هبد ترانس مان 🏳️‍🌈

ما بعد العناد؟ حصيلة ٦ ايام 🏳️‍🌈😩

اهلا بكم من جديد

وهالبارت غني جدا ب المواقف والمشاعر وجدا دسم جيب سناك وتعال لاننا مطولين

اشكركم على التفاعل واكتشتفت كثير متخبين بس لما قلت بحذف الكتاب طلعو كلهم😂😂😂 حياكم اصنامي

نبدا يلا ☝🏻

مختصر ٣ ايام لان صراحة نسيت وش سويت فيهم

ضحى داومت وهي مصدعه وتعبانه ولاحظت من بداية اليوم بس ما تكلمت قلت ممكن من الاختبار او شي واحنا قاعدين بقاعتنا المفضلة اللي حفظوها معنا ب البثوث😂😂 شوي نسمع صوت سحب كراسي وصوت قوي جدا كانها عشر كراسي حديد تنسحب سوا وانا من الصبح قد مريت الدور كله كنت ادور حمام وشفت الكراسي مرمية ب الاسياب ولما سمعنا صوت الكراسي كانو مشرفان الدور والامن قاعدين يدخلوها للقاعات عشان ما تعيق المشي في المبنى وخذلك الازعاججج وسحب الكراسي ويرمونها في القاعه وازعاج لابعد حد حتى وانا مو مصدع صدعت وضحى من قوة الصداع قالت خل نروح لين يخلصون ومشينا

ولما نزلنا الدور الارضي حسيتها بدات تدوخ او وضعها مش تمام ف رحنا العياده وكشفت على ارتفاع ضغط الدم وكان عالي ف جلست اقولها ان وش اسوي وش تبين اساعدك فيه (معلوماتي بمرض الضغط صفر👎🏻) ولانها ماقد تعبت علي كذا ف بدينا نمشي واخذنا موية وعندي مسكن احتياط دايم اجيبه في شنطتي فوق والمشكلة المسافة بعيده وضحى كل شوي تدوخ وانا التوتر وصل عندي مليون ف ركبنا المصعد وانا ساندها علي وجلست اقنعها تجلس في الدرج لكن رفضت تماما ف مشينا شوي زياده وتعبت مره ف غصبتها تجلس وقعدت اشربها مويه واركض لشنطتي اجيب المسكن اللي بيخفف الضغط شوي وعطيتها وانا احاول فيها تبلعه وبعد معاناه قدرت تصحصح شوي وقامت بتمشي للقاعه اللي قدامها ما يفرق الا خمس بلاطات بس من كثر ما كانت تعبانه ما قدرت ابد تمشي الا اربع خطوات بعدين اسندتها للجدار

وجيت اسحب كرسي عشان تجلس فيه وانا مو هامني احد ب الدور وهي ما تبي تجلس قدام البنات اللي يمشون وحرفيا من قوة التوتر عرقت لان لو اغمى عليها ما بعرف كيف اصحيها!! المهم واجي ابي اسحب الكرسي وتهاوشني مشرفة الامن تقول الكراسي ممنوع تطلع قمت صرخت بوجها البنت تعبانه بتطيح!! قالت ممنوع ما رديت عليها وفتحت الباب وسحبت الكرسي وقعدتها عليه وحقت الامن تهاوش لفيت عليها وقلت برجعه اذا صحصحت ب اسلوب خايس 😅😅 وزودت حبه لضحى وقعدت يمكن عشر دقايق وانا اضمها لين بكت لما بكت عرفت ان الضغط بدا ينزل ويصير كويس وجلست امسح دموعها وصرت الدادي حقها لمده خمس دقايق لين صحصحت شوي وسندتها للقاعه وجلستها وربطت راسها ثم رجعت عشان ارجع الكرسي ورميته ب القاعه وقلت سكري القاعه يلا ورجعت خليت ضحى على رجلي نامت شوي وانا قعدت اراجع للاختبار وانا رجولي توجعني من التوتر😂😂😂 لكن الحمدلله حصل خير وحرفيا من بومها للان وانا كلبوم ارسلها دواك مع شوية سبات واختبرنا الحمدلله بعدين فطرنا وروقنا وسوينا بث بس ما تكلمت فيه عشانها قدامي👍🏻