طلعت حلا بره المقهي وركبت عربيتها وراحت لمكان تاني في القاهره واول ماوصلت المكان يستقبلها واحد ويقف قدامها
سعد : ايه ياحبيبي كل ده تأخير
حلا : معلش الطريق كان واقف
سعد : ولا يهمك ياحبيبي يلا ندخل
حلا : يلا
ودخلت حلا مع سعد مطعم
واول مادخلو سعد شدلها الكرسي عشان تقعد
سعد : اتفضلي
حلا : ميرسي
سعد : ايه بقي هتفضلي تحلوي كل يوم كده
حلا : مش للدرجادي متبقاش اوفر كده
سعد : لا بجد بتحلوي بس في عيني انا
حلا : ميرسي ياسعد طب ايه مش هناكل ولا مستنيني اما اطلب انا
سعد : لا طبعا الاكل يوصل دلوقتي , جرسوون
الجرسون : اؤمر يافندم
سعد : اطلبي ياحبيبتي
حلا : هاتلي نجرسكو وكول سلو وبيبسي
سعد : تمام وانا هاتلي زيها
الجرسون : تؤمر بـ حاجه تاني يافندم
سعد : لا شكرآ
حلا : انت مش قايلي قبل كده انك مبتحبش المكرونه
سعد : ما انا هحبها عشانك
حلا : اه
سعد : حاسك مضايقه في حاجه ولا ايه
حلا : لا مفيش
سعد : طب بقولك ايه هتعملي ايه في الموضوع اللى قولتلك عليه
حلا : موضوع ايه
سعد : موضوع جوازنا
حلا : اعمل فيه ايه
سعد : حبيبتي انتي نسيتي ولا ايه انا مش قايلك عرفي باباكي ان هاجي اتقدملك
حلا : ماانت عارف ان بابا مسافر
سعد : انا قايلك من شهر من قبل مايسافر
حلا بعصبيه : يووه بقي انت جايبني هنا عشان تخنقني
سعد : اخنقك , انا عاوز اتجوزك انا بحبك ياحلا احنا مرتبطين بقالنا 6 شهور وشايف ان جيه الوقت ان اجي اطلب ايدك ونتجوز
حلا : لسه محتاجه اعرفك اكتر ياسعد
سعد : عاوزه تعرفي ايه عني
حلا : هو انت هتعرفني كل حاجه دلوقتي في ايه ياسعد اقفل الموضوع
سعد : تمام اللى يريحك يا قلبي خدي الوقت اللى يريحك واما تبقي جاهزه قوليلي
حلا : ان شاء الله , انا همشي انا بقي عشان صدعت
سعد : سلامتك مالك في حاجه ولا ايه
حلا : لا مصدعه شوية بس وعاوزه امشي
سعد : طب استني هحاسب واجي اوصلك
حلا : لا خليك انا عارفه السكه متقلقش
سعد : لا ما مقدرش اسيب حبيبتي تمشي لوحدها
حلا بعصبيه : هو انت شايفني عيله صغيره ماقولت عارفه السكه همشي انا
سعد بهدوء : تمام ياحبيبتي اللى يريحك في ايه
وخرجت حلا بره ركبت عربيتها وراحت البيت واول ماوصلت غيرت وراحت تنام
في مكان تاني في بيت بسيط في القاهرة
ام رنا : رنا رنا حبيبتي اصحي اتاخرتي على شغلك
رنا : حاضر ياماما انا صحيت اهو
ام رنا : يلا قومي كده اللبسي عقبال مااعملك سندوتشات
رنا : تسلميلي ياست الكل متتعبيش نفسك انا هقوم اعمل ارتاحي انتى
ام رنا : لا وده ينفع والحاجه جاهزه في المطبخ اهو انا بس هعملك سندوتشات على طول تكوني انتى خلصتي
رنا تبوس ايد مامتها
رنا : متحرمش منك ياامي
تروح رنا تغير وتاكل وتتصل بـ صاحبتها حلا تشوفها
رنا : الوو
حلا : ايه مين
رنا : مين ايه اصحي يابنتي هنتاخر انتى لسه نايمه
حلا : هي الساعه كام
رنا : الساعه 7 شكلك كنتي سهرانه امبارح
حلا : بس متفكرنيش بـ امبارح
رنا : خير في حاجه ولا ايه
حلا : هبقي احكيلك في الشغل بقي يلا اقفلي عشان الحق البس
رنا : تمام باي
حلا : باي
طلعت رنا بره وقبل ماتمشي قالت تطمن على مامتها وتشوف لو عاوزه حاجه
رنا : انا نازله ياامي عاوزه حاجه
ام رنا : عاوزه سلامتك ياحبيبتي ربنا يستر طريقك ويكرمك في شغلك
رنا : ياارب ياامي يلا سلام
ام رنا : في حفظ الله
وتنزل رنا وتطلب اوبر وتروح الشركه واول ماتوصل تقابل حلا
رنا : ايه ياحبيبتي عامله ايه
حلا : الحمدلله تمام
رنا : قوليلي بقي حصل ايه امبارح
حلا : لو قولتلك اني خرجت مع اتنين امبارح هتصدقي
رنا : اتنين , ازاى مش فاهمه
حلا : فاكره سامي اللى كريم عرفنا عليه
رنا : اه فاكراه مالو
حلا : خرجنا انا وهو امبارح
رنا : ازاي انتى مش مرتبطه بسعد
حلا : مخبيش عليكي زهقت وبقي مدلوق اوي كده ومالوش شخصيه
رنا : هو بيعمل كل ده عشان بيحبك
حلا : بيحبني طب ما دي حاجه عاديه انا كل الشباب بتحبني وبتتمني بس اكلمها
رنا : تمام مقولناش حاجه بس انتو مرتبطين وبتحبو بعض بقالكم 6 شهور
حلا بعصبيه : ايه يارنا في ايه هو عافيه يعني زهقت منه ومن طريقه ده ملزق كده
رنا : انا مش عارفه اقولك ايه بجد
حلا : متقوليش حاجه انا عارفه انا بعمل ايه
رنا : تماام اللى يريحك انا بس بقولك ده عشان بحبك وانتى عارفه
حلا : تمام متقلقيش عليا
رنا : تمام
وبعد 6 ساعات خلصو الشغل ومشيو رنا طلعت ماكنتش لاقيه عربيات فـ مشيت شوية وهي ماشيه خبط في واحد ماشي
رنا : مش تحاسب
سامي : انا برضه اللى احاسب
ولسه بتبص تشوفه وهو بيبص في نفس الوقت
سامي : رنا
رنا : .....
نستكمل في البارت 5
أنت تقرأ
الحب الاول لا يكفي
Romansaبتحكى الروايه عن سامى رجل زى اى رجل فينا حب بنت وكان ده حبه الاول بس حبه الاول ماكنش كافي ان يكمل معاه وفضل مكمل حياته لحد مالقي حب تانى يعوضه عن كل حاجه