مستقبلي الجديد

15

_ هاهاهااا...ضامر علخر
حلت الڨارد روب خذات روب بيجاما فوق الركبة و دخلت للدوش نخات حوايجها و حلت الماء الدافي عليها غمضت عينيها "مكنتش نتصور نهار انو حب حياتي...القديم بالطبيعة...ضيف في داري بين عايلة عبد وقف معايا في اصعب موقف في حياتي كل مرة نغزرلو في عينيه نتذكر اياماتنا...ايامات كنت فيهم مرام اخرى بعيدة برشاااا على مرام توى الحاجة لغاضتني في الحكاية انو انا حاربت على خاطرو وقفت قدام عايلتي قدام بابا على خاترو اما هو قدام كلمة بركا كي رفض بابا تبدل نعرف لهو كان يحبني و منستغربش حتى توى اما ضهرلي لهو اضعف راجل شفتو في حياتي كلامو بالحرف يتعاود في وذني كل كلمة جرحتني منو في عرسو باش ترجعلو ثاني و مثلث...معندوش لحق انو يعاملني هكاكا...بعد جمعتين...جمعتين كهو ملي بعد عليا عرس...ولي يجرح ولية عمرو ماباش يربح في حياتو لازم تصيرلو حاجة تندمو وانا اعلنت الحرب اني نتقوى على خاتر روحي وعلى خاتر مستقبلي الجديد لباش نبنيه وحدي من غير حتي حد" بدلت حوايجها و خرجت جات عينها علي راقد كيما خلاتو خذات مخدة حطتها بيناتهم و عطاتو بظهر
_ انتي cv؟
تفجعت و دارت على جنبها لاخر
_ اي علاه
_ نعرش نحسك موش normal
مسحت على وجها و تنهدت
_ لا عادي...وانتي شبيك مرقدتش
حل عينيه وغزرلها
_ نجمتش قبل منحكي معاك
_ على شنيا؟
_ مرام نحبك تجاوبني بصراحة
عملتلو باهي براسها
_ مزلت تحبو؟
_ شكون؟
_ شكون مرام ماو احمد(تنهد)
_ شبيه أحمد؟
_ مرام تتمنيك عليا؟🙂
دورت عينيها من وجهو و غزرت لسقف
_ لا
بعد المخدة هز يدو على خدها و استند بيدو دور وجها ليه
_ اغزرلي في عينيا نعاودلك مزلت تحبو؟
مرام تحكي: في لحظة نسيت السؤال و انا وين وعلاه وشنيا صار ندور في عينيا على وجهو شعرو لمفرت خصلات هابطين على عينيه العسلين جهامتو لمغطيتني بكلي شفايفو غزرتو حتى الكلام هرب عليا فيقني من سرحتي كي تكلم قعدت نغزرلو في غزرة غريبة وانا ذايبة في عينيه منزلتش عينيا منهم
_ مرام نحكي معاك
_ لا..معادش نحبو قلبي كرهو انا كرهتو نشوفو بركا نتقزز حياتي موش باش تاقف عليه
رجع تسطح بحذايا تنهد ورجع يحكي
_ و علاش راجعت لتونس
ستغربت موش كان يقول شهرين وتمشي علاه يسأل توى
_ كهو يلزمني نبعد
_ على شكون باش تبعد بالظبط
_ عليك انتي
غزرلي مستغرب
_ علاه؟
_ منحبش نربطك بيا 3 شهور وانتي معايا يلزمك تشوف حياتك تتعرف على شكون ترجع لراحتك في دارك وانا كل مرة نجي هوني قررت نخدم في clinique باش نتسبل بحاجة حتى نطلقو
_ مفماش علاه تبعد انا مرتاح هكا وحتى شيء ماو مقلقني بلعكس...اغزرلي مرام رد بالك نهار تخمم انو انا عامل عليك مزية حد مجبرني على شي هذا انا اخترتو....انتي باش ترجع لفرنسا ومعايا بعد العرس عندك خدمة هوني ومستحقك فيها وكان متحبش نتصورش مرام العياشي لكلها متنجمش تدبر خدمة هوني تي تنجم تحل cabinet جملة
_ بلاهي؟ mais موش هذا كلامك وقتها
_ ارقد معادش بكري
عطاها بظهر وغمض عينيه منجمش يجاوب اصلا معندوش جواب
_ bonne nuit
رجعت لمخدة ودارت هيا زادت رقدت ...
قام يلقاها واقفة قدام المراية تعمل في gloss حك عينيه رهوجاتو ريحة برفانها