مستقبلي الجديد

11

تحرك في القهوة حطت شعرها وراء وذنها
_ كيفاه رقدت بجنبك انا ياخي؟
_ انا هزيتك(يحكي مهزش عينيه)
_ انننن...آخر حاجة ستوعبتها كي قتلي هاني معاك يا روحي🙂
شرق..قعد يكح....عطاتو ماء
_ سمله عليك سمله🙂
_قلتها وانا داخل بعضي عادي كي اختي راك حتى اماني نقلها فيها
دوحت براسها...كملوا فطروا قامو ركبوا في الكرهبة
_ تنجم تعطيني كرهبتك ليوم
_ كان تحب اهوكا كرهبة الشركة على ذمتك في كل وقت
_ باهي
حك شعرو
_ علاه شفما
_ باش نتعدى على سهيلة باش نعملها محامي
_ هي باهي...مرام
_ نعم(تخزر لتلفونها)
_ عيشك
_على شنيا
_ خاترك عاملة مجهودك مع سهيلة
سكرت التلفون دارتلو
_ اسمعني...انا مرأة و نحس بيها اكثر منك لعشاتو صعيب وقلبي حن عليها...زادت ركبتلي في مخي باش نعاودش نحب جملا فيبلك شنيا قررت🙂
_ شنيا🙂
_ بعد منطلقو معادش معرسة🙂🫶
حك شعرو ملامح وجهو تبدلت موش عامل حساب لنهار هذاكا بدى يستانس بيها حتى و كانو حاسبها كي أختو...مشاو للخدمة ڨدت خدمتها مبعد خرجت لسهيلة حياتهم كلعادة خدمة دار دار خدمة هوكا كان خرج أمين مع صحابو ولا معاها في الدار...تعداو نهارين ليوم نهار جلسة سهيلة طلقت و هم تنحى من فوق قلبها فرحوا لكل وهوما مروحين
_ أمين...شقولك نستدعاو أحمد صغرون و آدم لدار غدوة؟
_ اي باهي en plus دخلوا بعضهم الpériode هذي
_باهي خنكلمهم
من غدوة مشى أمين جابهم دخل بيهم للدار شادهم واحد منا وواحد منا
_ تاتاااااا مراااام
_ روحي....ايجاو عندي
عنقتهم وباستهم الزوز
_توحثتك تاتا
_ انا زادة يا بابا
_ اmaître قال لباش نبقاو معاكم ليوم
_ اي حبيبي باش نعملوا جو زادة هيا حضرتلكم برشا حاجات تكلوهم
جراو للطاولة كلوا عملوا جو مبعد حطو فيلم تفرجو فيه خرجوا للجنينة....وكيما لعب الصغار تكاو أحمد و آدم على الحشيش يخزرو للسماء قعد بحذاهم أمين تكا هو زادة و مرام قعدت واقفة
_ تاتا ايجا تكا بحذا maître ☺️
تبسمت حطت راسها بحذاه تتفرج على النجوم
_ نجما هذيكا ليا و هذيكا لخويا و هذيكا لتاتا و. maître أمين باش تبقاو ديما مع بعضكم
تبسمت مرام وأمين زادة تبسيمتهم تنحات بعد مجات عينيها في عينيه و تحولت لغزرة موش مفهومة عينيهم ذابلين مخلطة بين حزن وفرحة و فخر و اعجاب ويمكن...حب...
رقدوا الصغار في بيت ضيوف و هبطت مرام للصالة تلقاه قاعد قدام porte fenêtre سارح...قعدت قدامو
_فاش تخمم
_ نعرش نخمم في حياتي كيفاه تبدلت
_ كيفاه
_ كنت عبد ديما صهريات وخرجات وحياتي عادية خدمة دار كهو اما توا تبدلت ملي دخلت فيها انتي....خزرلها بعينيه العسلية...قشعر بدنها
_ أمين
_ نعم
هبطت راسها وفي لحظة تتطرشق بالبكاء قام من بلاصتو قعد بحذاها حط يديه على كتافها
_ شبيك
_ معادش نجم...نتح..مل عيشتي...تعبت راني
تحكي بغصتها
_ هاني معاك
_ انا لا نعرف شكوني أمي وحتى صيلة تربطنا بيها حتى خوالي نعرفهمش....لفرحت مع حب حياتي الي عرس قدامي....حتى حنان بابا عمري لنعرفو...كان موش خواتي لي منسييني ويكلموا فيا...هو ملي عرست مكلمنيش...وصلت كر..هتو خاتر عمرو مفرحني كبرت على الطفلة الخايفة لتاكل في ضرب من بوها و لي تمردت في كبرها سهريات وخرجات ماني عابية بحد خاتر هذاكا الحل الوحيد باش ننسى...تعبت والله....وين ندور نلقاها مسكرة
شدها بين يديه يبعدلها في شعرها و يمسحلها في دموعها
_ ديما أعرف لفما ربي فماش عبد متعداش بظروف خايبة هاني انا(ضحك بسخرية) ديما حامل وساكت فما حاجات صارولي فضلت اني نحكيهمش لحد وداويت جروحي وحدي...نحبك قوية متربط حياتك و مستقبلك بحد...حتى عبد مينجم يتحكملك ولا يقلبلك حياتك خلي ثيقتك في روحك قوية
قربتلو دورت يديها على رقبتو وعنقتو تنهد قعد كابس عليها مغمضين عينيهم يواسي فيها