مستقبلي الجديد

1

لقطة من حياة مرام قبل:
مرام صبية عمرها 23سنة قرات على روحها وولات طبيبة تغذية عندها زوز اخوة ولاد امها توفات و بوها مدير شركة. اكثر حاجة تحبها مرام في حياتها عايلتها و احمد ليكون حب حياتها متنجمش تتصور نهار منغيرو مهما يصير و يتعاركوا ديما ترضيه و متحملش فيه دڨة شوكة ومن شخصيتها انو تتعلق بلعبد و حساسة علخر هو زادة يحبها يحبها لدرجة متتصورهاش في مخك احمد طفل متربي بوه متوفي يعيش مع امو يمينة مرأة محلاها علخر و تحب مرام بطريقة غريبة و حاسبتها كي بنتها.احمد قاري على روحو يخدم مع بو مرام في شركة.حياتهم محلها اياماتهم زادا حتى لين جاء نهار تفرعس فيه كل شيء.
_________________________________________
the present :
دخلت يمينة على مرام تلقاها قاعدت في القاعة تبكي بالشهقة شادت بين يديها مخدت احمد باين عليها تعب و عينيها منفخين حتى هي الطفلة مسكينة مرقدتش ليالي
_ علاش يا ربي هكا علاش شعملت في حياتي باش نتعذب و نتحرق ياربي راني باش نموت عاوني٬ ياربي نطلع نحلم و منيش نعيش فيه النهار هذا
قعدت يمينة بجنبها دمعتها محصورة بين عينيها عنقت مرام و قعدت تمسحلها على شعرها
_ يا بنيتي سامحني والله لا نجمت نعمل حاجة موش كان انتي تتعذب انا و احمد و عايلتك لكل تتعذب مكتوب يا بنيتي لازم يجي نهار و يطيحك ربي بولد حلال يهنيك و يصونك و انتي تبقى بنتي لين نموت و نأكدلك لولدي عمرو لغزر لغيرك و يحبك اما ماك تعرف لقدر و المكتوب اقوى من كلشي هدي اعصابك عيش بنيتي
_ منجمش يا أمي يمينة نحبو راني نحبووو و الله نقتل روحي و نعملها منجمش نتخيلو مع شكون خلافي
قعدت يمينة تهدي في مرام ذبلت الطفلة خلتها راقدت فوق فرش احمد و خرجت للكوجينة.
دخل احمد لدار شافتو امو قتلو باش يفطر فيسع و يخرج مرام في دار و هو مسكين دوبا مسمع اسمها حصر دمعة في عينيه طبس راسو ياكل و هوما هكاكة تدخل مرام تجي العين في العين هي و احمد حس بيها ليكانت تبكي اما الله غالب هو زادت تعب و تعب برشا اما يتذكر كيفاه جا يخطب فيها رفضو بوها و مزال مكبش و زيد بوها يعزو برشا لأحمد اما رفضو . عنقت مرام يمينة باستها على جبينها و تعدت من قدام احمد و منجمتش حتى تغزرلو و خرجت.
_ مزينها حتى و هي تبكي
_ بربي سكر فمك و كول الطفلة باش تموت يا ديني مسكينة والله كنت نتمناها كنتي اما الله غالب بوها طلع يهماش في بنتو
و هي تحكي تشوف كان في احمد دمعتو هابطة على خدو قربتلو عنقتو
_ نحبها
_ نعرف يا وليدي نعرف
اجواء العرس بدات منعرش على شكون نحكي على احمد لي بارد كينو موش عرسو ولا على يمينة لي تتظاهر بالفرحة و لا على مرام لي لا تاكل لا تشرب.
ليلة ليلة العرس لكل على اعصابهم في اخر لحظة مرام تقرر تحضر العرس و تعفس على قلبها مشات فيسع تحضر في روحها و دمعتها فوق خديها منعرش شنيا نوصف بضبط بدنها ليجاتو الروب يفطق ولا شعرها الطويل لكحل ولا المكياج اقل حاجة نجم نقولها مشاله و كهو . خذات نفس و دخلت للصالة طول شافت احمد مع عروستو نجمتش تشد دمعتها مسحتها و مشاتلهم
_ نشاله مبروك يا عرايس نتمنالكم الخير و الفرحة
احمد نجمش يقيم عينيه ملقاعة و المسمامة لي بحذاه تتبسم و تعرف حكايتهم
_ عيشك مرام لعقبة ليك
_ هاهاهاها مازال نحبش نعرس٬ آآآ نسيت حبيت نودعكم مسافرا لفرنسا ليلة حبيت نحضر العرس قبل
تصدم احمد بلع غصتو و غزرلها
_ شنيا ؟
_ لسمعتو
مشات مرام و احمد يتبع فيها بعينيه ليلة كاملة حتى لين بداو يشطحو و جان غناية مرام لتحبها غزرلها احمد طول يلقاها ماشيا للحلقة بدات مرام تشطح تشوف كان في الولاد لكل كبار و صغار باهتين في بدنها و زينها و احمد لي يغزل خاطر ديما يحبهاش تشطح في لحظة مشات تجري لبيت من بيوت l'hôtel تبكي تبكي حتى تحس بيد باردة على كتفها.
to be continued .....