Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
_ شنيا لي لابساتو؟ _ شنيا؟ _ معناها ناوية تهبط هكا؟ _ علاه ريتني عريانة؟ _ شخليت على العرى...ياخي لايزي ناقمة عليه وزيد لابسة هكا تي قول نحب نغيضو وكهو _ كيفاه؟...لحظة لحظة أمين ياخي بجدك تحكي؟تعرفني فازات التمفريخ هذوما منعملهمش _ لا ظاهر _ زايد نحكي معاك والله _ باهي اسمعني تعمل في برفان لرهوجاتو تأففت و دارتلو _ شفما قرب منها شوية متردد _ نحبك قوية...كان قلقك مانيش ساكتلو معناها متحط شيء في بالك وقتها قناع القوة طاح من مرام دخلت بعضها خزرتلو في عينيه عينيها زغللت بالدموع حطت يديها في نصها تحل في عينيها باش متفسدش المكياج _ باش تبكي ياخي؟ _ لا...مانيش باش نبكي على طحان كيفو _ على شنيا ؟😒 ڨحرو لبعضهم ڨحرة موت وهبطت وجها عاملة روحها تنظم في مكياجها حط يدو على كتفها _ انا معاك تبسمتلو وقتها سمعو sonnerie متع الباب ركحت شعرها تكلم امين _ هاو جاو _ هيا نهبطو قبل ميكملو الدروج وقف أمين حل يدو بمعنى شدني غزرو في عينين بعضهم شبكت يدها في يدو وغمضت عينيها و حلتهم دوب مهبطو جات عينيها عليه مرام تحكي: في لحظة قلبي غم عليا ودموعي شوية ويغلبوني كان محسيتش بيدو لي كبست عليا كانو باش يهبطو كنت نحكي في داخلي "كون قوية متخليهش للحظة انك مزلت تخمم فيه كون قوية مرام" تصنعت تبسيمة عريضة ووقفنا قدامهم أمين ڨحرتو لأحمد متبدلتش تبسيمة لا حتى تكلمت _ عسلامة مرحبا بيكم نحيت يدي من يدو سلمت عليها زايد لفعة من عينيها غزرتلها بتحدي وفي نفس الوقت بقوة دورت وجهي مديتلو يدي _ عسلامة قعد يدور في عينيه هلى وجهي وبدني زايد مرتو معاه و ميحشمش حط يدو في يدي ملي كنت نرتاح كي نشدو لتوى لتقززت منو أمين يحكي: نعرش علاه اما دوب محط يدو على يدها كبست على يدي حتى عروقي بانو....محملتش...نعرش علاه تما محملتش في انو عبد كيفو يمسها كان نلقا نشد نخنقو قعدت عينيا على يديهم...متطوتش برشا نحت يديها ورجعت يدها في يدي كينها تقلي اقف قدامي وعاوني كايني حاجة تلجألها وقت تكون ضعيفة خزرتلها على طول تبسمتلي رغم لي نعرف في وجها برشا وجيعة سلمت عليهم ودخلنا للصالة قعدنا شوية قامت مرام من جنبي _ شنيا تشربو تكلم هو _ انا قهوة _ وانا jus تكلمت مرام _ امي سهيلة شتشرب _ تاي عيش بنتي خزرتلي منغير متتكلم _ انا زادة تبسمت وعملت براسها باهي _ اماني تجي معايا؟ قامت معاها اختي كي مشات غزرت على نيتي نلقاه مبحلق فيها عينيه يخزر لبدنها كلي باش يقوم ياكلو العصب طلع لراسي قلتلها متهبطش هكا اما زايد ڨحرتلو ڨحرة متع موت كحيت باش فاق على روحو وتلها بينا تبسمت سهيلة على جنب _اي خالتي شعاملة مالا _ هاني ياوليدي حال تعب حمدلله جيت لولدي فماش منرتاح اما زايد تعرف اماني عرسها قرب وخلاتش بلاصة ممشتلهاش هي ومرام _ توحشناك ياسهيلة عندي برشا على قعدتنا وكاس التاي بالبندق قدام البيسين وكسكسي بالعلوش _ هاني مروحة جمعة جاية وقت تهبط لتونس نطيب لولدي لتحب...مقتليش امك لاباس ملي جيت لهوني مفضينش نكلمها _ لاباس حمدلله ظهرها مزال يوجع شوية اما بعثتها لطبيب هوكا يعالج فيها _ اي والله عمل فيها جمعة لقاتت ستغرب امين _ شنيا؟ كلمتها ومقتليش لكلام هذا هيا cv توى؟ جاوبو احمد وهوما موش حاملين بعضهم _ اي لاباس ابرك قصت على حديثهم مرام كي جات شد أحمد القهوة باش يشرب تكلمت سهيلة _ تحب سكر ولدي؟ منغير متشعر تكلمت مرام _ لا يحبها هكا تصدموا امين كرز منها الفازة وعروق يديه بانت غزرتلو في عينيه مرام تحكي: دخلت بعضي غزرت لعينيه حسيت بغزرتو لترعب حسيت بعدها بدني لكلو يرعش شبكت يديا وحاولت نمنع روحي من الموقف لوحلت فيه دورت وجهي لأحمد تبسمت تبسيمة صغير و عينيه لمليانة غبث _ اماني قتلي تحبها هكا شويا جبتها منغير سكر وقتها باش هديت وعداوها لفازة اما نظراتهم بزوز هوما بركا يعرفو لاماني ممدخلهاش حسيت روحي باش نضعف من شيرة هو و من شيرة أمين تبسمت لامين نطمن فيه حتى قصت علينا أمي سهيلة _ بنتي اسماء مزلت منعرفكش مليح فاش تخدم _ ولاهي infirmière هوني في فرنسا غزرتلها ونحكي بثقة _ اا برسمي؟ انا زادة قارية médicine _ اي اما شنية بالظبط؟ _ Nutritionniste _ اي باهية برشا وتخدم توى؟ _ لا مزلت بحكم العرس والكل واستقريت في فرنسا مزلت مقدمتش demande خدمت شويا في clinique حلو بابا اما مطولتش خاتر نمشي ونجي نبقاش ديما في تونس غزرتلي غزرة غريبة وعقدت حواجبها _ بوك عندو clinique في تونس؟ _ oui clinique العياشي _ تابع عايلتك هذاكا؟ (تحكي وحالت عينيها) _هاهاها...اي تابعنا قص على كلامنا أحمد _ ولد خالتي ماشية الخدمة؟ ڨحرلو وتبسملو _ اي حمدلله Saison طيارة لمرة هذي هزلي يدي وانا باهتة باسها بدني رعش بالوقت _ مرام عاونتنا برشا في الخدمة وين تحطها تريڨلك امورك تخليك تعمل عليها كان موش هي مانوصلش للارباح هذي لكل ذكاها خلاني نقبض ثلاثة مرات قد ارباحي saison لفاتت يتكلم ويغزرلي في عينيا اول مرة نسمعو منو الكلام هذا رغم نعرف لارباحو زادة كلامو فرح _امين علاه مترجعش شركة بوك الله يرحمو لفي تونس شركة كبيرة ومعروفة باسمكم لتوى شركة كيما هذيكا متتفلتش مفهمتش علاه بعتها شفتو كيفاه ڨحرلو وجهو تقلب و كبس على يدو عرفتو كرز من كلامو اما شنية حكاية الشركة هذي حتى تكلمت امي سهيلة _ المرحوم كان يحبها وتاعب عليها كان موش هذاكا لميسواش ورطنا راي توى مزالت متاعنا احسن حاجة باعها ورتحنا من همها...تنهدت و كملت كلامها...يااا حسرة وقتها تعرفت عليه فيها كنت سكريتيرتو وحبينا بعضنا وعرسنا امين كلمة لا مهبط راسو وانا تبسمت على جنب وغزرتلو _ ديما secrétaire قريبة لعرفها مفهمتهاش والله 😗 طلع راسو يغزرلي وتبسم تبسيمة دوختني وهو يڨحر وضحك ضحكة قعدو لكل باهتين فينا واحنا نتنومسو عرفني قصدت على أميمة _ بنتي مرام ياخي اماني ويني _ عندها تلفون امي _ ملي تخطبت والتلفون في وذنها منبطلش منو تبسمت وجات في مخي ذكرياتي معاه قد ماني كارهتو قد ميعزو عليا النهارات هذوكم خاتر كنت فيهم فرحانة من قلبي وتكلم احمد _ ياخي وقتاه العرس _ شهر جاي 8 ماي _ هاو قرب فيسع _ عرس امين جا على غفلة ومسدنيش الوقت نعملو برشا حاجات حبيت نعملها عرس اكبر يليق بتقاليدنا و بسمعتنا في البلاد _ مالا وقتاه باش تهبطو لتونس امين _ مرام راجعة مع أمي وأنا كزلت منعرفش غزرلي حتى غزرتو رجعت نعيفها دورت وجهي على طول لامين ليڨحرلو قمت دخلت للكوجينة لقيت أماني تتمعشق عملتلها بيدي فازة متاع هيا كملنا حاطينا طاولة وعيطنالهم قعدو لكل وقعد بحذايا امين وهو قدامي كل مرة يغزرلي وانا نعمل روحي ماريتوش اما تقابلو ڨحرة أمين كملنا كلينا وخرجنا قعدنا في الجردة قدام البيسين احمد:شقولكم نخرجو نصهرو غدوة امين: والله منعرف احمد: بركا عنا برشا متفرهدناش غزرلي امين عمتلو باهي براسي _ اي و امي نجمش نخليها وحدها _ لا وليدي ياخي صغيرة انا برا برا تفرهد وانتي مخنوق مالخدمة _ باهي أمي غزرتلي اسماء و تحكي بتسوميم _ مرام فيبالك تبدلت برشا على ليلة عرسنا وقت شفتك تبسمتلها ببرود _ منك نسمع...شنيا لتبدل فيا؟ _ نعرش كلي ضعفت شويا non؟ _ هاهاها لا عزيزتي هذاكا خاتر نترانا في صالة ومحافظة على ماكلتي بدلت شويا فال forme متاعي كي جيت لهوني خاتر في تونس ملهيتش بروحي كنت دغفة😗 سكتت ملقات متجاوب _ مشالله على بنيتي علاه تترانا زين زينة الروح و العقل وانتي زدتهم الرزانة و البدن و المنظر....علاه تبدل و انتي الف وحدة تتمنى تكون كيفك تبسمتلها _ عيشك امي سهيلة ودرت غزرتلو في عينيه كلي نحكي ونقلو شوف الجوهرة لتطيشتها لعباد كيفاه تتمناها...أمين مركز معانا تبسمتلو وكملنا السهرية حتى روحو لميت شويا الكوجينة و حطيت الماعون يتغسل و طلعت للبيت حليت الباب عينيا جات عليه و هو لابس شورط كهو حاط يدو تحت راسو شعرو مزال مبلول قلبي دق وحسيت برعشة وانا نثبت في وجهو و عينيه لمسكرين و بالاخص بدنو المرسوم حتى فيقني من سرحتي _ نعرف لانا محلاني اما باش تبقى برشا تتأمل فيا مالباب و ماو ايجا اقرب يحكي و عينيه مغمضين
