انا رود .. كاتب يتفلسف كثير , اتحدث عن فئة الترانس المشهوره ب الروايات المجهولة ب الواقع (التومبوي ، البيبي بوي بجسد انثى)
اشارككم يومياتي ايضا ..(البارتات الاولة نسخة قديمة )
ليزبيان في عالم متدين جدا اعيش التناقض يومياً..
نمت ١٨ ساعه وصحيت مفجوع لان جوالي دق ومين اللي دق؟ بتعرفون ب البارت
قطتي صارت تنام بحضني واخيرا
ابوي مسافر ويعني مافي تهزئي
ضحى بعمري عنها تعبانه مره اكتبو لها كلام حلو تحتاجه 😊
خليت لاختي بيتزا عشان اذا صحت نفسيتها تكون حلوه وتروق وتترك التوتر حق الجراحه
صحيت اليوم من النوم بعد عناء ساعه من مقاومته واكلت بسكوت وغفيت مره ثانية وصحيت على اتصالات من امي تبيني افتح الباب لاختي فتحته ورجعت نمت وصحيت على اتصال من امل!! اي امل ما غيرها جلست تسولف معي وانا حرفيا نايم وتقول الله صوتك كانك ولد! سلكت لها وانا ودي انحرها وكل ما اودعها ترجع تسولف لين غصب بعد نص ساعه سكرت
ورجعت نمت شوي بعدين حلمت اني خربت تحدي ٧٥ يوم حق الالتزام وقمت وانا ودي انهي العالم
طبخت رز لان امي مو موجوده تطبخ لي ويعني طعمه يمشي الحال ما يخليني ابي اطرش
اكلته مع سلطه وتونه وقعدت بعدها فتره بعدين شربت قهوه وتمرنت وكان تمريني اطول تمرين ب التاريخ ساعه كامله من كلوي دامبل!! وجلسو خواتي يسولفو معي وانا اتمرن وتفاجات ان اختي بتسوي عمليه الاسبوع الجاي
عندها زجاجه في رجلها دخلت في العظم ف ضروري تسويها وكانت متوتره وجلست اسولف معها وانا اتمرن بعدها جاء اخوي مسوي ظريف ويسولف وبغيت اهبده ب الدامبل لانه سخيففف
خلصت وصورت الباي مليون مره انتظره يصير ضخم لانه بدا يبين وعندي بكره يوم الميزان ومتحمس له
بعدين كلمتها ان عهود عازمة البنات وعيب ما اروح وكذا ف وافقت ورحت واحنا عند عهود امل كانت ترسلي يومها وايش سوت وايش ما سوت ودخلت الوات وشفت تعليق وحده كاتبه ان امل غلطانه لما زوجت اخوها ب عهود وفكرت لاول مره ان ليه سوت كذا؟ لا يكون تحب عهود! واهتمامها المفاجى لها وجلست افكر كثيرر بهذا الموضوع وسالت عهود وانفعلت كثير وقالت لا ما تحبني لا تفكر فيها هي غبيه!
وحسيت الموضوع وراه شي بس سكت انا بسوي تحرياتي بنفسي ما احتاج اجابه منها
المهم اصلن عهود كانت تعبانه حيل لان جاتها الدوره ف سويت لها يانسون وجلست اسولف معاها واخليها تطلع هرموناتها قعدت يمكن ساعتين بعدين رجعت البيت وكنت جوعان حيلل لان اكلت بعد التمرين بس توست وزبده فول سوداني ف كان خاطري ببيتزا وانه ليش لا؟
طبعا امي اول ما دخلت سوت فيني اللي ما يتسوا من تهزئي بس كان عقلي اسوي بيتزا فطر او بيتزا ساده ؟ وجالس احسب سعراتي براسي
بعدين قلت خلاص برد عليك ورحت المطبخ اسوي اكل وهي تسوي دراما اني عاق وما اسمع كلامها لانها طلبتني فلوس وقلت ما عندي!
البيتزا كانت رهيببببة توني قاعد اكلها وانا اكتب البارت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
(اللي بيتكلم عن كبر عضتي بعضه بدال البيتزا اص جوعان)
الوصفة حقت الصوص حطيت كلشي ب الثلاجه يلبق وخليتها تتسبك ثم خلطتها ب الهاند بلندر وحطيته والعجينه من بنت كتبتها لي في بارت قديم ويب لذيذه حيلللل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عرفتو وش اقصد بكل شي؟
بعد ما خلصت جلست اسولف انا واختي عن السكر وبعدين جيت بحلل لقيت جهاز السكر معد يشتغل ابد واحس السكر مرتفع ويا الله وش ذا الورطه ؟؟
بارت بكره في شي يوترني جدا لكن انتظروه بتنصدمون ان اشتغلت على ذي الناحية من حياتي 👍🏻
انتهى يومنا بشكل جيد تقريبا وبخلص كلشي واكمل شغلي وانام
