قامت صباح خلاتو راقد دخلت عملت دوش نحات البيجاما و لبست هكا...مكياج خفيف عملت شعرها queue de cheval لفوق وهبطت
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
ڨدت طاولة الفطور وقعدت تشرب في قهوتها شادة التلفون حتى هبطت سهيلة _ صباح الخييير _ صباح النور أمي سهيلة رقدت مليح؟ _ اي والله نومة هايلة _ هيا ايجا افطر قعدت سهيلة صبتلها مرام قهوتها و خذات تعمل في tartine هبطت السكينة و بدات تحكي _ مرام بنتي حسبني أمك و أحكيلي شنيا فما شقاعد يصير بينك انتي و أمين نعرش أما احساس الام عمرو مكان غالط فما حاجة قاعدت تصير غالطة تكلم عيش بنتي أمين باهي معاك قلقك في حاجة والله لا نسكتلو كانو غالط معاك ملي جيت و انا نشوف فيك تبركالله عليك متربية ومحلاك نحبكش تضيع من بين ايدين ولدي مرام مترددة زعما تحكيلها علي صاير وترتاح ولا _ لا تهنى أمي سهيلة ولدك أمين أحسن راجل قابلتو في حياتي لتوا من تربية و أخلاق حنين و يحس معزتو وحدها في قلبي(هبطت راسها و عينيها غرغرو)عمرو لضرني بكلمة حتى خفيفة حتى وكان عادي ربي يفضلهولك نشالله مريت منو كان الخير و نتصورو...حلم كل طفلة يكون راجلها _ اي انتي تحبو؟ وجها حمار وتصدمت من السؤال دخلت بعضها و معرفتش شنيا تقول في اللحظة هذيكا يجي أمين خزر لمرام لرتاحت جات العين في العين الحقيقة هو كان يسمع فيهم بالكلمة ووقت سمع سؤال أمو دخل و عاونها باش تكذبش هذا حسب ظنو اما كلامها قعد يدور في راسو بالحرف...باس أمو من راسها _ صباح الخير يا غالية خزر لمرام _ صباح الخير ياروحي وقدم باسها من خدها بوسة خفيفة سهيلة قامت حاجبها متع اسمع يا سيدك وهي وجها طماطمة حمرة عينيها محلونين تستوعب فلي يعمل فيه اما مبعد تذكرت لهوما قدام أمة بالطبيعة باش يمثل سهيلة تبسمت وخزرت لولدها عينيها فيهم برشا كلام حد ميعرفو...قعد على الطاولة عامل مولا دار موش هوني وجهو عاادي _ مقتليش وين مشيت مبارح _ خرجت مع الولاد...ياخي أماني ويني(بدل الموضوع) _ تكلم في المغبون خطيبها مهدي...اي على ذكرو العرس شهر الجاي راو شمزال 3 جمعات وقتاه هابط لتونس _ نعرش امي مربوط بالخدمة انا و emploi _مرام ابقا حتى للعرس في تونس وابقى معانا تعمل برشا جو انتي واماني _ اي déjà هذاكا هو programmi خزرلها مستغرب محبش يحشمها ويقلها شبيني مافيباليش قدام امو سكت وقعد يفطر _ امين ولد خالتك هوني رجع يسكن ياخي متقابلتوش _ اي شفتو مرة علاه _ واللاهي حبيت نتلمو قبل منرجع لتونس خزر لمرام لداخلة بعضها تعض في شفتها لوطانية لفازة لتعملها كي تدخل بعضها _ هوني في الدار؟ _ كيما تحب انتي _ هوني لا _ علاه ياوليدي ولد خالتك راو...شفما؟ _ كهو امي يمكن زاد منجيش انا و مرام نتلهاو في الخدمة _ هذا لكل متحبش تشوفو اي خلي مرام تجي _ أمي العبد هذاكا ميعفسليش دار ومنحبش نشوف خليقتو لا انا لا مرتي _ وه هدي روحك شبيك _ شيء أمي سامحني مرام حطت يدها على يدو وتكلمت بحنية _ ميسالش مالو الا ولد خالتك تو نشوفو نهار نكونو فيه متفاضين "لمتعرفوهش انو أحمد ليلة عرسو حكا مع مرام و مخالالها لا بقالها في ابعد مرخسك في كرهتك منحبكش في لاخير فيك لافي بوك اصلا انتي شكون باش نحطم علا خاترك حياتي...الخ... وهذي هي الصدمة لخلاتهم يكرهوه بزوز في الوقت هذاكا أمين يسمع فيهم مع أمينة واقتنع انو يعاونها و حاول قداه من مرة انو يتبع مرام وين تمشي و وين تجي وحست بيه وصارت مشكلة بينو و بين أمين على الحكاية هذي" ملقا ميقول كان يسكت...هبطت اماني كملوا فطروا ولمو الطاولة طلع أمين لبيتو بقت مرام شوية وخلطت عليه حلت الباب لقاتو يسكر في قفالي الشوميز متاعو منغير حتى متعبرو ولا تخزرلو حلت خزانتها خرجت شباش تلبس قعد يخزرلها كيفاه حاڨرتو وقرر يكسر حاجز الصمت _ ياخي normal العبد هذاكا باش يجي لدار؟ _ عادي _ كيفاه عادي...كيفاه _ مالو الا ولد خالتك(حطت الحوايج على الفرش و دارتلو بوجه بارد بحتى تعبير وكتفت ايديها )وزيد أمك استغربت خلي هالشهيرين يتعداو على خير _اي وشننيا حكاية باش تبقى في تونس للعرس؟ كتفت ايديها وقعدت تخزرلو _ عندك مشكل سامحني؟هذاكا قراري و عملتو زايد تناقشني فيه عيش خويا هزت حوايجها ودخلت تبدل وهو باهت فيها مقال حتى كلمة قعد على كرسي يشوف في خدمتو ويتفقد فيها باش يقصد ربي للشركة حتى لين خرجت قامها و حطها بعينيه
