هبد ترانس مان 🏳️‍🌈

فكرو معاي وش نتيجة ؟ 💔

اهلابكم من جديد

منزمان عن اليوميات لان حرفيا من بدت الاجازة وانا عباره عن نوم واكل وشوية تمارين لكن صار معي شي غريب خلال هاذي الايام

طبعا كلكم تعرفون بعد انفصالي عن تيما انعزلت شوي لكن تجاهلت الموضوع وكملت حياتي لان كنت متوقع الانفصال وصح انه ما كان شي سهل لكن قدرت اسيطر شوي واعترف اني للان ما تخطيت اصلن لكن احاول اتعايش مع الموضوع .

وبعد انقطاع الدوره ٣ شهور جتني وكانت مولمة جدا ومتعبه بشكل غير طبيعي ولاحظت خلال هذي الايام ان صرت اتعب من اتفه شي حتى لو بروح الحمام اصير اتنفس بسرعه وارهاق غير طبيعي زياده على ارتفاع السكر اللي حرفيا ما ينزل

هذا غير شهيتي اللي صارت صفر بس اغصب نفسي اكل والجوع المفرط بدون شهيه يعني فجاه اصحى من النوم واحس بخفقان قوي وجوع يخليني اروح اكل اقرب شي لي ونزول وزن وهذي اغلبها اعراض السكر الى ان جاء ذاك اليوم السيئ

اكلت ودخلت الحمام وطولت شوي ولما طلعت جلست اشوف مقاطع انستقرام واضحك انا واختي الصغيره شوي راحت وانا جلست على السرير وحسيت ب الم في بطني وجلست على الارض وكملت اتابع واضحك شوي تجيني دوخه قوية

واطيح ب الارض وما عاد حسيت بولا شي الا بعدين لما امي اكلتني عسل والله لا يوريكم الالم اللي جاني بقلبي وتنمل يدي الشمال ورجلي وحرفيا كان اسوء يوم بحياتي من قوة الم قلبي كنت اكح احاول اطلعه ودوخه ورجفة قوية وكان يوم سيئ وطبعا بعد الانهيار جلست فتره طويلة علبال ما صحصحت واهلي شكو ان السكر انخفض بس انا كنت ماكل!!

المهم جاء ابوي بعد ما صحصحت وقالي العصر بوديك المستشفى وانا نمت من التعب اللي جاني وما صحيت الا المغرب يمكن ف قال دام نمت ما صحيتك وانت مرتاح وكانت ‏النومة غريبة وكاني نمت مية ساعه من الارهاق

وطبعا صباح اليوم الثاني رحت مستشفى قريب وجلسو يفحصون الضغط اربع مرات وكل شوي تجيني ممرضه تااكد من الضغط ودخلوني للدكتوره بسرعه وجلست تسالني كثير عن الاعراض واجاوبها ووترتني شوي بعدين حولتني لمستشفى اكبر وقالت التحويل طارى وحرفيا انرعبت شسالفة ليش كل ذا!!

وبعدها بيوم جيت بروح العيادات ونمت وفوتت الموعد واليوم اللي بعده لما جيت بروح اخوي صدم سياره شخص ثاني ورجعت البيت نفسيتي خرا وقررت اروح اليوم اللي بعده

وما اقولكم كيف عشت هذي الايام بتوتر ويدي على قلبي وصح اني اتالم ويدي اليسار تنمل ودوخه مستمره لكن ما اتوقع القلب احسها مبالغة منهم لكن بروح ونشوف شيصير

بهذي الايام حاولت اروح لعهود اكثر من مره لكن كل مره اروح امي تزعجني او ابوي يمر ياخذني مستعجل ونكبه مالها داعي

استلمت شغل جديد من ابوي ومتعب جداا لكنه راح يفيدني مستقبلا في مشروعي

وقفت كل اشغال مشروعي واجلت الافتتاح لشهر ١١ افضل من ناحية التسويق👍🏻

القروب طايحين بلعبة لودو ونحكم على بعض احكام تضحك لكن لعبة اليوم قهرتني لان لاول مره اخسر خساره شنيعة والزفت اسامه وجود رفعو ضغطي

ضحى هاذي الايام صارت بعيده عني شوي والشوق قاتلني بس مقدر انها مشغوله مع اهلها والا لو علي سحبتها من اذنها

بكره بنزل بارت مخصوص للورا عشان اقولها شصاير في التحاليل لانها اكثر شخص قلقان علي وللامانه ما ودي يطلع عندي مرض جديد يكفي الانيميا وفقر الدم والسكر والامراض الباقيه😩😩 (بكج امراض سبيشل )

وهل تتوقعون كلام الدكتور انه شاك عندي ضعف في القلب كلام صحيح؟

خلصت الاحداث الاساسية وضيفو الكتاب ل مكتبتكم عشان يجيكم اشعار👍🏻

نلتقي غدا بواقع افضل ✨