Honeymoon ခရီးအတွက် ရှိုင်း အဘိုး အမွေပေးခဲ့သော ပြင်ဦးလွင်မေမြို့က အပန်းဖြေအိမ်ကိုသာ သွားခဲ့ကြသည်။ထိုအိမ်ကိုလည်းမရောက်ဖြစ်တာခြောက်နှစ်လောက် ရှိပြီေလ။
မြို့နဲ့နည်းနည်းတော့ဝေးသည်။လူနေအိမ်နည်းပြီး ဆိတ်ငြိမ်နေရာလေးခြံကျယ်ကျယ်နှင့်အလွန်အေးချမ်းသောနေရာ။အခုဆိုဆောင်းတွင်းမို့ပိုလို့တောင်သာယာအေးချမ်းသည်။ခြံဝန်းထဲမှာတော့ ဦးညိုမောင်ရယ် မောင်ကောင်းစံ ဒေါ်တုတ် မမြရင် တို့လေးယောက်သာရှိသည်။
"ကိုညိုမောင်...ကိုညိုမောင်"
"ဘာတုံး မတုတ်ရဲ့"
"အပျင်းကြီးပြီးအိပ်မနေစမ်းနဲ့တော်ရယ် အိမ်ရှေ့မှာကားဟွန်းတီးသံကြားလို့တော့"
"ဟေ ဟုတ်သလားဟ....အေပြောမှ ဆရာ့သားနဲ့ချွေးမ လာမယ်ပြောတယ် ငါမေ့နေတာ..."
"မြန်မြန်သွားဖွင့်ပေးလှည့် တကယ်ပါပဲ နှေးတိနှေးတုတ်နဲ့"
"ေအးပါဟ သိတယ်သိတယ် ဟိုကောင် ကောင်းစံနဲ့မြရင် ကိုသြားခေါ်ထားအုံး ဒီမှာသူတို့အကိုလေးရောက်ပြီလို့"
ဆေးပေါ့လိပ်ကိုခဲ၍ဦးညိုမောင်တစ်ယောက်ခြံရှေ့သိုသုတ်သုတ်ထွက်လာခဲ့လိုက်သည်။လာမယ်လို့သာပြောတယ် ဒီအချိန်ကြီး ရောက်လာမယ်လို့မထင်မိပေ။
"လူလေးတို့က?"
"ကျွန်တော် နက္ခတ်လေဦးညိုရဲ့မမှတ်မိတော့ဘူးလား"
"ဦးညို တောင်းပန်ပါတယ်လူလေးရယ်မှောင်ကလဲမှောင် မတွေ့ရတာလဲကြာပြီဆိုတော့ သိပ်မမှတ်မိဘူးကွဲ့ သေချာအောင်မေးတာ အသက်ကလဲရပြီကို ဦးညိုကြာနေတာစိတ်မရှိပါနဲ့ နားကမကောင်းတော့ဘူးကွ အဘိုးကြီးဖြစ်ပြီကို ဟားဟားဟား လူလေးတို့အေးနေရောပေါ့ ဝင်ခဲ့ကွယ်"
ခြံတံခါးဖွင့်ရင်း ဦးညိုမောင်ကရီရင်းဆိုသည်။သို့မှသာ ကားပေါ်ခပ်သွက်သွက်တက်ပြီး ခြံထဲဝင်ဖို့ပြင်ရသည်။ရှေးကတော့ကားပေါ်ရောက်သည်နှင့် လက်ကိုအနွေးဓာတ်ရအောင်အာငွေ့ပေးနေသည်။နှာဖျားတွေလဲရဲနေပြီးတော်တော်အေးနေသည့်ပုံပင်။
YOU ARE READING
"Starts With Hate!"(အမုန်းနှင့်စသည်)
Romanceစီးပွားရေးပြိုင်ဖက်လဲဖြစ် ငယ်သူငယ်ချင်းတွေလဲဖြစ်ပြီး မျက်နှာချင်းဆိုင်မိတိုင်းစကားများရန်ဖြစ်ကြတဲ့ သူတို့နှစ်ဦးရှိုင်းနက္ခတ်နဲ့ရှေးလင်္ကာ။တစ်နေ့မှာတော့မိဘတွေအတင်းသဘောတူလို့ လက်ထပ်လိုက်ကြရာ သူတို့နှစ်ယောက်ကြား ဘာတေွဆက်ဖြစ်လာမလဲ? ခုမှစရေးဖူးတာဆိုတေ...
