مستقبلي الجديد

26

قربت منو وشدتلو يدو
_ لا انا مرت أمين
تبسم من غير ميشلق
_ مرت خوووياا سامحني متعرفتش عليك قبل انا أسامة حموك (دار لامو) حموك ولا سلفك ؟ والله مانعرف المهم خو راجلك
ضحكت مرام
_ نتشرفو😂
سهيلة و يمينة حضرولهم طاولة تهبل تلمو لكل عليها أمين ومرام،احمد ومرتو اسماء،اماني ومروان واسامة
يمينة : عندنا برشا على لمّة هكا
سهيلة : انشاء الله ديما ملمومين
اسامة : العقبة ليا نعرس ونجيبلكم المدام
سهيلة :شخص يا وليدي خلي نفرحو بيك
اماني: مازلت صغير ماتربطش روحك من توى
مروان : علاه انا رابطك
غمزت لراجلها :لا يا روحي موش كيف كيف
وقف أحمد هو ومرتو
_ اسمعوني يا جماعة
لكل خزرولو مستغربين
_ عندي ليكم بشارة خير
يمينة :شفما يا وليدي
_ جاينا طفل في الثنية
هو قالها ولكل نڨزو من بلايصهم يعنقو ويبوسو فيهم مرام وقتها جاتها رعشة في بدنها شعور غريب حستو كل شي تبدل مخططاتها مع احمد قبل قاعد يعيشهم مع عبد آخر رغم هذاكا وقفت وباركتلهم وقعدو يكملو فطورهم
_ مرام وانتي فماش حاجة
شرقت مرام أمين يضحك ويطبطب على ضهرها
_ سملله عليك هاو الماء هاو😂😂
_ مزال بكري أمي سهيلة 🙂 كل شي بيد ربي
امين: لا انا من رايي معادش بكري 🙂
حلت عينيها وخزرتلو
_ أمين افطر يا روحي افطر🙂💔
لكل ضحكو عليهم كملو كلاو ستأذن منهم أمين بعد الفطور يلزم يخرجو مزروبين مهمة مرام فالليل ومعادش بكري رجعو لدار بدلت مرام حوايجها وهبطت قاعد قدام البيسين سارح،قعدت بحذاه ومتكلمت حتى كلمة
_ فيبالك لقاعدة تعرض في روحك للخطر؟
_ فيبالي أما منجمش نخليها غادي
جبد من جيبو كاميرا صغيييرة حطها في حوايجها
_ خليها معاك على ما ياتي
_ تي شبيك تقول ماشيا نحارب الحكاية نصيف ساعة
_ هيا هيا قوم
مرام دخلت على اساس جايت تطل على أنيس قعدو فالصالة حتى تجي سوار
_ سي داوود فما شكون يكلم فيك مالبيرو
كان أمين فالكرهبة قدام دارهم متخبي وهو لكلم مشا داوود لبيروه حكا مع أمين لمبدل صوتو وقتها سوار جابتلو قهوة فيها منوم هو شربها ومد الاربعة تصرفت سوار بحكم عايشة فما وسكرت الكاميرات لفي دار لكل.سوار لأنيس
_ نمشي لتوالات ونجي
مرام خلطت على سوار لخرجت تعس وصبط الدوسيات لفي البيسي متاعو في فلاش فما وراق مهمين زادت خذاتهم ورجعت لبلاصتها كاينو حتى شي ماصار فاللحظة هذيكا سوار خرجت تجري للرجال لي واقفين ورا الدار وعيطتلهم باش يشوفو داوود الدايخ وهربت من الباب التالاتي وين لقات أمين يستنى فيها
_ فيسع عيشك امشي
أنيس ومرام قاعدين ويسمعو فالحس مشاو يجرو مرام بالطبيعة عملت روحها مصدومة
_ سي داوود فيق سي داوود
وأنيس يعيط على سوار وهي موش غادي
فاق داوود وقلب الدنيا
_ شفما؟
_ بابا كنت دايخ يمكن السكر طاحلك
_ اخرجو اخرجو لكل
داوود داخل بعضو ويتفقد في بيسي متاعو يلقى كلشي فما ومرام خدمت كرهبتها ومشات لأمين وسوار في دار آمنة فالغابة قلبها يدق وفرد وقت فرحانة حللها أمين على طول عنقتو متوترة هو زادة لزها ليه حتى قصت عليهم سوار
_ مرام
وجرات عنقتها هي زادة تبكي
_ يزي ياروحي كلشي وفا متخافش
_ يفركسو عليا موش هكا
_ اي اما موش باش يلقاوك تهنى
_ عيشكم والله سنين وانا نحاول
_ اشكر مرام كان موش خطتها الذكية راو مهربتش
_ على الاقل بابا نفعني في حاجة 😂😉
شدت سوار يد أمين ويد مرام وحطتهم على بعضم
_ محلاكم مع بعضكم ربي يدوم حبكم ويخليكم لبعضكم
خزرو في عينين بعضهم برشا كلام يتلخص من نظرة بركا مرام اليوم تأكدت لهي تحبو وتحبو برشا زادا أمين رجع قطعة منها باش تحارب باش متخسرهاش
عرضت روحها للخطر على خاطرو من وجهة نظري انا اهم حاجة في الحب هو التضحية....كي تحب لازم تضحي للطرف لاخر حتى وكان فما مظرة ليك ،الحب هو كي تخاف على الي تحبو تكون مستعد في اي لحظة انو تعرض روحك للخطر باش يكون هو فرحان،والموقف هذا خلا مرام تتأكد من مشاعرها الي كانت تكذّب فيها وتتهرب منها ومعادش تنجم تنكر حبها الكبير لأمين ،أما هو يبادلها نفس الشعور؟ ماتعرفش...مرام قررت انو تحتفظ بمشاعرها لروحها وتستنى اذا أمين يتقبلها ولا.
_ مرام وين سارحة نحكي معاك
فاقت من سرحتها على صوتو
_ شنيا ماسمعتكش
_ هيا نروحو معدش بكري غدوة ماشين وسوار غدوة رجالي يهزوك للمطار طيارتك الصباح
خلاو سوار فالدار هذيكا معاها رجال والي تستحقو لكل من حوايج وماكلة...
طلعو للكرهبة
_ توى نجم نرقد مرتاحة
_ اما ظهرت واعرة مرام
_ مازال مريت شي سي العامري😉 نحب ننسا كلشي الجمعة هذي ونتفرهد
_حضرت دبشك
_ اي كلشي حاضر ناقصني قضيات نكملهم الصباح
وصطلو لدار وقفو بين بيوتهم خزرو لبعضهم ساكتي يتبسمو
_عيش..          _مرام..
_قول انتي ميسالش
_ عيشك خاتر وقفت معايا وعاونتني
قرب منها وباسها من خدها النفس تقطعلها وعينيها تحلو
_تصبح على خير مرام
ودخل لبيتو وهي مشوكية مشات تجري لبيتها حمل وانزاح عليها ترمت على فرشها وغمضت عينيها
_ نحبو
Newwww dayyyy😍🪷:
فقت الصباح بكلي énergie وفرحة الحمدلله غصرة وتعدات اليوم نحب نبدل الجو ونتفرهد...بدلت حوايجي لبست سروال jean ومريول beige وخرجت من بيتي نلقاه يفطر
_ صباح الخيرررر
_ صباح النور رقدت مليح؟
_ اي نحس في روحي باش نطير مالفرحة...اسمعني باش نخرج عندي قضيات مانعطلش
_ انا زادت خارج قبل العشية نلقاك هوني
طلعت في كرهبتي ومشيت لمقر يونس كالعادة معلوماتو عاونتني وبعثنا سوار بحذا خالتها في كندا وانا عبد عند كلمتي هزيت كلشي معايا ومشيتلو كالعادة بلاصة تخوف مافهمتش شكونو الراجل هذا ومع شكون يتعامل.
دخلت وهو سيادتو قاعد على كرسيه شاد عكازو
_ مرام يا مرام ماتقوليش ماعملت شي
وقتها كان نلقا نحشيلو راسو في طنجرة على دمو الرزين تمالكت اعصابي وقتلو
_ لا هاو لي حاجتك بيه
مديتلو هذا ومعاه اوراق بالطبيعة بعد ماعمتلو copie في iPad متاعي