اهلا بكم من جديد وها المره انا سعيد
اليوم كان مليان اشياء جديده جربتها من نصايحكم ومن عقلي
(قبل ابدا ب اليوم راح اذكر لكم مواقف متفرقه بسيطه صارت معي)
شفت سيارتي الحلوه ب لونين وعجبتني جدا
ارسلت لي عهود صورتها وكانت حلوه يلعنها
دود ورتني كشختها وحسيت ليه ما اتزوجها؟
ابوي طلبني الميزان وطلع عليه وطق الميزان وخفت ينكسر بس ما تكلمت 🫠
شفت رجال ب السوق وجلس يطالعني بنظرات غريبة لين قلت محمد انت شغل هنا؟ وهو سعودي ولابس ثوب بس ابي اطيح ثقته بنفسه😂😂 لانه ازعجني قررت اعطيه شي يفكر فيه
رجعت بذكريات السناب واكتشفت اني كنت انسان احب الحياه واحب اطلع واسوي فعاليات👍🏻
سمعت ل اديل وحسيت رجعت لي الروح
عميل جديد انظم لقائمة عملائي الحلوين
عمي جاته بنت وكلمته وكان كلامه جدا لطيف واسعدني منزمان عنه
اول ما صحيت شفت امي مسويه اكثر اكله احبها رز ابيض وايدام لحم ب البطاطس وطبعا غرفت لي صحن كبر نيتكم واكلته وانا مستمتع
بعدها بكل روقان غسلت المواعين وراء امي ومن هنا يبدا يومنا
دقت علي خالتي وقالت تعال مع امك بنروح نزور جدتك التعبانه وتجهزت وانا مروق ورسمت ايلاينر وكنت حيلللل مروق الى ان اكتشفت ان امي مو قايلة لابوي
اهربو منجد ابوي ما يمزح بهذي الامور وطبعا طلعت لاني حاب اطلع وشغلت اغنيتي الحلوه بسماعتي ولما جيت اركب قالت خالتي تعال قدام وامي بعد ف انصدمت شوي بعدين ركبت وشغلت الاغنية اللي ب اذني ب السياره وعجبتهم!! مع ان كلها كلمات جنسية بس ما يفهمون انقلش😂
بنص الطريق خالتي اشترت لي قهوه ورفضت ادفع وبغيت اعطيها قلبي لان منزمان عن القهوه(كملو البارت بندم عليها )
بعد ما خلصت الV6 امي قهوتني قهوه عربية وعجبتني ومسكتها خط
وكلشوي اشرب وانا متلذذ
وبعدها بدت خالتي تسوق بسرعه وخذلك احلى خفقان مع القهاوي وتتجاوز وانا قلبي ب استي بس عاجبني السرعه
وصلنا المستشفى بعد ضحك وسوالف هابطه ونزلت المستشفى انا وخالتي قبلهم عشان اخوي الصغير لازم احد يمسكه ونزلنا ورحت سلمت عليها وكا العاده انصدمت اني كبرت وبتخرج وسوالف كثير بس لاحظت وحده من اقاربنا كانت ساكته وما ترد على الكلام وبس تطالع وخصوصي لي
بعد عشر دقايق طلعت ورجعنا السياره وامي وجدتي الثانية راحو لها وخالتي نزلت الصيدلية تبي اغراض ف جلست لوحدي ب السياره ودقيت على القروب وسولفنا شوي بعدين سكرنا (سوالفنا عباره عن كيفك☺️)
جت امي وجدتي وكانو متضايقين جدا من هذي العمة وانها كانت تقول غريبة بنات صغار يزورون! وكانت تلمح ان عبايتي وشكلي فاضح ف عصبت شوي وقلت (بنت القحب لو فيها خير قالتها قدامي ) وجدتي التفت وعطني محاضره عن السب وان عيب اقول كذا بس سكت ومعد رديت لان قلة ادب
جلست اسمع اغنية بسماعتي (هنغني كمان وكمان ) على رايكم وكانت حلوه بس شوي مزعجه وياه كملت اقرا كتاب ١٠٠ عاده سيئة وحسيته شوي مفيد لكن اغلبه كلام مكرر ف طنشت ودخلت اتابع تيك توك ليزبيان😂😂
بعدها جدتي طلبت نروح السوق ونزلت معاها وهي تحسبني زعلان منها وجلست تاخذ رايي وانا اسلك لين قالت هيا اختار معي عشان اقول سميي اختار لي😂😂وللاسف انها اقنتعني وجلست اختار معاها وابشركم تهاوشت مع عامل لان جاب لي وحده من القطع مكسوره والهوشه سريعه وخفيفيه بس اعتذر بسرعه وبدلها مع انه كان حاط الغلط علي لكن في الكسر كان في شوية غبار ف أخذته دليل على ان القطع مكسوره من اول 👍🏻
بعدها حاسبنا وطلعنا ومرينا وحده من خالاتي وبناتها وجلست تسلم علي وتقولي منزمان عنك وسولفنا عن الدايت شوي ف عرفت ان المستشفى شخصوها ب ضغط على الدماغ بسبب وزنها ف قعدت اهديها واقولها خذي كركديه☺️ الصدق مدري كيف اواسيها بس معليكم مشيت الوضع ونصحتها ب الرياضه وهي اصلن وزنها قاعد ينزل ف كملت اعلمها كذا شي وكانت تسولف بشغف ف يب نقول شكرا رود لانك خففت عنها
جدتي كل ما دق احد عليها جلست تمدح اختيارتي وتقول فلان قضى معاي وانا مبسوط
رجعنا للبيت وانا داخل البيت شفت ابوي طالع وهوببببا وقعنا في الكمين
عصب علي شوي بس لما شاف جدتي تطمن وسلم عليها وراح
طلبت اكل ولما وصل بعد انتظار طويل من الجوع اكلت اول لقمة شوي تجي اختي الصغيره تبكي تبي الساندوتش وانا دايخ من الجوع والقهاوي واكلت كذا لقمة سريعه وعطيتها وقمت اخذت تمرتين وجلست ٤٠ دقيقه بعدين تمرنت وكنت اتمرن وانا متحمس لان قدام المرايه (حب النفس وما يفعل )
خلصت تمريني وبعدها تمرنت باي وتراي وجلست شوي ثم ركضت ٥ دقايق ومشيت ١٥ بعدين دخلت اتروش وامي دقت وانا ب الحمام ف رديت
وجلست تقولي ليش جوالك ب الحمام قلت عشان اسوي اشياء وصخه وضحكت ثم ضحكت هي وقالت اطلع انتبه لاختك لاني بروح وتروشت بمي دافي سوا مساج للعضل بعد التمرين
بعدها اخذت بسكوت بعد التمرين مكافاه ودقت علي عهود ف جلست اكلمها تقريبا نص ساعه وانا ارتب شعري وارطب وجهي ومنسدح😂😂
ثم دخلت الانستا وازعجت القروب ورحت اكتب البارت وانا حاس ان يومي كان طويلللل جدا
وبس هذا اللي سويته اليوم وانتو وش سويتو بيومكم؟
(بما اني جوعان اقترحو لي اكل سهل اسويه مالي حيل وقفت المطبخ )
للي يسالوني ليه تنزل متاخر لان ببساطه يومي ينتهي متاخر انا اصحى الظهر بتجي الدوامات الحين واصير انزلكم بدري لكن لا تنسون الفوت والكومنت وشاركو البارت مع اصدقائكم في حديث الليله😊
نلتقي غدا بواقع افضل ✨
أنت تقرأ
هبد ترانس مان 🏳️🌈
Teen Fictionانا رود .. كاتب يتفلسف كثير , اتحدث عن فئة الترانس المشهوره ب الروايات المجهولة ب الواقع (التومبوي ، البيبي بوي بجسد انثى) اشارككم يومياتي ايضا ..(البارتات الاولة نسخة قديمة ) ليزبيان في عالم متدين جدا اعيش التناقض يومياً..
