الحب الاول لا يكفي

الحب الاول لا يكفي بارت 6

اليوم التالي في بيت حلا حد يخبط علي باب الفيلا فجاه
حلا تبص للباب تشوف مين جيه واول ماتشوفه تبتسم وتقوم
حلا : بابا
وقامت حضنت باباها اللى مسافر بقاله شهر بره في شغل
عبدالله : بنتى الجميله عامله ايه
حلا : الحمدلله يابابا كله تمام
عبدالله : وعامله ايه في شغلك الايام دي
حلا : ودي فيها سؤال انت عارف بنتك شاطره وقد اي حاجه
عبدالله : اكيد طبعآ , فين الخدامين اللى هنا
حلا : بينضفه فوق
عبدالله : تمام هطلع اغير انا وارتاح شوية لاني جاي تعبان شوية من السفر
حلا : تمام انت روح ارتاح شوية وانا هقول للطباخ يعملك الاكل اللى انت بتحبه كله
عبدالله : وهتااكلي معايه مفيش اعذار النهارده
حلا : تمام هاكل معاك اطلع بس انت ارتاح شوية وانزل
عبدالله : تمام يابنتي
يطلع يغير وتروح حاله تقول للطباخ يعمل كل الاكل اللى بيحبه وبعد ساعتين
ينزل مع حلا عشان ياكل وهما قاعدين وبياكله تليفون حلا ترن تبص في الفون
حلا في سرها : ايه ده سامي يعني سايب اليوم كله وبتتصل دلوقتي
عبدالله : ايه ياحلا مش هتردي على تليفونك ولا ايه
حلا : يعني اسيب الاكل عشان ارد انا ماصدق جيت وقاعدين بناكل مابعض
عبدالله : عندك حق طب اقفليه بدل الازعاج ده
حلا : مش هينفع خالص ياباابا عشان مستنيه صحبتي هتكلمني
عبدالله بعصبيه : اعمليه صاامت طيب في ايه مش معقول الازعاج ده
حلا : تمام اهو يابابا عملته صامت
خلصت اكل وقامت تتصل بيه
حلا : الوو
سامي : ايه ياحلا مبترديش ليه بقالي كتير بتصل
حلا : معلش والله كنت قاعده مع بابا بناكل ومعرفتش ارد
سامي : لا ولا يهمك هنتقابل الساعه 8 على اللوكيشن اللى هبعتهولك دلوقتي على الواتس
حلا : تمام هقفل انا دلوقتي عشان مش عارفه اتكلم
سامي : تمام سلام
حلا : باي
تبص حلا للواتس وتلاقي اللوكيشن وتتصدم باللوكيشن نفس المكان اللى كانت فيه هي وسعد
حلا : اكيد بالصدفه يعني بس مش معقوله برضه نفس المكان ساب كل المطاعم واختار ده لا اكيد في حاجه غريبه
عبدالله : حلا
حلا : نعم يابابا
عبدالله بتكلمي مين عندك
حلا : لا يابابا مفيش حد انا بكلم نفسي
عبدالله : بتكلمي نفسك ؟
حلا : اه سرحت بس كده وكنت بتكلم مع نفسي
عبدالله : انتي كويسة يابنتي
حلا : اه يابابا متقلقيش مفيش حاجه
عبدالله : طب تمام انا هروح انا الشركه
حلا : هتروح النهارده انت لسه جاي الصبح من السفر
عبدالله : عندي شوية ورق عاوز اخلصهم وانتى عارفه اني مبحبش قعده البيت
حلا : تمام يابابا
عبدالله : يلا عاوزه حاجه
حلا : سلامتك يابابا سلام
عبدالله سلام
في مكان تاني عند سامي الساعه 6 بليل ويقرر يتصل بصاحبه كريم
سامي : الوو , ايه ياكيمو عامل ايه
كريم : الحمدلله ياخويا انت كويس
سامي : اه كويس بقولك ايه
كريم : ايه
سامي : انا خارج انا وحلا النهارده وبفكر اقولها ان عاوز اخطبها
كريم : بس امسك العقل انتو متقابلتوش غير مره بلاش تسرع
سامي : انت شايف كده
كريم : اه بصراحه وانت لحقت حبيتها
سامي : يعني اكيد ملحقتش بس معجب بيها وعاوز اخطبها وانت عارفني مبحبش جو الخروجات والكلام ده غير لو خاطب او متجوز احنا ليا قرايب بنات برضه
كريم : اه اكيد بس هي اصلآ مش هتعترض
سامي : ياعم انا قدام نفسي مش عجبني اقولها النهارده واخلص ولا ايه
كريم : طب يوم تاني وحاول اليوم ده تعرفها اكتر وتتكلمه شوية مع بعض
سامي : تمام يلا اقفل ياض عشان الحق اللبس
كريم : تصدق انى غلطان ياجدع انا ابقي ابن كلب لو رديت عليك تاني
سامي : ههههه ياض بهزر في ايه انت اخويا
كريم : تمام ياخوياا يلا سلام
سامي : سلام
يلبس سامي بدله سودا وجزمه سودا ويحط البرفيوم بتاعه ويبص في المرايه يظبط نفسه
سامي : يخربيت شياكتي عندها حق تعجب بيا برضه
وينزل سامي يركب عربيته ويروح للمطعم ويوصل زى ما بيوصل دايما في وقته ويفضل مستني ربع ساعه فيتصل بيها
سامي : ايه ياحلا انتى فين
حلا : انا جايه اهو الطريق كان واقف بس اقفل انا داخله عليك
سامي : تمام
وقفل اسني 5 دقايق لحد ماجت
سامي : ربع ساعه مستنيكي لا مينفعش النظام ده خالص
حلا : ايه ده في ايه
سامي : ايه مش عجبك كمان طب يلا وانتى حلوه كده
حلا : ههههه تمام يلا
ودخلو قعدو ويشاء القدر نفس الجرسون يجي اللى كان موجود وقت ماكان موجود سعد
الجرسون : استاذه حلا نورتينا
سامي : ايه ده ياحلا انتى معروفه هنا ولا ايه
الجرسون : اه يافندم استاذه حلا على طول بتيجي هنا هي والاستاذ سعد
سامي : سعد مين سعد
وتقاطعهم حلا : ده ابن عمتي كنا بنيجي ناكل هنا الاكل هنا جميل وطلعت 50 جنيه واديتها للجرسون من غير ماسامي ياخد باله
الجرسون : انا يافندم اسف ده كان حد تاني شبه الاستاذه حلا
سامي : يابني ماهي بتقول ان كانت بتيجي هنا
حلا في سرها : يخربيت الغباء
سامي : المهم هات المنيو
الجرسون : اتفضل يافندم
سامي : هاا هتاكلي ايه
حلا سرحت وسكتت
سامي بصوت عالي : حلاا
حلا : ايه
سامي : هو ايه اللى ايه هتاكلي ايه
حلا : هاتلي نجرسكو وبيبسي
الجرسون : نفس الطلب يافندم
حلا بعصبيه : هو في ايه ماتجيب الطلب وانت ساكت
الجرسون : اسف لحضرتك يافندم مقصدش
سامي : اهدي ياحلا في ايه الرجل ميقصدش
حلا : هديت ياسامي
سامي : وانا هاتلي زيها واتفضل انت
الجرسون : حاجه تاني يافندم
سامي : لا شكرآ
حلا : من اولها هتقلدني بقي
سامي : اقلدك ايه انا بحب النجرسكو
حلا : افتكرتك بتجيب كده عشان انا بحب كده
سامي : اكيد لا يعني لو مبحبش النجرسكو مش هجيبه
حلاا : تمام
سامي : بس ايه ده اول مره اعرف انك عصبيه كده
حلا : لا مفيش بس هو صدعني شوية
سامي : تماام قوليلي ياحلا انتى مرتبطيش قبل كده
حلا : مرتبطش قبل كده
سامي : اه مرتبطيش
حلا : مرتبطش اه
سامي : بس ازاى يعني انتى جميله وشاطره في شغلك وحياتك ازاي لحد دلوقتي مرتبطيش
حلا : بيجيلي كتير بس انا اللى ماكنتش برضي وبقول مش ده الوقت المناسب
سامي : طب ودلوقتي الوقت بقي مناسب
حلا : مش فاهمه
سامي : انا بصراحه كده عاوز اخطبك
حلا : تخطبني بالسرعه دي
سامي : انا مش حابب ان نخرج كده من غير مايكون في بينا حاجه وانتى ايه رايك
حلا : طب سبني افكر شوية
سامي : تفكري ؟
حلا : اه مش من حقي ولا ايه
سامي : لا طبعا حقك فكري براحتك
حلا : طب وانت ياسامي مرتبطش قبل كده
سامي : ايه هتتقدميلي انتى ولا ايه
حلا بضحك : اكيد لا يعني بس حابه اعرف
سامي : تماام انا مش هخبي عليكي انا زمان كنت مرتبط ببنت ايام الجامعه وحبيتها واتخطبنا وكنا بنحب بعض اووي كانت اول حب في حياتي وبعد فتره عرفت ان بتخوني فمكملناش مع بعض
حلا : فعلا الخيانه وحشه
سامي : اه وحشه اوي بس مع الوقت بقي نسيت كل حاجه وبقي بالنسبالي ماضي وعرفت ان الحب الاول مش كفايه واكيد هنلاقي حب تاني بعديه يعوضنا عن كل اللى فات
حلا : اكيد
وفجاه يجي مكالمه لـ حلا تبص للتليفون تلاقي ابوها بيتصل فتتصدم وتبقي مش عارفه ترد ازاى
نستكمل في البارت 7