الحب الاول لا يكفي

الحب الاول لا يكفي بارت 2

قام كريم وراح عند باب الكافيه هو وسامي
كريم : ايه رايك في حلا
سامي : في ايه بالظبط 
كريم : مش واخد بالك ان معجبه بيك وبصراحه ياخويا انا عاوز افرح بيك واهو متبقاش لوحدك 
سامي : انت هتعايرني ياض 
كريم : مش القصد بس اهو انت مش بتدور على بنت الحلال 
سامي : اه بس مش كده يعني
كريم : طب بذمتك عجبتك ولا لا 
سامي : بصراحه يعني هي جميله وروحها حلوه بس انا محتاج اعرفها اكتر
كريم : تمام وانتو هتعرفه بعض اكتر الايام الجايه دي انا ضفتك فى الجروب بتاع الشله بتاعتنا اهو اتكلمه شوية واعرفه بعض اكتر 
سامي : تمام يا كريم همشي انا بقي الحق انام شوية قبل الشغل الساعه بقت 1
كريم : تمام ياخويا فى رعايه الله 
سامي : سلام 
كريم : سلام 
رجع سامي البيت غير هدومه وخد شاور ونام 
صحي سامي متاخر ومش طبيعي ان يتأخر لان معروف ان منضبط فى مواعيده
سامي : ايه ده السااعه 7 الله يخربيتك ياسامي اتاخرت 
قام سامي جري يلبس بسرعه وطلع لقي عربيته محتاجه بنزين طلب اوبر بسرعه وراح 
في شركه البدر
سامي : صباح الخير 
الجميع بصوت واحد : صباح الخير يافندم
سامي دخل مكتبه واول ماقعد على الكرسي الباب خبط
سامي : اتفضل ادخل
علي : مش معقوله لا يا استاذ سامي احنا متعودين منك على الانضباط من ساعت مااشتغلت هنا من 3 سنين ومتاخرتش دقيقه واحده
سامي : كنت سهران بس مع ناس صحابي المهم قولي ايه اخبار الشغل اللى قولتلك عليه 
علي : كله تمام كلمت المندوب وهيجي بكره يافندم
سامي : تمام اتفضل انت على مكتبك دلوقتي 
علي : تمام يافندم 
خرج علي وللحظه سرح سامي وافتكر ليله امبارح وكلام حلا وفجاه يرن التليفون يبص على التليفون يلاقي
سامي : يارتني كنت افتكرت مليون جنيه 
كريم : ههههه ايه ياعم ماشي بس قولي جايب سيرتي فى ايه 
سامي : مفيش بس افتكرت ليله امبارح 
كريم : اه افتكرت حلا بقي مش الليله بتاعت امبارح 
سامي : يابني هو انا لسه اعرفها
كريم : مانا اتصلت بيك بقي عشان كده 
سامي : ناوي على ايه 
كريم : قولي بس انت بتخلص شغل امتي 
سامي : انا بطلع على 4 كده
كريم : طب تمام اوي 
سامي : تمام ايه يابني ناوي علي ايه 
كريم : اصبر بس وهتعرف يلا اسيبك انا بقي في شغلك 
سامي : تمام ياكيمو سلام 
كريم : سلام
في مكان تاني في فيلا حسن عبدالله رجل الاعمال وابو حلا
وحلا فى عز نومها يجيلها مكالمه تصحيها من النوم تبص للتليفون وتنام تاني فـ التليفون يرن تاني لحد ماترد 
حلا : الوو
كريم : مش هنبطل كسل شوية ولا ايه 
حلا : ياعم الساعه 9 حد يتصل دلوقتي احنا اجازه 
كريم : ماهو الموضوع مهم ومينفعش يتاخر
حلا : موضوع ايه ياكريم اللى يخليك تصحيني 9
كريم : هنخرج
حلا : مش عاوزه اخرج ياكريم
كريم : حتي لو قولتلك ان الخروجه هيكون فيها سامي 
حلا : خروجه زي اخر خروجه كده مع الشله كلها 
كريم : مش بالظبط كده انا وانتي وسامي بس 
حلا : وانت جاي معانا ليه
كريم : بسيطه مجيش بس نشوف هتشوفيه ازاى 
حلا : ياعم ماخلاص متمسكش فى الكلمه كده وهو اصلآ يطول 
كريم : لا لا سامي مش اى حد برضه وانتى عارفه كده وانتى بنفسك اعجبتي بيه
حلا : بصراحه عندك حق يلا بقي اقفل ياعم عاوزه انام
كريم : ناامي نامي هبعتلك العنوان فى رساله وهيبقي الساعه 8 ياريت بلاش تاخير 
حلا : طيب سلام 
كريم : سلام 
وبعد ساعه في بيت كريم كريم اتصل بسامى 
كريم : الوو 
سامى : يابنى انت مش لسه قافل معايه من ساعه انا فى الشغل 
كريم : بس بس اهدى فى ايه انا جايبلك خبر حلو 
سامى : خبر ايه خير 
كريم : جهز نفسك النهارده هنخرج الساعه ٨ 
سامى : بقي دى الحاجه المهمه اللى بتتصل عشان تقولى عليها اقفل ياكريم 
كريم : ياجدع اصبر وانت عارف مين هيبقي معانا في الخروجه 
سامى سكت شويه 
سامى : مين 
كريم : ماهو مادام سكت كده يبقي عرفت مين وهنبقي احنا بس عشان تعرف تكلمها 
سامى : تمام ياكيمو انا هخلص الشغل واكلمك اقفل دلوقتى عشان في ايدى ورق سلام
كريم : سلام 
قفل كريم وهو بيقول : ايه الناس دى انا غلطان صحيح 
في شركه سامي بعد 3 ساعات خلص يومه وراح على البيت وقرر يتصل بكريم يفهم منه
فى بيت كريم 
كريم : مين اللى بيرن دلوقتي ده عاوز اكل اما اكل بقي اشوفك
وبعد 3 مكالمات كتير 
كريم : لا ده في مصيبه اما اقوم اشوف مين ايه ده سامي ربنا يستر يرد كريم 
كريم : اخويا سامي 
سامي : اخوك ايهه ياض يابارد ماترد
كريم : يااعم باكل في ايه 
سامي : اهو مش انا لوحدي اللى بتصل وقت الاكل 
كريم : ايوه اخوك بقي ياعم وزي بعض 
سامي : يلا الف هنا المهم قولي انت ناوي علي ايه 
كريم : ......
نستكمل فى البارت التالت