هبد ترانس مان 🏳️‍🌈

اختي قرت دفتري السري ، احداث غريبة 🏳️‍🌈😩

اهلا بكم من جديد وها المره انا مفعم با الطاقه

(لان صاير لي تقريبا ٣ ايام مو ماكل زين بسبب الم خروج ضرس العقل لكن لا باس يعتبر محتمل ووزني نزل بشكل مو طبيعي وقاعد اغصب روحي اكل بس حرفيا مب قادر )

مشتاق لكم جدا وتفاعلكم البارت الماضي حمسني انزلكم + صارت لي احداث غريبة وابي اشارككم اللي صار

بداية ماني حاب اقول وش صار الايام الماضية لان مافي شي جديد الا كم حدث ف بقولها بدون سرد اليوم
يلا نبدا (لا تنسو الكومنت )

مواقف بسيطة كالعاده 🤍
اختفيت ١٢ ساعه نايم وانصدمت لما صحيت على رسايل ومكالمات بنت + الخاص ب الانستا كله عتاب وهوشة واحس ودي اقولهم اصبرو شوي واحد واحد

صديقة لي كانت فاقده الحس الدراسي ونصحتها وصارت تدرس والله يا احساس الفخر

اسلوبي ها الايام متغير بسبب اني تخلصت من موضوع (تانيب النظره) اللي هو تانيب اني مابي اظهر بهذي الصوره لان بعد كل محادثة او مكالمة اقول يا ليتني ما قلت كذا لان طلع شخص مو كويس فهمتو الاحساس؟ ابشركم تخلصت منه وحاس ب ارتياح قوي

امي صار تعاملها من افضل ما يكون لكن مو قادر انسجم معاها حاس انها منافقة

تعرفت على صديق ترافستي وهذا شي غريب لاني ما اطيقهم

اختي اليوم نادتني ب الغرفة ب مويد!!

خالتي المريضة طلعت من المستشفى وانبسطت جدا وبروح لها اليوم وانا مشتاق لها بشكل خيالي وسويت لها كيك معاي!!

الاحداث الغريبة (تجهزو للصدمه👋🏼)

اليوم الصباح كنت اتابع مسلسل (اي تخيلو صرت أتابع مسلسلات!! لحد يكلمني شخصيتي قاعده تنقلب بشكل قوي ) المهم جت اختي وبدت تسولف معاي ومن سالفة لسالفة اعترفت لي انها قبل فتره كانت تحس انها ولد لكنها تعالجت وبدات اتناقش معاها ف قاطعتني بنص الكلام وقالت وانت كيف تحس ؟؟ قالت وانت!!! المهم سكت وقلت الحمدلله ما علي شي قالت الا ادري انك ترانس ترا واضح وهنا صار اكبر صمت

قعدت تقولي لا تستحي انك تتكلم معاي بهذا الموضوع وخذ راحتك ب الملابس وترا هذي حريتك وانو هي تحبني كيف ما كنت وانا للحين مصدوم
المهم حسيت انه اختبار ف حاولت اجحد قامت قالت ترا محد راح يدعي وانا من شهور ادري واعرف من ايام ما كنت تفضفض بدفترك وهووببب جاي ببالي دفتري اللي اختفى!!!

وما تدرون كيف انصدمت وحسيت ان الدنيا صارت سودا بعيوني ومغصني بطني بس عطتني الدفتر من دولابها وقالت ترا صرت ملقوفة وقريته واعرف ان ما بقول لاحد عن اي شي حتى عهود وغمزت

واخخخخخ اكرهههههه لما احد يسوي كذااااا!!!! بس جلست تعطيني اسرارها عشان اثق وورتني حبيبتها وانصدمت انها فعلا ليزبيان وقالت احس ب القرب منك وبعد ما جلسنا نسولف وقت طويل وانا يدي بشعرها اعترفت لي بعد انها بتنفصل عن حبيبتها وانا ما قلت لها الكثير لاني ما احس ب الامان بس للحين مصدوم

ومن المواقف الغريبة بعد ان كلمت ابوي عن النصبة اللي صارت لي مع حقين القوالب وطبعا هزئني شوي لكن قال بياخذ رقمهم ويتفاهم معاهم ومتوتر بشكل جنوني

ولما داومت مع ضحى حسيت براحه كبيره يوم صليت معاها وصححت لي صلاتي لان كان عندي اخطاء واحسني فعلا صرت مسلم وفيني ارتباط ديني

اليوم ب القروب صار نقاش شوي مقرف عن الدين لان في شخص كان يمزح ويقول ان هو غير دينه او طلع من الاسلام عشان يعاند حبيبه وما تدرون قد ايش القروب هاوشوه لانه قاعد يستهبل ف الدين لكن مو هذي سالفتنا
السالفة ان صديقته اللي هي صديقة لي تقريبا بدا يسبها في القروب وبلكها وطلع من القروب ينتظرها تجي تراضيه وانا ارتفع ضغطي لان الاسلوب كان مستفز ف وقفت مع نفسي شوي بعد ما انفعلت وراجعت مشاعري واكتشفت ان امي كانت تسوي كذا معي فلذالك حسيت فيها المهم طلعت من الموضوع وسحبت على السالفة ورحت نمت

ومن المواقف الغريبة بعد موضوع امل انها ارسلت لي صورتها ومدحتها وشوي صارت تنزل اغاني وتهدي وتكتب للي (عارف)نفسه وهنا حسيت انها تقصدني بس ما اهتميت الا لما ارسلت لي صديقتنا زهراء اللي عندها بنت صغيره ان امل منزله عنك وهنا حسيت ب احساس غبي واستانست شوي بعدين تذكرت تصرفاتها وملعانتها ودقيت على عهود وجلست اسولف معاها لان ادري ان امل عندها 👍🏻

الكراش سالتني عن من كراشي وتعالو عن الكذب اللي قلته وحسيت بتانيب ضمير قوي بس مابي افضح روحي، صارت تتجاهلني وتشوفني شخص حيوان وما ترد علي واحس صمتتتتتت وكان ودي اقولها يا حماره ترا المطلوبة انتي بس من يفضح روحه!!

تقريبا هذي الاحداث المهمة اللي صارت ف وش صار بيومكم؟

ما اتوقع انزل بارت اساله كل الاساله مكرره وقد جاوبت عنها لكن اذا تبون تفاعلو هنا والانستا ب الستوري

نلتقي غدًا بواقع افضل ⚡️