حاجه ان نساعد بعض
رنا : اكيد يامديري
سامي : هههه لا بصي احنا بره صحاب مفيش مديري بقي والكلام ده
رنا : طب وفي الشركه
سامي : لا مديرك طبعا
رنا : هههه تماام
سامي : يلا احنا وصلنا اهو انزلي انتي علي مكتبك وانا هروح مشوار شغل كده ولو احتاجتي اى حاجه قولي لاستاذ علي
رنا : تمام , يلا باي
سامي : باي
في مكان تاني في فيلا عبدالله بعد ماوصل هو وبنته الفيلا
عبدالله : يلا ياحبيبتي اطلعي كده غيري وخدي شاور وانا هروح اقول للطباخ يعملك النجرسكو اللى انتى بتحبيه
حلا : تسلم يابابا انا مش جعانه
عبدالله : لا مينفعش مش جعانه ايه هتاكلي معايه مش هاكل لوحدي وعقبال ما الاكل يتعمل هتكوني جوعتي يلا
حلا : حاضر
وطلعت حلا اوضتها قفلت الباب وفضلت قاعده تفتكر كل الاحداث اللى حصلت مبقتش عارفه تعمل ايه حست بتشتيت قامت ووفقت على رجليها بس مستحملتش واغمي عليها
وبعد ساعه
عبدالله : هي كل ده بتغير , فاطمه يااافاااطمه
فاطمه : ايوه يابيه
عبدالله : اطلعي نادي حلا شوفي اتاخرت كده ليه
فاطمه : حاضر يابيه
وطلعت فاطمه ووقفت قدام الباب وبتخبط بس مفيش رد
فاطمه : ياست حلاا البيه عايزك تحت ياست حلاا , اللاه هي مبتردش ليه
وتفضل تخبط لكن بدون رد فتنزل جري تعرف عبدالله
فاطمه : يابيه يابيه عمال بخبط مبتردش عليا
عبدالله : مبتردش ازاى يعني
وطلع عبدالله ووقف قدام الباب ويخبط
عبدالله : حلاا افتحي الباب , حلاا حبيبتي انا بابا افتحي الباب
بس مفيش رد اخر مايزهق يقوم يقرر يكسر الباب وفعلا يكسر الباب ويدخل بس يلاقي بنته مرميه على الارض ومغمي عليها
عبدالله : حلاا حلاا , انزلي بسرعه نادي الدكتور هشام
فاطمه : حاضر يابيه
ونزلت فاطمه جري تنادي الدكتور هشام اللى في الفيلا اللى جنبهم
ويشيل عبدالله حلا وينيمها على السرير ويجيب شوية ميه يحاول يفوقها بس برضه مفيش فايده
عبدالله : ردي عليا ياحبيبتي , حلااا
فاطمه : اتفضل يادكتور
هشام : في ايه هي مالها
عبدالله : معرفش والله يادكتور دخلت الاوضه لاقيت اغمي عليها
هشام : حلاا حلاا
وبعد محاولات من الدكتور فاقت
عبدالله : ايه يابنتي خوفتيني عليكي
هشام : ينفع كده تقلقي الرجل عليكي
حلا : مفيش حاجه انا كويسة متقلقش ياباشا
عبدالله : كويسة ايه بس يابنتي , هي مالها يادكتور
هشام : زي ما قالتلك اهي هي كويسة متقلقش خليها بس تاكل وترتاح شوية
عبدالله : متاكد مفيش حاجه يادكتور
هشام : اه متقلقش مفيش حاجه سيبها ترتاح بس وتعاله نتكلم بره
وطلعو بره يتكلمه
هشام : استاذ عبدالله هى حلا بتمر بحاجه الايام دى حد ضايقها ولا فى حاجه معاها
عبدالله : هى عملت حادثه امبارح والدكتور قالى اسيبها في المستشفي شويه ترتاح بس انا موافقتش وجبتها هنا لان حلا مبتحبش قعده المستشفيات
هشام : واليوم اللى حصل في الحادثه حصل ايه هل فى حد ضايقها في اليوم ده ف طلعت بعربيتها وهى مش في وعيها وعملت حدثه
عبدالله : انا معرفش اى حاجه عن اليوم ده ومرضتش اسئلها ماكنش في وقت كان كل اللى يهمنى ان اشوف بنتى كويسه ونروح بالسلامه , بس انت قلقتني اوي حلا بنتي كويسة صح
هشام : حلا كويسة متقلقش هي بس نفسيتها وحشه شوية ومحتاجه حد جنبها المهم انا مش عايزك تفتح معاها اي تفاصيل عن الحدثه بس وعايز حد يكون جنبها حد من سنها يتكلم معاها شوية ويخليها تنسي اليوم ده
عبدالله : تمام يادكتور هخلي صحبتها تيجي تقعد معاها
هشام : تمام يلا هستاذن انا ولو حصل اى حاجه جديده عرفني
عبدالله : اتفضل يادكتور
ونزل تحت مع الدكتور واول ما الدكتور مشي طلع يقعد مع بنته شوية ويتكلم معاها
اليوم التالي في الشركه اللي شغال فيها كريم
احمد : كريم شوفت المصيبه اللى حصلت
كريم : ايه ياابوحميد انت مبتقوليش غير علي المصايب حصل ايه خير
احمد : امبارح بعد ماحلا اتطردت وهي ماشيه بعربيتها عملت حادثه
كريم : ياساتر يارب وهي عامله ايه دلوقتي
احمد : لا بقت كويسة الحمدلله
كريم : غريبه مع ان سامي مقاليش
احمد : هتلاقي بقي اتشغل وماكنش في وقت
كريم : كما تدين تدان ياابوحميد حق رنا رجع علي طول
احمد : انا لحد دلوقتي مش مصدق ان هي السبب في طرد رنا
كريم : هنعمل ايه بقي ربنا يهدي
احمد : يارب
كريم : يلا هشوف انا سامي اعرف منه اخر الاخبار
احمد : تمام
في نفس الوقت في مكان تاني في شركه سامي
سامي : رنا ايه الاخبار دلوقتي عامله ايه
رنا : الحمدلله وانت عامل ايه
سامي : الحمدلله
رنا : بقولك صح
سامي : ايه يارنا
رنا : ابو حلا كلمني وعايزني اجي اقعد مع حلا الكام يوم دول
سامي : ااه
رنا : فيعني لو ينفع اخد اجازه اسبوع كده
سامي : بصي انا متعود ادي اجازات بس في الحاله دي انا مينفعش اقولك لا بالعكس انا عايزك تكوني جنبها الكام يوم دول
رنا : شكرا جدآ واكيد هكون جنبها حلا اختي
سامي : وبلاش تفتحي معاها اى حاجه من اللى حصلت قبل كده
رنا : لا الموضوع ده انا نسيته اصلا
ويجيله مكالمه في نص كلامهم من كريم
سامي : تمام ثواني كده كريم بيتصل
رنا : خد راحتك
ويرد سامي ...
كريم : اللى مطنشني
سامي : ليه ياعم مطنشك في ايه اذا كان انت كل يوم بتتصل تقرفني
كريم : بقي ياجدع يحصل كل ده امبارح ومتقوليش
سامي : انا فاكرك عارف يابني
كريم : لا ده انا عرفت بالصدفه من احمد
سامي : انا والله يادوب جالي الخبر من هنا وروحت علي طول ومجاش في بالي اقولك
كريم : ياعم عادي بس شوفت حق رنا جيه بسرعه
سامي : حق رنا في ايه مش فاهم
كريم : انت متعرفش سبب الحدثه
سامي : لا حدثه ايه
كريم : امبارح المدير طرد حلا وبهدلها قدامنا كلنا
سامي : طردها ؟ ومقولتليش ليه
كريم : انا معرفتش حوار الحدثه غير من شوية وكنت هكلمك احكيلك
سامي : ده لو ابوها عرف مش هيسكت
كريم : انت هتقولي المهم بس متقولوش بلاش مشاكل هي مش حلا بقت كويسة
سامي : اه الحمدلله كويسة حتي رنا هتقعد معاها الكام يوم دول
كريم : والله رنا دي جدعه اوي يعني شوف برغم اللى حصل معاها ولسه واقفه جنبها
سامي : اه والله فعلا , بقولك ياكيمو
كريم : قولي
سامي : انا شكلي كده حبيت رنا
كريم : .......
لتكمله الروايه في البارت 17