الحب الاول لا يكفي

الحب الاول لا يكفي بارت 12

كريم : اللى شوفتيه كله كان سوء تفاهم انا عرفت اللى حصل واللى حصل ان اتقابله بالصدفه هناك وكانت رايحه تقول للدكتور ان مش موافقه عليه وسامي ساعدها وقال ان هما مرتبطين عشان يقنعه بس الدكتور بس مفيش اى حاجه بينهم وعشان كده الدكتور قال كده ساعتها
حلا : انت شايفني عبيطه عشان اصدق الكلام ده وهي اصلا عينها عليه باين اوي يعني وكلامه معاها معرفش علي ايه بنت زباله زي دي مالها بيه اصلا
كريم : تصدقي ان انتى اللى زباله وانا غلطت يوم ماعرفت واحده زيك
وقفل كريم في وشها
حلا بعصبيه : بتقفل في وشي ياكريم انا يتقفل في وشي طب تماام تماام
ومسكت تليفونها تكلم سامي
حلا : الوو
سامي : حلا اخيرا فتحتي تليفونك اديني فرصه افهمك كل اللى حصل امبارح كان سوء تفاهم
تعيط حلا وبكل تمثيل
حلا : اانا مصدقاك
سامي : طب اهدي بتعيطي ليه
حلا : كريم صحبك كل شوية يكلمني هو المفروض عارف ان خلاص هنتخطب ولسه بيفضل يكلمني ازاى يعمل كده بس هو مش كده دي خيانه انا مش هخونك
سامي : حلا انتى بتقولي ايه
حلا : لو مش مصدقني كلمه واسئله , كلمني من شوية ولا لا
سامي : طب اقفلي دلوقتي ياحلا
وقفل سامي وهو متعصب من كلام حلا ويتصل يشوف صاحبه كريم
كريم : جيت في وقتك ياخويا عاوزك
سامي : انت كلمت حلا
كريم : اه ياخويا في ايه
سامي : وبتكلمها ليه ايه علاقتك بيها
كريم : مش فاهم ياسامي في ايه
سامي : انت هتستعبط ولا ايه ايه علاقتك بيها متعرفش ان هنتخطب ولا ايه
كريم : انت بتقول ايه اكيد البت دي وقعت بينا بس انا مش مصدق انت تشك فيا كده
سامي : انت اعترفت بنفسك وقولتلي لسه مكلمها ولسه بتدافع عن نفسك كمان يابجاحتك يااخي
كريم : انا اه اتصلت بس مش زي ماانت فاهم حبيبه القلب بسبب الموقف اللى حصل امبارح  رنا اتطردت من الشركه واتصلت عشان افهم منها قولت اكيد مستحيل حلا تكون السبب بس هي اعترفتلي بنفسها
سامي : انت بتقول ايه مش معقول حلا تعمل كده
كريم : انت عارفني ياسامي وانا مقدرش اخونك لاني بعتبرك اخويا الكبير ومستعد اثبتلك كل حاجه
سامي : تمام ياكريم خلص شغلك وتعاله على الكافيه اللى بنقعد عليه نتكلم 
كريم : تمام سلام
سامي : سلام
وقفل سامي وقعد يفكر فـ اللى حصل ومبقاش عارف يصدق مين ولا مين بس اضايق فيقرر ميتسرعش ويشوف كريم هيقوله ايه مهما كان عشره عمره واكتر من اخ
وبعد 6 ساعات يطلع سامي من شغله ويروح على الكافيه فيقرر يتصل بكريم يشوفه
سامي : ايه انت فين
كريم : انا جاي اهو انت في الكافيه
سامي : اه
كريم : تمام اقفل انا داخل عليك اهو
وقفل كريم وبعد 10 دقايق بالظبط يوصل كريم
كريم : قبل ماتتعصب وتتسرع اصبر اما اشرحلك وافهمك كل اللى حصل وانت عارفني كويس يااسامي وعارف ان مستحيل اعمل حاجه غلط في حقك
سامي : تمام ياكريم
كريم : انا روحت الشغل الصبح لاقيت المدير بيقولي اخلي رنا تمضي على الورق ده بصيت للورق واستغربت عاوزاني اخليها تمضي على ورقه استقاله المهم حاولت اعرف منه ومفيش فايده وروحت بعد مارنا جت وماكنتش تعرف حتي السبب ايه فـ هي فعلا افتكرت ان حلا السبب وحكتلي على اللى حصل امبارح انا زيك مصدقتش وقولت مستحيل حلا تعمل كده فقررت اكلم حلا وفعلا اكدتلي بكده وطريقتها كانت وحشه اوي وعرفتها فعلا ان كان سوء تفاهم وده اللى حصل وعشان تصدق ممكن تتصل برنا وتتأكد
سامي : خلاص ياكريم
كريم : لا مش خلاص كلمها وشوف
سامي : تماام
ويتصل برنا مره واتنين وتلاته بس رنا متردش
سامي : مبتردش
كريم : رن تاني
ويرن تاني لحد ماترد
سامي : رنا اسف ان بتصل بس عاوز اسئلك على حاجه
رنا : اتفضل ياسامي
سامي : هو انتى سبتي الشركه
رنا : اه الحمدلله قدر الله وماشاء فعل
سامي : تمام يارنا
رنا : في حاجه ولا ايه
سامي : لا مفيش ماكنتش مصدق بس اللى حصل وان حلا تعمل كده
رنا : انا مش زعلانه ده نصيب في الاول والاخر وان شاء الله ربنا هيكرمني بشغل تاني
سامي : تمام هقفل انا يارنا ومش عاوزك تضايقي
رنا : تمام مفيش حاجه سلام
سامي : سلام
كريم : صدقت كده
سامي : حقك عليا يااخويا من الكلام اللى قالتهولي معرفتش امسك اعصابي
كريم : لا ياعم عادي
سامي : خلاص بقي ياض في ايه اخوك الكبير وغلط يعني
كريم : انا ياسامي عمري مااخونك ولا اقدر انت عارف انا قد ايه بعزك
سامي : عارف ياكيمو متزعلش مني بقي
كريم : تمام خلاص
سامي : مش زعلان تمام صافي من نحيتي
كريم : حصل خير ياخويا مش زعلان خلاص
سامي : حبيبي ياكيمو, بقولك صحيح
كريم : قولي
سامي : انت تعرف واحد اسمه سعد
كريم : انا اعرف كتير بالاسم ده بس سعد ايه بالظبط
سامي : حلا قالتلي ان ليها قريب اسمه سعد
كريم : طب ماتسئلها عليه هتعمل ايه بقريبها
سامي : حاسس ان مش قريبها
كريم : ليه كده
سامي : كنا خارجين وشوفت رقم باسم سعد في تليفونها
كريم : ماشي ماقريبها ياعم الذكي
سامي : لا ماناا سئلتها فعلا قالتلي ان ده واحد مرتبط برنا وحصل مابينهم مشاكل وهي بتحاول ترجعهم لبعض واما سئلت رنا قالتلي ان متعرفش حد بالاسم ده
كريم : اوبااا لا ده كده حوار كبير بقي
سامي : ورا الواد ده حوار كبير ولازم اعرفه
كريم : اعتبر نفسك عرفت اديني بس يومين كده وانا اعرف عنه كل حاجه
سامي : تمام ياكيمو وبالنسبه لرنا هتيجي تشتغل عندي في الشركه من بكره
كريم : بس اتحلت كده
في مكان تاني في فيلا حلا يجيلها تليفون من  رقم غريب متردش في الاول  بس ميسكتش ويفضل يرن لحد ماترد
سعد : حلا
حلا : ايووه مين
سعد : انتى مش عارفه صوتي ياحلا انا سعد
حلا : ايه ياسعد عاوز ايه في حاجه
سعد : انا لسه بحبك ومحتاجلك
حلا : سعد متتصلش بالرقم ده تاني وانا هتخطب قريب وعلاقتنا خلصت خلاص
سعد : ازاى عاوزاني بعد كل ده اسيبك
حلا : يابني هو عافيه انا مش عاوزااك مش بحبك
سعد : بعد كله اللى عملته عشانك , مبتحبنيش ومين ده اللى هيخطبك واحسن مني في ايه
حلا : وانت بتسئل ليه مش من حقك تعرف ولا تتصل اصلا قولتلك علاقتنا خلصت خلاص واتفضل اقفل بقي قبل ما اغلط فيك
سعد : تغلطي فيا ماعشان ساكت هنشوف بقي هيخطبك ازاى وهتشوفي هعملك فيه ايه
حلا : سعد مش عاوزه مشاكل اهدي هو مش عافيه يابابا
سعد : لا انتي بتاعتي وعافيه
حلا : بقولك ايه اللى تقدر تعمله اعمله
وقفلت في وشه
حلا : هي ناقصاك انت كمان
ويجيلها مكالمه تاني
حلا : ياادي النيله مين بيتصل , ايه ده سامي
حلا : حبيبي عامل ايه
سامي : الحمدلله كلمتلك كريم بهدلتهولك
حلا : متحرمش منك
سامي : بقولك
حلا : قولي ياحبيبي
سامي : انا عاوز اقابل قريبك سعد
حلا : ........
نستكمل في البارت 13
تصويتك ليا بيخليني اكمل لو عجبك البارت متنسنيش بتصويت