حەوت کوڕەکە || 🔛

|22

⊱───── ❝A Special Mission❞ ─────⊰

───────────────

"پێم مەڵێ ئارام ببەوە تایهیۆنگ!"

دەنگی جۆنگکوک لە دیوارەکانی ئۆفیسە گەورەکەیەوە دەنگی دەدایەوە، سنگی لە تووڕەیی و ترسدا بەرز و نزم دەبوەوە، کاتێک چاوی لەو پیاوە چاو سەوزە بوو کە لەبەردەمیدا وەستابوو.

تایهیۆنگ ئاهێکی هەڵکێشا.

دوای ئەوەی جۆنگکوک بۆی دەرکەوت کە تۆ و براکەی بێسەروشوێنن، داوای کرد تیمێکی گەڕان دابنرێت و بەسەر هەموو شارەکەدا بڵاوبکرێتەوە.

کەس نەدەبوو لە گەڕان بوەستێت تا ئێوەی دوو کەسی دەدۆزیەوە.

جۆنگکوک لە حاڵەتی ترس و دڵەڕاوکێدا پەیوەندی بە تایهیۆنگەوە کرد و داوای هاوکاری لێکرد.

ئەو دەیزانی کە تایهیۆنگ یەکێکە لە زیرەکترینی حەوتەکە و هەمیشە ڕێگایەکی بۆ دۆزینەوەی شتانێک دەدۆزیەوە کە ئەوانی دیکە نەیاندەتوانی بیدۆزنەوە.

تایهیۆنگ لە بیرکردنەوەدا زۆر باش بوو.

لەوەتەی لە بازرگانی ماددە هۆشبەرەکاندا بووە، زۆر کەس هەوڵیان دابوو پەردەیەک بەسەر چاوەکانیدا ڕابکێشن و لە پارەکەیدا فێڵی لێبکەن.

دواتریش خۆیان دەشاردەوە و نزایان دەکرد کە هەرگیز نەیاندۆزێتەوە.

بەڵام ئەو هەمیشە دەیدۆزینەوە..

ئەگەر کەسێك هەبوایە بتوانێت تۆ و براکەی بدۆزێتەوە، ئەوە ئەو کەسە کیم تایهیۆنگ بوو.

کوڕە چاو سەوزەکە هەنگاوێکی بەرەو ڕووی نا. "تێدەگەم کە تۆ نیگەرانیت، بەڵام دەبێت ئارام بیت، ترس و دڵەڕاوکێ تەنها شتەکان خراپتر دەکات. ئێمە دەیدۆزینەوە، نیگەران مەبە."

ئاهـ، بەڵێ...

شایەنی باسە کە جۆنگکوک بە تایهیۆنگی نەگوتبوو کە تۆش بردراویت.

بە خۆی گوت کە لەبەر ئەوەیە کە دەزانێت لەبارەی سۆز و خۆشەویستی تایهیۆنگ بۆ تۆ. دەیزانی چۆن تایهیۆنگ شەو و ڕۆژ بێ ماندووبوون لە شەقامەکاندا دەگەڕا، تەنانەت ئەوەندەش ڕۆیشتووە کە شوقەکەت بسوتێنێت.

ئەگەر تایهیۆنگ بزانێت تۆ لەوێیت، لەوانەیە ئەو ڕاستییە کەمتر لەبەرچاو بگرێت کە براکەی جۆنگکوک پێویستی بە ڕزگارکردن بوو.

بە هەڵە تێنەگەن.

ئەو دووانە هاوڕێی نزیک بوون، بەڵام تایهیۆنگ یەکێک بوو لە بێبەزەییترین کەسەکان کە تا ئێستا ناسیبووی و ئەگەر بزانێت کە تۆ لەوێیت، ئەوا شتەکان بەو شێوەیەی ئێستا بە ئاسانی بەڕێوە نەدەچوون.

وە جگە لەوەش..

جۆنگکوک سۆز و خۆشەویستی خۆی بۆ تۆ بە نهێنی هێشتبووەوە. تایهیۆنگ کێبڕکێکار بوو،وە جۆنگکوک دەیزانی ئەگەر پێی بڵێیت کە ئەویش بە نهێنی بەدوای تۆدا گەڕاوە، ئەنجامەکەی شەڕێکی گەورە دەبێت.