انا رود .. كاتب يتفلسف كثير , اتحدث عن فئة الترانس المشهوره ب الروايات المجهولة ب الواقع (التومبوي ، البيبي بوي بجسد انثى)
اشارككم يومياتي ايضا ..(البارتات الاولة نسخة قديمة )
ليزبيان في عالم متدين جدا اعيش التناقض يومياً..
(ادري مستغربين من العنوان لكن كملو البارت وراح تفهمون مين اقصد )
اتوقع تعودتو انزل متاخر معد تشرهون😂😂
اليوم كان يوم بدون تخطيط وهذي ظاهره نادره
صحيت اليوم متكسر جدا من تمرين امس وحرفيا مو قادر احرك اكتافي لكنه مو الم فضيع الم اصابات لا كان الم عادي ولاول مره من ثلاث سنين اقوم وبخاطري اصلي ف قلت ليه لا؟
رحت ووضيت وصليت العصر وصح نص الصلاه ناسيها لكن حسيت كانها بداية ايجابية
بعدها لفيت في المطبخ ادور اكل ك العاده (اتوقع حفظتو ان اول ما اصحى لازم اكل 😂 ما اتدلع السكر يلخبط مزاجي اذا ما اكلت ) اصلن السكر هذي الايام صاير كل اربع ساعات يجيني جوع هستيري وينخفض بس مسيطر عليه معليكم👌🏼
المهم بوسط الاكل جاني اتصال من مندوب شحن وانصدمت لان مو طالب شي واستوعبت انهم مرسلين كود استلام ف قلت ليه ما اروح استلم(علبالي غرض للمشروع نسيت منه مع اني عارف مافي شي ) قلت لاختي الكبيره دامها بتطلع جيبيه معاك وطلعت وعطيتها الكود وكذا شوي يجيني بوكس كبر راسي حرفيا كبيررررر
وانصدمت ما اخفيكم وفتحتها وشفت اكواب وبن قهوه وكذا ف للحين ما عرفت من عطاني الهديه (طلعت هدية ميلادي من عهود
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وبنص الاكل لفت اختي الصغيره وتفلت علي وعلى الاكل!! وعصبت جداااا وارتفع ضغطي ومعد كملت اكلي وهزائتها
بعدين اتصلت على ابوي اشوف اذا في شغل اليوم وليتني ما دقيت خلاني اكرف كرف اربع ايام بس هذا يعني ان الايام الجاية ب ارتاح فكملت معه من الساعه ٥ ل ٩ وبعدها دقت علي عهود وقالت تعال اليوم البنات عندي واتفقت انا وياها على العزيمة ذي من اول ان نعزم كل البنات بعزيمة وحده عشان النجسه امل تفكنا من شرها
عندنا صديقة ثانية عندها بنت صغيره ف قمت العب مع بنتها واكلها بسكوت ب الدس من وراء امها😂 حرام بخاطر البنت ف شوي جت امل شالت البنت من يدي بقوه والتفت طالعت فيها قلت بسم الله شفيك قالت ابلعب معاها واخذتها ف سكت لان من يهتم؟
وبنص السوالف كانو يسولفون وانا ساكت لان ماحب اتكلم واجد خصوصا ان كلهم منافقين ف قامت امل قالت لا يكون خرب الجو وتضحك وانا ادري انها تقصدني انا وعهود بس قلت لا وين الجمعات الكبيره جوييي وطالعتها بنظرة حاده عشان تنطم
(صراحة كثير نغزات ودق ب الكلام كان بس مواقف غبيه نسحب عليها )
بعدها عهود حطت العشاء هي والام وانا وامل كانت ماسكه البنت الصغيره ف جيت قلت يوه يا عهود والله تكلفتي ما كان له داعي قامت عهود قالت ولو لعيونك حبيبي (طبعا هي مجاملة عاديه جداااا بس الغبية امل جلست تعطينا نظرات كانها لقت دليل 🖕🏻)
المهم بعد العشاء جلسنا نشرب شاهي ف قمت قلت مابي عشان السكر قامت امل قالت اف اما باقي مريض! قلت اي ادعيلي افتك قامت قالت الله يشفيك من كل امراضك وحسيت ودي اشوتها ب سلكت ب ابتسامه وكملنا نسولف ف قمت قلت اف ابتزوج احس حياة الزوجية راحة بدال السينقل مب جوي الا العيال وناظرت امل عشان تفهم واخ ما اقولكم كيف وجها كانها انصفقت وشكوكها كانت غلط وعهود تطالعني مصدومه بعدين مسكتها ضحكتها لان لا انا ولاهي ولا الجن راح يصدقون كلامي الا الغبيه امل وهذا المطلوب👍🏻
المهم امل وانا وعهود جلسنا بعد ما راحت الام وبنتها لانهم طلعو بدري وامل امها دقت عليها بس قالت شوي وبجي ف سويت ان ابوي جايني وان بعد شوي بطلع ف لما درت ان بطلع راحت لبيتها 😂😂
تضحك وهي مسويه قافطة الوضع وجلست بعد ما راحو ساعه انا وعهود بعدين رحت البيت ورجعت اكمل شغلي للساعه ٣ تقريبا وبعدها تمرنت سريع وسويت كركديه وجلست اكتب لكم وانا اشرب كركديه 🤍
كذا كان يومي انتو كيف كان يومكم؟ (احب اقرا يومكم )
