مستقبلي الجديد

3

سعات على قد ما تعيش حاجات خايبة في حياتك يعوضهالك ربي بما خير منها ٬صحيح تتوجع و تبكي و تتمنى الموت اما ديما فما فرج يمسح الدمعة و يرجع الضحكة ٬ كلنا لازم نعيشو الحكايات هاذوما باش نتعلمو٬ كيما خرج أمين لمرام في ظلمتها و بدلها حياتها ربي وجها خير و قبلت.
_________________________________________

صحيح ماكانش النهار هذا كيما تخيلتو مرام باش تعديه مع حب حياتها أما أمين حاول أنو تكون الامور طبيعية و انو تكون فرحانة.
كانت مرام قاعدة فوق الفرش في بيتها حاضرة تستنا في أمين باش يخرجو لصالة كانت محلاها عروسة بالفم و الملا ٬ وتاتها الروب علخر ليشوفها يصلي عنبي
دخل عليها أمين لقاها قاعدت تبكي
أمين يحكي:
دخلت عليها نلقاها تبكي قاعدة فوق الفرش٬ و حتى و هي هكاكا محلاها منعرش ربي كيفاه طيحني بالزين و البدن هذاكا الكل٬ كل راجل يتمنى مرتو كيفها اما خسارة كنت نتمنى انو تلاقيت بيها في ظروف خير ٬تكون وقتها قوية وواعية فاش قاعدت تعمل٬ نعرف لي انا منعنيلها شيء و لي باش تعرس بيا فقط باش تنتقم من أحمد٬ نعرش علاها فما حاجة تقلي متخليهاش عاونها٬ غايضني حالها موش أي طفلة تنجم تتحمل لي صارلها و توقف على ساقيها كيفها و زيد يتيمة الأم معندهاش لشكون تحكي و شكون يعوضلها حنان الام أكعلاه قطعت على روحي وعد باش منخليهاش.
قعد جنبها حط يدو على كتفها غايضتو علخر حتى و كان مزال ميعرفهاش
_ حاسس بيك
هو قالها و هي طرشقت بلبكاء٬ لزها ليه و عنقها و قعد يمسح على شعرها في اللحظة هذيكا حست بالامان و بشعور غريب سرى فيها
_ مكنتش نتصور نهار باش يصير هكا...كيفاش باش نغزرلو في عينيه و انا عروسة نهار لكنت نستخايلو معاه...يعلم كان ربي شقاعدا نحس
_ متخافش هاني معاك و مانيش باش نخليك تتذل على خاترو صحيح ولد خالتو اما...اما كان جيت في بلاصتو نجمش نسلم فيك خاترك طفلة باهيا و حتى كان مزلت كعرفتك هيا وريني اكا الضحكة و هيا العباد يستناو فيك هيا عااد
دخلوا لصالة غزروا لبعضهم شدلها يدها و أحمد يغزل من بعيد (لحقيقة حتى هو يسخف) قدموا و تسمع كان الزغاريط٬ قعدوا مع العدول على الطاولة
_ أمين بن محمد بن مصطفى العامري هل تقبل بمرام بن مراد بن سليم العياشي زوجة لك على سنة الله و رسوله
غزر أمين لأحمد بغش و تحدي
_ أقبل
_ مرام بن مراد بن سليم العياشي هل تقبلين بأمين بن محمد بن مصطفى العامري زوجا لك على سنة الله و رسوله
دخلت مرام بعضها و النفس تقطع عليها و هرب الكلام على فمها و هي تغزر لأحمد و هي هكاكا حتى تحس بيد باردة شدت يدها غزرت لأمين لعينيه تحكي كلشي
_ أقبل
هي قالتها و منغير متشعر هبطتلها دمعة من عينيها مد أمين يدو و مسحهالها .
بعد حكاية ثلاثة سوايع كملت السهرية و قاموا باش يروحوا. جاتهم يمينة تباركلهم عنقتهم الزوز و غزرت لأمين
_ هنيني عليها عيش ولدي راهي محسوب بنتي عاونها في محنتها تلقاه عند ربي ٬ أنا و المرحوم راجلي كنا كيفكم لا نعرفو لا يعرفني لين كتب و حبينا بعضنا
_ متخافش خالتي
ودعتهم ركبوا الكرهبة ودوبا ماوصلوا لل l'hôtel هبطو مرام كلها ترعش و في مخها برشا اسئلة معندهمش جواب
دخلو للبيت دخل أمين بدل حوايجو في salle de bain و هي بدلت في البيت . بحكم valises متعها يوصلو غدوا ملقات في البيت كان nuisette في الbeige لبستها. كمل أمين دخل عليها حك راسو عض شفتو قعد يهز فيها و يحط بعينيه
_ كان باش تقعد هكا باش نغلط معاك يا طفلة ليلة راو 🙂💔
_ هاهاهاها ممسطك
قعد وراها بدى يقربلها بشويا بشويا و هي عاطيتو بالظهر ٬حط شفايفو على كتفها و بدى يهبط في سبت ال nuisette بشويا دارتلو شدها من خصرها و دزها فوق الفرش و جا فوقها ٬ نفسهم تخلط و قرب شفايفو من شفايفها٬ هي قلبها يدق باش يخرج من بلاسطو و هو شهوتو مسيطرة عليه في اللحظة هذيكا يقول في مخو زعما نغلط و نعملها؟
قام روحو من فوقها وقتها رتاحت مرام خاتر موش مستعدة تصيرلها أول لحظة كيما هكا مع عبد متحبوش.
شعل سيڨارو و وقف قدام ال porte fenêtre يتكيف
_ متخافش نجمش نعمل حاجة موش راضية انت عليها و انا زادا منجمش خاتر منحبكش عرست بيك خاتر سخفتني كهو راو تخراش فيه و مانيش قاربلك حياتي كاملة هني على روحك
بلعت غصتها جبدت الغطا و رقدت دمعتها على خدها و هو بقى يغزرلها حس روحو كثرلها شويا في كلامو.
******
_ صباح الخير سي العياشي
_ صباح الخير ولدي تفضل
_ والله جيت حبيت
_ لا حبيت لا محبيتش قتلك انساها مرام و معادش تجبدها على لسانك برا تلهى بمرتك عيش ولد
_ نتلهى بمرتي؟ كان جات دنيا دنيا راو هي مرتي موش معرسة بولد خالتي... سامحني شنيا فيا خايب باش تحطمني و تحطم بنتك؟؟؟ انا حبيتها اكثر من روحي بنينا احلام انا وياها و تجي انت تهدمهم
_ هيا باهي لدنيا موش دنيا٬أحمد خليني رايض الصباح و رد بالك تحاول تحكي معاها ولا تدور بيها و déjà مسافرة ليوم هيا. هيا برا شد خدمتك
_ حاضر
*****
قامت الصباح على صوت الماء جاي من salle de bain قامت فيسع حضرت روحها و قعدت تستنى في أمين باش يفطرو شادة تلفون ٬ دوبا متحل الباب قامت عينيها تشوف كان في أمين في cap de bain شعرو هابط على عينيه لعسليين.

to be continued......