_ مافهمتكش يتكلم ويزيد يقرب منها _ مازلنا معرسين شنيا باش يقولو العباد كي يسمعو لمرام العياشي مخلية راجلها مع مرى في بيت وخارجة دخلت بعضها ووجها حمار مالقات متقول يخزرلها في عينيها ماحملتش هبطت راسها هزهولها بيدو _ شبسك سكت _ نحب نروح _ مافماش مرواح _ البلاصة هذيا ماتعنيلي شي نحب نرجع لدار أمي يمينة _ هذي دارك وأنا راجلك _ نكرهك _ عينيك مايقولوش هكا بلعت ريقها وبعدت عليه _ باش نبقى خاتر مخر وزيد(خزرتلو)وزيد الطفلة هوني كهو حط يديه في جيابو وغمض عينيه يعني يقول اي _ يزي فيه البركة...نسيت بيتك ولا نوريهالك ڨحرتلو ومشات دخلت لبيتها دورت عينيها فالبلاصة حتى شي ماتبدل فالبيت كان الفرش باين كان فما شكون راقد فيه قعدت فوق الفرش هزت المخدة تشم فيها...ريحتو...ريحة البرفان متاعو عليها ماتنجمش تكون غالطة أما كلماتو وهو يقول مانجم نحب حد فعوضها خلاتها تكذب _ أكيد خوه جاء ولا حاجة تكات لين هزها النوم عكسو هو لعينيه ماغمضتش أما يحس في روحو مرتاح مانعرفش كيفاه نوصفو الشعور أما نحس في روحي مرتاح على غير العادة بالي مرتاح مرام في بيتها مافماش علاه نخمم فيها أما نلقى روحي كل مرة نخمم فيها نحبها تصيح عليا تلومني علاه عملت هكا في كل مرة نشوفها أما هي ساكتة وسكوتها هو الي مخوفني ليلة كاملة وانا نخمم حتى هدت عليا الباب مفجوعة تخزر في البيت كلي تلوج على حاجة دخلت لدوش زادت تفركس خلطت عليها _ شبيك شفما _ لا شي _ مضيعة حاجة هوني؟ باين عليها داخلت بعضها حطت يدها على راسها _ لميس موش في بيتها _ اي وتلوج عليها هوني _ ايجا فركس على الطفلة موش ناقصة هم اما جات خارجت شديتها من يدها ،دزيتها على الحيط وقربتلها _ فيبالك كانت هوني؟ نحكي معاك _ وين نعرف أنا نتوقع منك كل شي...معادش ناثق فيك كلمتها جاتني كي السكين تغرست في قلبي _ مرام مانحبش نخسرك _ انتي déjà خسرتني عندك برشا كيما كل مرة هزت روحها ومشات،مشاو يفركسو عليها في كل بلاصة دخلو للكوجينة يلقاوها بمريول كهو شافت مرام هبطت _ مرام انتي هوني؟ _ وين تحبني نكون كان موش في داري تبسم أمين تحت حس مس _ اااان هذي داركم _ اي عزيزتي علاه ماقتليش راني حضرتلك الفطور ماعندناش ضياف يتعبو نحنا _ لا جعت ماحبيتش نقيمكم _ ياخي كليماتيزور بيتك فسد؟ _ لا جوو باهي علاه؟ _ خاتر نتذكر لبست سروال مبارح وجع لميس حمار _ مانتذكرش _ يمكن غالطة انا أمين متكي على الباب وشايخ يتفرح عليهم _ اقعدو هاو باش نحط الفطور قعدو يفطرو ومرام تجبد عليها بالدم البارد كملو هزهم أمين ليونس دوب مادخلو وقف يونس متغشش _ وين كنت ياهم ليلة كاملة نفركسو عليك _ ماتخافش يونس كانت معايا انا ومرام في دارنا _ وين لقيتوها مكيشة المرة هذي _ لا أحنا استدعيناها عدنا _ اي باهي _ سي يونس حبيت نقلك حاجة _ شفما مرام _ قررت أنا وامين باش نطلقو في أسرع وقت خزرلها أمين مصدوم _ قررنا؟ من وقتاه؟هذا قرارك وحدك _ شنيا لتحكي فيه مرام توى أكثر وقت يلزمكم تبانو فيه مع بعضكم _ ماتخافش نطلقو أما نبقا نمثل كايني مرتو لين يوفى كلشي _ قراركم وانتو تصرفو يونس بان على وجهو متأسف ماحبش الحكاية توصل لهوني أما هذيكا حياتهم لازم يتعايشو معاها اما بنتو باين على وجها فرحانة. _ مرام شنيا حكاية الطلاق هذي شنيا باش نقول لعايلتي _ قول لتحب تحبش تقول خانتني قول المهم مانبقاش معاك حكيت مع المحامي وكلش مريڨل _ مانيش باش نطلق وأعمل لتحب _ تو نشوفو مشا وخلاها واقف جاتها لميس _ علاه باش تطلقو _ حاجة بيناتنا معندك مامدخلك _ شبيك تحكي هكا الساعة فيبالي محلاك _ بربي ابعدني _ كيفاه باش تضيع كعيبة كي أمين وتخليه دارتلها وكتفت يديها _ عندك حاجة تحب تقولها عندك برشا؟ _ عندي اي _ كيما؟ _ انا نحبو لأمين وحتى كان موش مطلق أنا نعرف كيفاه نخطفو شدها الضحك لمرام وخزرتها _ يا عزيزتي علاه العصب هذا لكل اهوكا قدامك كان حبك صحة لأختي طلعت في كرهبتها تغزل _ حبة في فمك انشالله قتلي نحبو كان نشدك مانقتلك وروحت لدار يمينة . _مدام مرام الكلينيك لكان متاع بوك سي أمين كتبو بأسمك _ كيفاه؟ _ ملي شراه كتبو باسمك انتي مالكة الكلينيك...عندك طلبات أخرى _ لا مانحب شي نحب نطلق في اسرع وقت كهو _ سي أمين رفض الطلاق الجلسة الجمعة جاية خرجت مالمحامي ومشات لدارو سلمت على عيشوشة _ أمين وينو _ أمين في بيروه يخدم _ تحب نعيطهولك؟ _ لا ماتعبش روحك مشات دقت الباب _ ادخل جبدت نفس ودخلت _ عيشوشة قتلك مانحبش ناكل مزلت شادة الصحيح قعدت ساكتة ماتكلمتش هز عينيه يشوف شبيها _ مرام؟ وقف من بلاصتو وقف قدامها _ شفما _ عاودت جبتلك ورقة الطلاق فماش ماتسهل علينا _ مانيش مطلق ماتحبش تفهم _ علاه فهمني علاه؟؟ _ خاتر..خاتر _ خاتر شنيا _ شي رجع قعد في بلاصتو _ سمعت لبعثتلي لميس _ مابعثتهاش هي قالت...قالت تحبك وانا قلتلها جرب معاه _ يعني برسمي رجعت تكرهني...خليتني لوحدة أخرى _ انتي خليتني نكرهك _ باهي نتقابلو في المحكمة _ باش تجي؟ _ اي ماتخافش مانلزكش باش تبقى معايا في قلبها تحيو يقلها لا مانحبش نحب نبقى معاك وقفت شويا تتخيل كان يجي يعنقها ويبوسها يترجاها ماتخليهش يقلها انا زادة نحبك كيما هي تحبو...اي تحبو رغم كلشي تحبو رغم وجيعتها منو انا تحبو. خزرتلو اخر مرة وخرجت من عندو نحى كلشي من يدو حط راسو بين يديه وتنهد _ أمين قلبك مسكر افهم مافماش مرة أخرى دمعتها هبطت عارضتها عيشوشة _ بنتي مرام مسحت دموعها فيسع _ شبيك تبكي هي سألتها ومرام تطربقت بالبكى عنقتها وبدات تمسحلها على شعرها _ عيشك ماتقولش لأمين _ مرام ماتعملش هكا...حتى كان أمين غلط...يستحقك في حياتو عندي برشا ماريتوش يضحك كان كي انتي معاه رجعت أمين متع قبل _ مانجمش نسامحو حتى وكان نموت بحبي ليه مانجمش امين وجعني خلاني نبان رخيصة وانا روحي غايضتني موش ديما الواحد يسامح فما حاجات أقوى مالحب كانت هذي آخر كلمات سمعها أمين من مرام قبل الجلسة الفترة هذيكا لكل ماتكلموش كان تلاقاو عند يونس يبقى كل واحد في شيرة النهار لباش يوحل فيه داوود قريب وكلشي حاضر. قامت مالنوم الجلسة مع 9 لبست هكا
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
ومشات للمحكمة حزينة بقات تستنى ساعة ثنين أمين ريحتو مافماش تاليفونو مسكر يونس زادت ماعندو حتى فكرة كلمت عيشوشة تسأل فيها _ أمين وينو عيشوشة في الدار _ أمين خرج عندو برشا جايك للمحكمة شفما مرام؟ _ لا شي يمكن كرهبتو طاحت panne وقتها مرام برسمي خافت حست أمين بيه حاجة مش عادتو يختفي هكا حد مايعرف عليه وينو خوها:ماتخافش مرام ماعندو وين يمشي _ أمين بيه حاجة انا نعرف قلبي يوجع بيه حاجة خرجت مالمحكمة تجري مرعوبة مشات للبلايص لكل لتعرف أمين يمشيلهم هي وكريم ،يونس،لميس والي تابعينهم رجعو لكميرات الشارع ليمشي منو ولي قدام الظار فما كرهبة كحلة تبع فيه ملي خرج مبعد زادو ولاو 3 حاوطو أمين وجوه غريبة هزوه ومشاو مرام تبكي _ ياربي مايصيرلو شي والله نهبل كريم :ماتخافش مرام عيني ماتغمضش ليوم كان مانلقى عشيري لوجو في كل بلاصة شي ريحتو مافماش أما شكون كان يتصور لأمين قاعد يتعذب في cave دار داوود؟
