انا رود .. كاتب يتفلسف كثير , اتحدث عن فئة الترانس المشهوره ب الروايات المجهولة ب الواقع (التومبوي ، البيبي بوي بجسد انثى)
اشارككم يومياتي ايضا ..(البارتات الاولة نسخة قديمة )
ليزبيان في عالم متدين جدا اعيش التناقض يومياً..
جايكم اكتب وانا احس ان لي ثلاثه ايام ما نزلت وازدحام احداث فضيع ومشتاااقق لكم كثيررر خصوصا بعد تفاعلكم امس
عموما بكتب لكم الاحداث متفرقه👍🏻
صحيت بعد نوم ٢٣ ساعه متواصله من التعب ونزلت لكم البارتات وانا منهلككك بس مستحيل اخليكم
اول ما صحيت فطرت ب ٧٠٠ سعره متخيلين!! كثير جدا على فطور بس كنت جوعان والسكر منخفض ف اكلت كثير وبعدها طلعت اركض الصبح تقريبا نص ساعه ورجعت تروشت وبدات يومي صح وابتدا تحدي ٧٥ يوم التزام
ابوي صحى وهاوشني على النومه وبعدها راح شوي وشاف لافي تطلب تزاوج وجاء مره ثانية وقال :اليس فيكم احد يخاف الله؟ رفعت راسي وناظرت له انتظره يكمل وعاد السوال قلت اي انا قال ما تخاف الله يهوي بك في جهنم على هذي القطوه؟ قلت ليه قال انت عارف ليه طلعه فكها وبترجع لك قلت اوه يصير خير ورجعت اكمل اسوي السلسله اللي كنت اسويها وهو عصب لاني ما تجاوبت معاه وراح
بعدها امي دقت علي ورديت وقالت عط ابوك فطوره وقلت اوكي وكان على اختي تسوي له سلطه ف اختي قامت تسويها وانا انتظرها تخلص عشان اعطيه وجت امي بعد خمس دقايق تهاوش تقول اصلن مو بحاجتك والله لا يخليني بيوم احتاجك(امس قضت لرمضان بفلوسي) قلت اوه طيب بس ترا كنت انتظر اختي تعطيني السلطه عشان اعطيها قالت اص لا اسمع كلمه قلت تصطفلي ورحت اكمل السلسله حقتي
بعدها جت ووقفت على الباب وانا ساكت واختي تسب فيهم ورفستها برجلي عشان تسكت قالت الله يجيب المدرسه عشان اداوم وافتك منهم (تقصد امي واختي الطفله) رفعت راسي وضحكت وامي عصبت عليها وهاوشتها وانا اضحك
المهم انقطعت السلسله اللي كنت اسويها ورجعت عدتها مرتين وكل مره تنقطع وارتفع ضغطي بس اصريت اخلصها لاني بدات فيها
المهم بعد ما خلصتها سويت وحده ثانية لجوالي وكانت علم الليزبيان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وزدت اللون الازرق عشان ابعد الشكوك
تغديت غدا لذيذ جدااا وبعدها سويت شاهي لي ولابوي بس ابوي ما عجبه وكسر الكوب بوجهي بس ضحكت وقلت (تقول اني عصبي اجل؟) المهم هاوشني ودخل غرفته ينام والقزاز شالته اختي وانا تقهويت الشاهي بعدين دخلت اقرا الكونتس على البارت القديم
طحت على اصابع رجولي وحاس فيها منطحنه
اكلت بسكوت احسب فيه ٢٥ سعره وطلع فيه ٨٩🥹
سويت هديه لدود طلبها مني زمان بس نسيت اسويها
شربت كركديه كوبين وكنت مبسوط على ادماني الجديد
لعبت مع اخواني قول بس لا تقول وجبت ٣١ نقطه
بعد شوي بقوم اتمرن وحرفيا مشتاق
امس ب السوق صار موقف خرا طبعا كان في عرض على طقم قدور ب ٣٧٠ ريال وهو السعر الاساسي ٥٠٠ وانا اشوف الطقم مو ذاك الشي لانه مو جرانيت اصلي ولا قدور فخمه بس امي تبيه وقلت تم وطبعا اشتريت معاه هاند بلندر ب ١٣٠ تقريبا بعد الخصم ولما حاسبت وخلصت اكتشفت انها سحبت من البطاقه ١٢٠٠ ريال ! وهو الحساب ٥٠٠ كله! وطبعا رجعت لهم واخذت الفاتوره وكلمت المحاسبه ونافخت بوجهي تقول هاذي اسعارنا! قلت اوهه الوضع كذا يعني وقلت ابي المسوول عن الفرع او اي احد ثاني وجاتني مسوولة الحسابات وجلست اتكلم معها وانا مرتفع ضغطي من المحاسبة الزفت (كلامها كان بصيغة استصغار ان يعني انت ما تقدر تدفع قيمة الاغراض!) المهم تمالكت نفسي وتفاهمت مع البنت وقلت لها ان الحساب غلط وراحت تتفاهم مع المحاسبة وامي ضاق خاطرها لان القدور عاجبتها وكانت تدور سعر كويس لان باقي بخاطرها اغراض كثيره من سوق ثاني
المهم انا عصبت وجدااا من الاسلوب الزباله وقررت ارجع كلشي عندهم بس ما كنت ابكسر خاطر امي ف قلت لامي اختاري طقم ثاني وجلست اتفاهم مع المحاسبه الزفت وطبعا لما امي نادتني عشان اشوف الاختيار الجديد عجبني حيل لانه افضل بمراحل ويستاهل السعر وكان سعره ٦٥٠ والفرق يعتبر بسيط قدام الجوده ف ناديت البنت المسووله وسالتها عن السعر وقلت ب اسلوب وانا نفسيتي بخشمي هذا بكم سعره؟ تخيلو ان مافي كارت او شي يبين؟ والمحل مشهور يعتبر ف جلست تدور على السعر بعدين لقته في است القدر وجلست تقول اعذروني وانا جديده ومدري وش قلت يصير خير وقلت لها ابيه بدال هذاك ونادت العامل يشيله للمحاسبه
وهنا شغلت اسلوب اللعانه ولما جاب الكرتون قلت لها فكيه وتجلس تدور شي تفك فيه بعدين جابته وانا اقولها بسرعه وبديت افتح كل القدور وافحصها واشاور امي وامي مرتفع ضغطها اني قاعد اسوي كذا وحرفيا طلعت كل الاسلوب الخرا عليهم من نفخه واستعجال وبعدين طلعنا وانا مروق لان خلاص طلعت العصبيه عليهم😂😂
المهم وانا احاسب المره الاولى كان في رجال وولده الولد يمكن ٣٥ والرجال كبير حيل يمكن ٨٠ او اكثر ف كان مطلع بطاقة شحن سوا حقت الجوال وجالس يقول لولده عطها تصرف منها خمسين لا تزيد😂😂😂 ضحكتتتت من وجه ولده وهو منكوب
وبس لما رجعت البيت امي قالت لابوي عن الموقف اللي صار وجلس يهزئني ان ليه ما انتبهت من الاول وكا العاده ابوي مستحيل يمدحني بشي سويته
امي قبل شوي جت قالت تبي تطلع تشب نار وتولع؟ قلت اي قالت نظف المطبخ وامسح اثر المطر والا ترا مافي طلعه قلت بردي قلبك مابي هونت😂😂 بعدها بشوي جت قالت خلاص اطلع بس اذا جيت تراك بترتب دولابك ورفضت اطلع بعدين جتني بعد ما صلت العصر قالت هيا اطلع تراني امزح معك وطلعت👍🏻 ( لا تخلون احد يساومكم في حقوقكم )
ابوي جاء علي ب الحوش وانا متكي اسمع اغاني وعطاني محاضره ان في جني دخل في بنت وهي تسمع اغاني وقلت طيب وانتظرته لين يروح ورجعت اسمع
