انا رود .. كاتب يتفلسف كثير , اتحدث عن فئة الترانس المشهوره ب الروايات المجهولة ب الواقع (التومبوي ، البيبي بوي بجسد انثى)
اشارككم يومياتي ايضا ..(البارتات الاولة نسخة قديمة )
ليزبيان في عالم متدين جدا اعيش التناقض يومياً..
ببداية اليوم شربت قهوه مرتين وكان فيني طاقة الارض ف ما خليت شي ما سويته ، وتسحرت سحور كله اشياء غلط وهووب السكر ارتفع وبقوه ومن قوة ارتفاعه نمت ومحد صحاني! ربي ستر انه ما صارلي شي وانا نايم
صحتني امي الساعه ١ ونص تقريبا الظهر وحرفيا كاني بغيبوبه وقالت ابيك تطلع معاي السوق وهكذا ف قمت وصليت الفجر والظهر تسليك للاسف عشان امي ورحت معاها وجلسنا ب السوق للساعه ٤ ونص
بعدها المغرب بديت احس بهبوط والاذان باقي عليه ساعتين تقريبا ف كنت متوتر شوي ان افطر واضطر اصومه بعدين وجلست اشغل نفسي ب الطيخ وسويت معجنات وحركات بركات وافطرت قللليل جدا لان نفسي منسده من ريحة الطبخ الكثيره ورحت احلل سكر اكتشفت انه ما ارتفع! مع ان فطوري فيه تمر وهذي معجزه😂😂
بعدها رتبت غرفتي وخلصت شغل ابوي اللي كان جدا قليل وقفلته ورحت اساعد امي وهي تنظف لاني فاضي ومابي اجلس على للجوال عشان لا افكر في موضوع الاسلام
بعدها قمت وصليت التراويح وصح انه كان تسليك الا اني حسيت براحه بعد الصلاه وخلصت من القران ٣١ صفحة ب الصلاه
ورحت تقهويت مع اختي وليتني ما تقهويت ارتفع السكر بطريقة سيئه وبسرعه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ويب باركو لي ان اخيرا اشتريت جهازالسكر لان الحياه بدونه متعبه جدااااا
وبعد معاناه في المشي وانا مرهق ودايخ واختي تشربني مويه غصب وكان قلبي بيوقف لان مرتفع حيل
جت امي من عند جدتي وقالت يلا انزل اشطف الحوش معي رفعت راسي وطالعتها بنظرة اللي وش!! صاحية انتي؟ بس للاسف أقنعتني ان السكر بينزل ف قمت ونزلت معها وانا دايخ بشكل حتى اني صقعت في الباب ودقت عهود علي بس ما انتبهت وامي ردت عليها وسلمت وقالت ابي فلان قالت فلان تعبان شوي من السكر
وبعد شوي وقت بديت اصحصح ويكون وضعي افضل واساعد امي احسن ورديت على عهود برساله ويب كان يوم شوي متعب بسبب السكر
وكلمني الشيخ عشان موضوع الالحاد وبديت اتناقش معاه لكن ك العاده لما اسال عن موضوع كيف يعلم الله المستقبل ولا يقينا منه ب الرغم من اننا مسلمين يقولي انت تميل للفكر الغربي ف قررت اطنش كل الشيوخ واتبع قلبي وجيت اكتب لكم البارت لان اغلبكم سالوني في الانستا
وامي تصارخ علي عشان اقوم اسوي سلطه لان لو ما سويت محد بيسوي واخخخ يا الغدره ليش الاكل ما ينطبخ لوحده؟
واما ب النسبه للخبر الصادم (الحسابات هي اهم شغل ممكن اتعلمه بما اني قاعد افتح مشروع )
(ابوي وقف يدربني في الشغل بدون سبب فقط تواقح معي وحسسني اني خادم عنده لا اكثر ف رميت الكتاب والورق بوجهه وطلعت لان يخسي اي زباله ب التاريخ يسوي ه الحركات معي ومستعد ادفع كورسات ولا يعلمني ابوي ب اسلوبه الزفت )
ويب هذا هو يومي ببساطه ادري مافيه فعاليات بس يوم شخص مريض ب السكر😂😂
