الحب الاول لا يكفي

الحب الاول لا يكفي بارت 22

عبدالله : ايه ياحلا مبترديش ليه قلقتيني عليكي
حلا : معلش يابابا مسمعتش التليفون
عبدالله : تمام قوليلي ايه الاخبار ورنا تليفونها مقفول ليه هي وصلت حلا : اه وصلت من بدري وقاعدين انا وهي هي تليفونها فصل بس وبتشحنه
عبدالله : تمام انا ساعه كده هخلص شوية ورق وجاي اجيبلك حاجه معايه وانا جاي
حلا : تسلم يابابا تيجي بالسلامه
عبدالله : الله يسلمك يلا سلام دلوقتي ولو احتاجتي حاجه كلميني
حلا : تمام باي
الساعه 2 في شركه سامي
سامي : كده انا عرفتك كل حاجه في حاجه تانيه عايزه تعرفيها
ليلي : لا تمام كده
سامي : تمام اتفضلي انتي وبكره ان شاء الله الساعه 9 تكوني في الشركه
ليلي : تمام شكرآ يافندم
وتطلع ليلي تلاقي كريم مستني بره فـ اول مايشوفها يروحلها
كريم : ايه تمام كده
ليلي : اه عرفني كل حاجه عن الشغل وهروح من بكره
كريم : امال في ايه شكلك مضايقه سامي ضايقك في حاجه ولا ايه
ليلي : لا مش مضايقه ولا حاجه وهو كان كويس معايه
كريم : امال في ايه
ليلي : بفكر اقول لماما ازاى
كريم : بسيطه متضايقيش نفسك ومش كل الناس زي بعضها
ليلي : انا هقنعها بس بقولك ايه انت صحبك ده رغاي كده ليه
كريم : ههههه يابنتي بس ليسمعك انتى لسه مبدأتيش
ليلي : عمال يسئل من اول ما دخلت وسئلني عليك
كريم : وقولتيله ايه
ليلي : هقوله ايه حكيتله اللى حصل وانك عرضت عليا الشغل
كريم : بس مقالكيش حاجه تانيه
ليلي : مقالش لا
ويجي لـ ليلي مكالمه من امها
ام ليلي : ايه ياليلي طمنيني
ليلي : الحمدلله ياامي اتقبلت في الشغل وهروح من بكره
ام ليلي : الف حمد وشكر شوفتي اللى بيتعب بيلاقي ازاى
ليلي : اه اكيد
ام ليلي : انتى فين كده
ليلي : في الشركه وجايه
ام ليلي : تمام يلا تعالي مش هتغدا من غيرك
ليلي : جايه اهو هقفل معاكي دلوقتي عشان في دوشة ومش سامعه كويس
ام ليلي : تمام متتاخريش
ليلي : حاضر
ام ليلي : سلام في رعايه الله
ليلي : سلام
كريم : تحبي اطلبلك اوبر
ليلي : شكرآ اوي ياكريم انا تعبتك معايه
كريم : لا مفيش تعب ولا حاجه هطلبلك اوبر
ليلي : تمام
وبعد 10 دقايق يوصل الاوبر وتركب ليلي العربيه وتوصل البيت الساعه 3 و20 دقيقه
ام ليلي : جيتي في وقتك تعالي اغسلي ايدك وتعالي كلي معايه
ليلي : كلي انتي مش جعانه
ام ليلي : لا ازاى بس انا مستنياكي تعالي
ليلي : ياامي كلي انتي
ام ليلي : هتخليني احلف مااكل
ليلي : خلاص هغير طب واجي
ام ليلي : تمام
الساعه 3 تقعد ليلي مع امها ياكله
ام ليلي : مقولتليش شغل ايه ده وفلوسه كويسة
ليلي : لسه هعرف بكره الراتب بس هي فلوسة كويسة
ام ليلي : والشغل
ليلي : مالو الشغل
ام ليلي بعصبيه : هو انا هعيد الكلام كتير شغل ايه
ليلي : بصي ياامي من غير ماتتعصبي الناس اكيد كلها مش زي بعض
ام ليلي : اه وبعدين اوعي يكون سكرتيره
ليلي : اه سكرتيره
ام ليلي بعصبيه : تاني يا ليلي مفيش فايده فيكي ايه نسيتي اللى حصل
ليلي : منسيتش اللى حصل بس هو رجل محترم وشغل كويس والناس كلها مش زي بعض في ناس كويسة كتير
ام ليلي : اه والتاني ده بتاع زمان مقولتيش كويس برضه في الاول
ليلي : اعمل ايه طب ياامي هو انا لاقيه شغل ومتقلقيش لو لاقيته قل ادبه همشي بنتك بميه رجل
ام ليلي : تمام يا ليلي اما نشوف اخرتها
ليلي : اخرتها خير ان شاء الله متقلقيش
ام ليلي : تمام
وتقوم ام ليلي من علي الاكل
ليلي : ياامي انتي كلتي
ام ليلي : شبعت الحمدلله
ليلي : طيب وانا كلت
ام ليلي : ليلي كملي اكل متعصبنيش
ليلي : ياامي ماانتي ماكلتيش
ام ليلي : كلت وشبعت الحمدلله
ليلي : ماشي
في مكان تاني في عربيه سامي الساعه 4 ونص يقرر يتصل بكريم يشوفه مشي ليه
سامي : ايه يابني مشيت ليه
كريم : معلش ياخويا كان معايه شغل روحت اخلصه
سامي : انت فين كده
كريم : انا في الكافيه
سامي : في انهي كافيه
كريم : الكافيه اللي قابلت فيه الشله
سامي : معاك حد
كريم : كان معايه ناس ومشيت
سامي : طب خليك انا ربعايه واكون عندك
كريم : تمام
ويقفل سامي السكه وبعد 25 دقيقه يكون عند سامي
كريم : ياسامي مش من طبعك التاخير ده انا افتكرتك مش جاي وكنت همشي
سامي : الطريق كان واقف خالص
كريم : طب اقعد اقعد
كريم : بقولك ياحودهالويتر : استاذ كريم نورتنا
كريم : حوده اتنين 2 قهوه مظبوطه هنا
الويتر : حاجه مع القهوه
كريم : لا تسلم ياحوده
وبعد 10 دقايق من غير كلام كريم : مقولتليش ياسامي ايه رايك في ليلي
سامي : كويسه
كريم : عرفت الشغل وكله تمام
سامي : اه يابني في ايه هو انتو قرايب ولا ايه كريم : لا سامي : صحاب طب كريم : لا برضهسامي : امال في ايه مهتم بيها كده ليهكريم : هو بس البنت مرت بحاجات كتير صعبه وقولت اقف جنبها سامي : وانت بقي الملاك البرئ اللى بيساعد اى حد في ازمه كريم : اه سامي : كيمو انت بتحبها
كريم : لا ياجدع انت عارفني مبرتبطش ولا احب
سامي : لا باين عليك اوي شكلك بتحبها بتحبها ولا ايه كريم : يعني مش بالظبط برضه انا لسه عارفها بس اللى هو يعني حابب اعرفها اكترسامي : يعني مبتحبهاش كريم : بص ياخويا مش هخبي عليك انا اما بكون معاها بكون مبسوط بكون واحد تاني
سامي : ماانت بتكون مبسوط مع كل صحابك البنات ايه اتغير
كريم : ليلي غير كل البنات اللى عرفتها
سامي : طب بقولك ايه ماتيجي تشتغل معايه وبكده تعرفها اكتر
كريم : واللى شغال معاه اقوله ايه سامي : اتصرف ايه مش هتعرف تتصرف ولا ايه كريم : لا هعرف طبعآ انا هتصرف معاه خلاصسامي : تمام خلص وتعاله هتلاقي مكانك موجود
كريم : تمام , عرفت اللى حصل
سامي : حصل ايه
كريم : مش حلا رجعت لسعد
سامي : انت بتقول ايه وعرفت ازاى
كريم : وهو في حاجه بتتخبي علي اخوك
سامي : وانا اقول طريقتها متغيره معايه ليه اتاري حبيب القلب رجع
كريم : بس كده جت من عندها
سامي : يعني اواجهه كده بالحقيقه
كريم : انا هقولك هتعمل ايه
في مكان تاني في فيلا عبدالله الساعه 7 ونص
حلا : رنا معاكي رصيد
رنا : اه معايه
حلا : طب هعمل مكالمه من تليفونك عشان تليفوني فصل
رنا : خدي راحتك
ومسكت حلا التليفون تتصل بسعد فـ اتصدمت ان رقم سعد متسجل عند رنا وبعد 5 دقايق
رنا : عملتي المكالمه
حلا : رقم سعد بيعمل ايه عندك
نستكمل في البارت 23
لو عجبك البارت متنسناش بتصويت