الحب الاول لا يكفي

الحب الاول لا يكفي بارت 15

الدكتور : متقلقش هي عدت مرحله الخطر
عبدالله : طب انا ينفع اشوفها يادكتور
الدكتور : لا مش هينفع خالص
عبدالله : انا مش هرتاح غير اما اشوفها بعيني
ألدكتور : طب هي ربع ساعه بس وياريت متضغطش عليها في الكلام , دخليه
ألممرضه : تمام يادكتور
ويدخل عبدالله يشوف حلا بنته يلاقيها نايمه علي السرير ومغمضه عينها فيروح ويقعد جنبها ويكلمها
عبدالله : حلا بنتي انا جيت بابا جيه ياحبيبتي , حلا انا عارف انك صاحيه دلوقتي وسمعاني ياحبيبتي انتى هتبقي كويسة وهنرجع انا وانتي الفيلا
وتفتح عينها في وسط كلامه
حلا : بابا
عبدالله : ايه ياحبيبتي
حلا : خليك جنبي
عبدالله : انا جنبك اهو متقلقيش هتبقي كويسة مفيش حاجه
ويقطعهم دخول سعد
سعد : حلا انتى كويسة حلا مالك حصل ايه
عبدالله : انت بتعمل ايه هنا
حلا : سيبه يابابا , سعد انا مستاهلكش انت تستاهل حد احسن مني
سعد : انا عاوزك انتي انا بحبك
حلا : بعد كل اللى عملته فيك ولسه بتحبني
سعد : ميهمنيش اللى عملتيه انا لسه بحبك وشاريكي , ياعمي انا اسف انا عارف ان عصبتك بس انا مستعد دلوقتي اتقدم لحلا انا بحبها وشاريها
عبدالله : مش وقته الكلام ده يابني
وتدخل الممرضه من صوتهم
الممرضه : لو سمحتم اتفضلو اطلعو عشان ترتاح شوية
ويطلع عبدالله وسعد ويحكيله سعد كل حاجه وان بيحبها فعلا ويعرفه بعض من زمان وعايز يتقدم بس ميعرفش ليه اتغيرت فجاه معاه وبعد سماع عبدالله الكلام اللى بيقوله
عبدالله : انا مقدر اللي انت بتعمله بس هي يابني مش عايزاك وبتحب واحد تاني اسمه سامي
سعد : سامي مين ده اكيد مش بيحبها اكتر مني ياعمي ساعدني
عبدالله : انا مش عارف اقولك ايه والله القرار دلوقتي في ايد حلا تقوم بالسلامه بس ونشوف
سعد : يعني في امل ياعمي
عبدالله : والله ماعارف , لو في نصيب هيكون ان شاء الله
سعد : ان شاء الله
في مكان تاني في شركه سامي بعد معرفه ان حلا عملت حدثه وفي المستشفي يطلع لرنا
رنا : سامي ! , انت بتعمل ايه هنا
سامي : مش وقته الكلام ده حلا عملت حدثه وفي المستشفي دلوقتي
رنا : حدثه ايه وهي في مستشفي ايه
سامي : في مستشفي في القاهره انا رايحلها دلوقتي
رنا : طب استني انا هستأذن وجايه معاك
سامي : تمام يلا
واستاذنت ونزلو بسرعه في عربيه سامي وراحو المستشفي
سامي : في بنت جت هنا الصبح اسمها حلا
الممرضه : حلا عبدالله
سامي : ايووه دي
الممرضه : هي في الدور التالت غرفه 306
سامي : تمام شكرا
وطلع هو ورنا للغرفه عشان يشوفه حلا ودخلو علي طول من غير حتي مايستاذنو
يشوفهم سعد وعبدالله من بعيد ويستغربه مين دول
سعد : مين اللى داخلين لحلا دول
عبدالله : معرفش شكلهم كده صحابها خليك كده اما اشوف مين
الممرضه : لو سمحتم ممنوع الدخول
بس محدش يرد عليها ويدخله
ويقوم عبدالله يشوفهم ويقف على باب الغرفه
رنا : حلا انتي كويسة ياحبيبتي , انا اسفه اوي ماكنش ينفع اسيبك لوحدك
حلا متردش تبصلها وتعيط متعرفش تقول ايه فـ اول ما رنا تشوفها بتعيط تروح تحضنها وتمسح دموعها
رنا : اهدي بس في ايه هتبقي كويسة وهتقومي كده بالسلامه واحنا كلنا جنبك وسامي اهو جيه عشان يشوفك
الممرضه : ياجماعه لو سمحتم اطلعو بقي مينفعش كده الدكتور قالي محدش يدخل عليها
سامي : تمام يلا يارنا نستني بره , حلا احنا جنبك متقلقيش من حاجه
وطلع رنا وسامي بره
عبدالله : انتو صحاب حلا
سامي : اه مين حضرتك
عبدالله : انا ابو حلا انت مين
سامي : انا ياعمي سامي اكيد حلا قالتلك عليا ودي رنا صاحبه حلا
عبدالله : رنا ؟
رنا : اه انا رنا صاحبه حلا واحنا صحاب من ايام الجامعه
عبدالله : عارفك يابنتي وعرفت الخناقه اللى حصلت مابينك انتى وحلا
رنا : والله ياعمو كان كله سوء تفاهم ..
عبدالله : انا عرفت كل حاجه وعرفت ان سبتي الشغل وكان بسببي انا مش عايزك تزعلي وحقك عليا يابنتي انا حلا جاتلي اليوم ده معيطه وبتقولي ان خونتيها اى اب هيشوف بنته كده مستعد يعمل اى حاجه عشانها
رنا : لا مفيش اى حاجه انا متفهمه موقفك وشكرآ جدا انا الحمدلله ربنا كرمني وشغاله في شركه تانيه دلوقتي
ويقاطعهم دخول سعد
سعد : مين دول ياعمي
عبدالله : اقدملك ياسعد سامي
سعد : وايه اللى جابه هنا ده وعايز ايه من حلا
سامي : انا جاي عشان اشوف حلا اللى هتبقي خطيبتي انت ايه اللى جابك هنا انت يابني مش مكسوف من نفسك هي مش عايزاك بتعمل ايه هنا
ولسه هيمسكه في بعض يتدخل عبدالله
عبدالله بعصبيه : انتو صغيرين اتهدوا بقي شوية واما حلا تقوم بالسلامه تبقي تقرر تشوف هي عايزه مين فيكم
سامي : ياعم عبدالله مااحنا متفقيين ان هاجي اتقدم
عبدالله : الكلام خلص لحد هنا
وسكوت من الجميع مفاجئ
عبدالله : انا هروح اشوف الدكتور
ويروح عبدالله للدكتور يشوفه
عبدالله : يادكتور حلا عامله ايه دلوقتي
الدكتور : حلا لازم تقعد معانا شوية
عبدالله : تقعد ليه هي مش كويسة يادكتور
الدكتور : الحدثه مأثره عليها وتعبت نفسيتها وهي دلوقتي محتاجه للراحه
عبدالله : حلا بنتي مش هترتاح غير في بيتها يادكتور حلا مبتحبش المستشفيات
الدكتور : تمام هسيبك تاخدها معاك بس خليك عارف ان هتكون علي مسؤليتك انت دلوقتي
عبدالله : دي بنتي يادكتور اكيد هخلي بالي منها
الدكتور : تمام تقدر تنزل تحت تخلص كل حاجه وتاخدها
عبدالله : تمام شكرا يادكتور
ونزل عبدالله خلص كل الاجراءات وطلع واول ماطلع رنا راحت عنده تشوفه
رنا : ايه ياعمو حلا كويسة صح الدكتور قالك ايه
عبدالله : اه الحمدلله وهاخدها دلوقتي واروح بيها الله يباركلك يابنتي برغم اللى عملته معاكي انا وبنتي ولسه واقفه جنبها
رنا : متقولش كده ياعمو حلا دي اختي مش صحبتي
عبدالله : بس مادام بقي اختك بلاش عمو دي قوليلي يابابا
رنا : حاضر يابابا
عبدالله : وتقدرو ياجماعه تروحه النهارده تعبتكم معايه
سعد : استني ياعمي هاجي اوصلكم
سامي : انت برضه هتدخل نفسك فـ اللى مالكش فيه ياض يابارد انت محدش عايزك هنا انا جاي اوصلكم ياعمي
عبدالله : خليكم انتو الاتنين مش عايز حد يوصلني انا عربيتي تحت
رنا : تمام همشي انا
سامي : استني يارنا اوصلك احنا طريقنا واحد
رنا : لا خليك مش عايزه اتعبك
سامي : لا مفيش تعب ولا حاجه انا كده كده رايح نفس الشركه
رنا : تمام
سامي : تمام ياعمي لو في اى حاجه ابقي كلمني يلا بالاذن انا
عبدالله : اذنك معاك
سامي : يلا يارنا
ومشي سامي وراح سعد لعبدالله
سعد : ياعمي ابقي حاول معاها انا بحبها والله
عبدالله : تمام ياسعد
سعد : مش عايز اى حاجه
عبدالله : لا تسلم يابني
ومشي سعد ودخل عبدالله يشوف بنته
عبدالله : ....
نستكمل في البارت 16