@Rahma_Reda ( جميع الحقوق محفوظة للكاتبة )
كانتا تسيران بجانب بعضهما على الشاطئ لتقول غدير فجأة ...
" غدير " بإبتسامه واسعه :- شوفتى ياسر بقا وسيم ازاى ؟!
" نرمين " بلامبالاه مصطنعه و قد ارتفعت حرارة جسدها :- عادى .. مجرد شاب جذاب و وسيم
" غدير " وقد وقفت امامها :- انتى شايفاه جذاب و وسيم ؟!!
" نرمين " انا قلت انه مجرد شاب جذاب و وسيم .. مقولتش انى شايفاه كده .. عموماً ، ده مش مهم
اكملا سيرهما فى صمت قطعته نرمين ...
" نرمين " بحماس :- ايه رايك ننزل البحر !
نظرت لها غدير بصدمه ممزوجة بحده و سخريه لتقول مبرره ..
" نرمين " لا انا قصدى نبل رجلينا بس
" غدير " وهى تشير الى بنطلونها :- للأسف مش هعرف ببنطلونى ده .. انزلى انتى لو عايزه
اعطتها نرمين حقيبة يدها و خلعت حذائها ذات الكعب العالى و ركضت بسرعه تجاه البحر .. ظلت تداعب الأمواج بسعاده برجليها و هى ترفع فستانها الذى كان يصل الى بعد ركبتها بقليل و تمسك بحذائها .. ظلت هكذا الى ان قالت غدير فجأة...
- نرمين انا رايحه الحمام..
اشارت لها نرمين بيدها و لم تلتفت لها .. ذهبت غدير بينما ظلت نرمين تداعب الامواج الى ان سمعت صوت رجولى من جانبها يقول ...
- جو تحفه مش كده ؟!
التفت له نرمين فجأة لتجد شاباً اشقر له عيون خضراء و شعر اصفر و بشره بيضاء .. كان يسير بجانبها فضلت تجاهله و ما ان شعر هو بذلك حتى قال ...
- آسف لو ازعجتك .. انا بس اعتقدت انى اعرفك ، فيكى شبه كبير اوى من نرمين الألفى علشان كده انا.....
" نرمين " وقد قاطعته باستغراب :- انا هى نرمين الألفى .. بس انا معرفكش !
- بابتسامة ساحره مد يده ليسلم عليها :- انا امجد .. المهندس أمجد النعمانى ، كنت مع آسر فى نفس الكليه
" نرمين " و قد شعرت ببعض الراحه كونه صديق شقيقها ، مدت يدها و سلمت عليه ، و لكن وقبل ان تنطق باي كلمه سمعت صوت ياسر من خلفها يقول بحده ..
" ياسر " بحده و استغراب و غضب :- نرمين !
ابعدت يدها عن أمجد لتنظر الى ياسر الذى كان يرمقها بنظرات ناريه لم تفهم هى سببها ..
اقترب منهما و وقف بجانبها مباشرة مما زاد من ارتفاع حرارة جسدها ..
" ياسر " و هو يرمق أمجد بنظرات تأمل و برود و حده :- الأكل وصل .. و بما ان غدير رجعت بشنطتك اللى قيها موبايلك ، قلت آجى ادور عليكى بنفسى
" نرمين " بهدوء :- اهااا .. سورى بجد .. انا فكرت انها هترجع تانى
" ياسر " و هو مازال ينظر ل أمجد كأنه يتحقق منه:- كانت هترجع بس وصول الطلبات منعها ..
أنت تقرأ
رواية " قُبُلات و أمَانِىّ_2021 " ✓
Mystery / Thriller#رواية_قُبُلات و أمَانِىّ_2021✨ الجزء الأول ✨ Wed🥀14/7/2021✨ يَمًنِعٌ مًنِعٌآ بًآتٌآ نِقُلَ آوٌ آقُتٌبًآسِ آﮯ جّزٍء مًنِ آلَروٌآيَهّ آوٌ نِشُرهّآ بًدٍوٌنِ عٌلَمًﮯ وٌ مًنِ يَفُعٌلَ ذِلَکْ سِوٌفُ يَعٌرض نِفُسِهّ لَلَمًسِألَةّ آلَقُآنِوٌنِيَةّ ✨♥ @Rah...
