مستقبلي الجديد

7

_أحمد شبيك سارح عندك نهارات موش قد بعضك راو
_ شبيني أسماء بربي شي تاعب ملخدمة كهو
_مزلت تحبها؟
_شكوني؟؟
_أحمد بربي شكون حسب رايك
_ لا حتى طرف
قرب منها حط يدو على خدها
_عندي انتي و مزلت نخمم في شكون أخر
_نحبك حبيبي
_نموت عليك
دنكست راسها في حضنو و تبسمت بشر و هو غمض عينيه حد ميعرف شنوة لمحضرو
*****
طلعت بدلت حوايجها لبست خلعة بيضة و شورط اكحل عملت شعرها كعكة و هبطت تحضر العشاء دخلت للكوجينة شافت شفما و شمافماش قررت انو تحضر لازانيا ...لبست طبلية الكوجينة حطت غنا قوي و بدات تصنف.
هو في بيتو ممدود فوق الفرش على اساس باش يرقد لين فجعو صوت الغناء هبط يجري دخل عليها قعد باهت فيها بعفويتها و هي تشطح و تقص في الطماطم على غناية شرين على تفاصيل بدنها على افخاضها و بدنها ليسحر قعد واقف سارح نسا على شنوى جايها ...في لحظة تدور تلقاه واقف تتڨام و تتحط فجعها
_ لسملاه لعظييم
حطت يدها على قلبها و حطت يدها علكرسي
_ شبيك شفت شيطان؟؟
_ لا أما تمشي علثلج؟
_حاطة لغناء هكا بطبيعة باش نظهرلك نمشي عثلج
دور وجهو بمعنى حاشم شافتلو باهتة
_ شبي عزاك
_ مبيا شي اما موش كان قعدت عريانة خير؟؟ شبيك لابسة هكا
_ عيشو هو يحشم....كان فيا جاتك لحشمة و السكريتار متاعك لي كليوم لابسة شبر عادي؟ خلي هاكا رووووب ملفوق و ملوطة تباركلله
تبسم على جنب
_ شبيك ناقمت عليها الطفلة معملتلك شي
_ أسمعني انتي حطيتني نخدم ندها بالخدامة و نعاونك في حكايات ولا؟؟
_اي و مبعد؟
_ معناها تو تشوف نساء شتعمل غدوة
_ ربي يقدر الخير و كهو
دارت تكمل تقص و هو جا ماشي...عاودت دارت
_ شبيك عريان انتي؟
سمعها خزر لوحو يلقا روحو هابط بشورط كهو ضرب راسو بيدو ...دارلها
_ هاهاهاها والله توى نشد (هز فيدو ڤاز باش يحدفها بيها) موش كيف انا راجل
_اااااع....باهي باهي سامحنا (تحكي و باش تموت بضحك)ربيع ساعة اهبط باش نتعشاو
حط لڤاز ڨحرلها و دار ماشي شاد ضحكتو بسيف
......
قاعدين يتعشاو حطتلو ياكل في صحنو
_ شنيا خطرلك تعمل لازانيا
_ نعرش نحبها شويا عملتها
_فيبالك لنموت عليها لماكلة هاذي
_ هيا حمدلله فما حاجة مشتركة بيناتنا
ضحك و كمل ياكل و هي حطت يدها على خدها تتفرج فيه و هو ياكل...سارحت في تفاصيلو...عينيها ذبالت و هي تخزرلو...طلع راسو يلقاها هكاكا قعد يخزرلها و هي دخلت بعضها
_ماكش باش تاكل؟
_ااه؟...ااي..اي هاو باش ناكل
_باهي
تبسم و كمل ياكل...بعد مكملوا عاونها في لمان الطاولة حطو تنويشات قدام التلفزة و جابوا شويا خدمة باش يكملوها....مرة ضحك...مرة تضربو...مرة يضربها...يرسم في مودالات جدد و تعطيه رايها...تعبت مرام و في لحظة نعرش كيفاه صارت حطت راسها على ساقيه...بدنو شعل...مسح بلسانو على شفايفو و خزر لبعيد...خزرتلو في عينيه و تحكي معاه بحنية
_ عادي نرجعو اصحاب؟
استغرب من طلبها و حط راسو على ايدو...سكت شويا...مبعد جاولها بصوتو الحنين
_ أي علاه لا
_تنجم تحكيلي على حياتك و شنيا تحب و تكره
تبسم و قلها
_ حياتي محلاها في حاجات اما...سعات نعيفها...أمي اكيد تعرفها نهال...بابا يوسف...فلاح كبير في تونس...عندو فيرمات...عندي زوز اخوة اختي اماني عرسها على قريب و خويا أسامة مازال يقرى...هاهاها...ممكن نحكيلك عليهم خاتر تعرفهمش مليح...و انااا بطبيعة كبير العايلة عانيت في حياتي تعب و شقى باش نجمت نوصل لي انا فيه توى...قريت في تونس حتى للباك مبعد خرجت جيت لفرانسا وحدي مزلت صغير تأقلمت مع الدنيا وحدي....كملت قرايتي تخرجت مهندس اعلامية...اما غرامي غلب...كنت ملي صغير نمشي لجدي و يعلمني صنعتو كان عندو atelier يخدم فيها حاجات بعد الخدمة و انا ديما معاه لين حبيتها و قررت نكبرها...جدي كنت نحبو اما مع العمر توفى عامين لتالي اما لتوى لنجمت ننساه...و من موتو ماريت خير في الدنيا
عينيه رغرغو بدموع...يرمش في الهواء باش ميهبطوش...هو يحكي و هي سارحت معاه في كلامو عينيه... شفايفو...كلشي...سكتت شويا جاها سؤال في مخها حبت تسؤلو
_ محبيتش؟
هي قالتها و هو خزرلها كلي مفجوع ولا ذكراتو في حاجات محبش يتذكرهم...مسح على شعرو...ميعرش شنيا يقول ....حس بيدها هزت يدو و حطتها على شعرها الحرير...قلبو باش يخرج من بلاصتو...تنهد و قال
_ اي حبيت و باريتني محبيت
_علاه شصار
_حببت وحدة اسمها عائشة كانت اول علاقة جدية معاها هي برسمي حبيتها حبيتها لين معادش عطيتها كلشي وقتي حبي...مخلتهاش محتاجة جملة...لين نهار معدش نسمع في كلام عليها تلفون مسكر قلبت عليها الدنية...كلمني واحد من اصحابنا قلي لي هي تخطبت و روحت لتونس...جاتني صدمة و دخلت في حالة تكتئاب لنمشي ل salle خدمتي هملتها...اااه...حيرتلي لمواجع...هذا لكل صار قبل عام
هو بحكي و هبطت دمعة سخونة على خدو قامت مرام مدت يدها مسحتهالو بحنية و شدتلو راسو غرساتو في حضنها
_سمحني
قعدو هكاكا ليلة كاملة لين هزهم النوم....

_________________________________________
A suivre 🫥❤️‍🔥