انا رود .. كاتب يتفلسف كثير , اتحدث عن فئة الترانس المشهوره ب الروايات المجهولة ب الواقع (التومبوي ، البيبي بوي بجسد انثى)
اشارككم يومياتي ايضا ..(البارتات الاولة نسخة قديمة )
ليزبيان في عالم متدين جدا اعيش التناقض يومياً..
عندي خبر حلو بحاول انزل يوميا او يومين ب الكثير لان صاير متكاسل وما انزل كثير
وشكرا لتفاعلكم ب البارت الماضي
يلا نبدا
وانا الصباح ومنفس وطاقتي صفر وقاعد اتحلطم بداخلي واسمع اغاني وحنبي بنت متكيه تذاكر لمحت شي وفزيت وصحصحت الا والله صحححح شفتها شفتتتتت رااام تيييي ريكس!!! تيييي ريكس تخيلوووو مقدر والله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وكان لونها ازرق ومن قوة الصدمة جلست اطالع اتاكد هي او لا!!! بعدين استوعبت اني ب الباص لما مشينا واختفت من نظري والتفت للي جنبي وهي تطالعني بصمت ابتسمت لها ورجعت شغلت اغاني وانا مبسووووط حرفيا عدلت مودي
وامس وانا منسدح جنب اختي وخلاص بنام الا شوي تنقز وهي نايمه وانا قلبي بغى يوقف طلع صوت المنبه الخايس حقها وحرفيا صوته عالي اوفففف بس تتوقعون سلكت؟؟ وربي جلست اضحك لين دخت على نقزتها وكل ما اسكر عيوني واقول خلاص بنام اتذكر وارجع اضحك عليها
وانا با الباص وبنص تاملي للسيارات الا اشوف سيارة اخوي ومسررررع 😂😂😂صدته الوصخ
صارلي موقف كنت نايم وصحيت على اختي جنبي تتلفت واشوفها مصدومه الى ان استوعبت ان اللي بيدها جوالي وسحبته وقلت شفيك قالت انت تشوف اشياء وصخه؟ (عمرها ١٤) احيه وقعنا ب الفخ كنت فاتح تويتر 🤕🤕🤕🤕
اليوم ب الباص نمت وصحيت على وحده بجنبي قعدت وما اهتميت عادي الا يوم عدلت العبايه على رجلي ف رفعت الطرحه وشفتها صديقة اختي الكبيره وسلمت عليها ثم قامت تدور مكان ثاني وانا كملت نومتي وانا اتسائل ليه كانت تسوي العبايه؟؟
وبرضو من المواقف الحلوه اليوم ان تعرفت على اصدقاء مريم (عرين وراجي وليث) كنا ب البث ودخلت مريم قست ويانا وجلسنا نسولف بعدين دخل ليث ودخلو عرين وراجي معاه وحرفيا البث كله ضحك مع ان بنص البث دخلت صديقة اختي الصغيره وجلست تطالعنا واحنا نبث ف ما حبيت الوضع وغيرت قاعة ثانية ودخلنا القروب وطبعا ما احكي لكم عن هزة ليث ب البث والاغاني انهيار من كثر الضحك😂😂😂
وبرضو من المواقف اللي صارت ها الايام لما كنت ب القاعه وقاعد اكلم شخص ونسولف ومندمج وادخن وشوي تدخل مشرفة الامن والدخان بفمي والفيب بيدي وحرفيا الموقف كان انهيار نفسيييي
جيت قالت تعال وهات الشيشه معاك وهاوشتني ف وقفت شوي افكر وقررت اروح الحمام واغرقها بموية عشان لو صرنا قدام مكتب الاشراف راح انكر انها لي لانها مو شغالة وفعلا سويتها ولما جيت بطلع من الحمام سمعت صوت ضحى في الحمام ف قلت لها ان تشيل الفيب وتخبيه عشان ب المره ما يصيدوني ولما طلعت لقيت المشرفه تنتظرني وتناديني ف وقفت قدامها وقالت هات الشيشه قلت قولي وش بتسوين وانا بعطيك قامت قالت انا ما بسوي شي لكن تعال معي وجيت عند طاولة وجلست شي هي على الطاوله وبدت تنصحني وان هذا الموضوع مضر لصحتي وحرفيا لمده ٢٠ دقيقة تتكلم عن الصحة والاهل وها الامور لين بعدين قالت انا مراح اسويلك شي وبعتبر ها الموضوع مشى بشرط توعدني ان تتوب وترميها وبنفس الوقت ضحى طلعت راسها من عند باب القاعه وقاعده تطالع ف نادتها المشرفه وقالت اوعدني يلا ووعدتها ف لذالك اعلن توبتي من الدخان والشيشه وكل ما هو ينفث😂😂 لاني وعدتها وانا ما اخلف وعودي
ولما رجعنا القاعه كنت ارجف لان السكر انخفض وطبعا ما يحتاج اقولكم ان القروب جلسو يضحكون لاني خايف بس هم مو مستوعبين ان هذا مستقبلي!! يعني حرفيا لو نزلت العماده وحاسبوني مراح اتوظف بشهادتي ابدا
ولما طلعنا وصرت ب الباص بعد ما بثيت كنت اكتب لكم الموقف اللي فوق لين حسيت بقطرات مطر واهلينيننننن ب الروقان واخخ كم كان يوم متعب جداا
ولما فتحت جوالي استوعبت ان الاختبار قفل علي وخذلك احلى ترجي للدكتوره تفتحه 🤕🤕
وتوني رجعت البيت ومنهد حيلي وناويها نومة تسع ايام 😂😂😂
اوه نسيت اقولكم ان شكل السفرة اللي مع ابوي بتتكنسل واحب دعواتكم 🤍🤍
فقرة اخر الاخبار ☝🏻
انا ورنيم ما صرنا نسولف كثير ومع اني مشتاق لها برضو ما اجي واسولف لكن اذا سمعت اغاني احسها تدور ببالي وبيني وبينكم احسها ملت وما تتوقع مني شي لذالك قاعدة تقلل كلام معي ولاني مشغول بعد ف يب
عهود ما تكلمنا واتوقع صار عندها شخص ثاني بحياتها لان صدقوني الفار ما يغيب الا وهو لاقي معاش
وامل ترسلي استريك ونسولف لكن ما ارد بسرعه واحسها تبي تكفخني 😂😂
ب النسبة لقروب الانستا اللي يبي يدخل وارسلي خاص ترا رابط انستقرامي ب البايو ارسلي هناك وبدخلك👍🏻
