مستقبلي الجديد

16

قام الصباح يحس في راسو يوجع تذكر لشرب البارح حل عينيه بشوية يلقاها في حضنو غمض عينيه وتبسم هز تلفونو شاف الوقت لقاه معادش بكري حط يدو على شعرها صوتو مزال بالنوم
_مرام قوم معادش بكري
_ نحب نرقد
_ مرام قوم عنا اجتماع اليوم
تنهدت و حلت عينيها تلقى وجها في وجهو تنطرت من بلاصتها غزرت لحوايجها تلقا روحها لابسة حوايج مبارح تذكرت كلامو هبطت عينيها قامت منغير متكلمو تنطر قدامها شدها من ذندها
_ معادش متغششة موش هكا؟
مجاوباتوش
_ سامحني
غزرتلو عينيه ذابلين وعملتلو اي براسها ضحك حط يديه على كتافها وتبسملها
_ هيا حضر روحك
حضرو رواحهم هبطو يلقاوهم يفطرو صبحو عليهم اماني تڨحر لخوها عملتلها مرام بعينيها تهنى وقعدو يفطرو
_ ااا تفرهدتو (سهيلة)
_ اي امي (امين)
_ مرام شبيه وجهك ذابل بنتي(سهيلة)
_ لا عادي امي سهيلة ممكن ناقصة نوم
هبط أمين راسو واماني باقي تڨحر
_ مرام هيا نمشيو؟(امين)
_ خنوقف معاكم فالباب (اماني)
وقفت أماني قدام الباب هيا ومرام
_ مرام
_ انسى أماني نوعدك نفسرلك الحكاية اما عيشك متحكي شي لامي سهيلة
_ مرام سامحني عيشك فعوض خويا والله حاشمة منك وكيفاه يعامل فيك اما نعرفو امين قلبو حنين ويدور يدور و يرجع كيما كان
_ متخافش ياروحي طلب مني سماح وانا سامحتو لعملو على خاطري يكفي
_ مرام انتي ماكش باش تخلينا موش هكا؟
طبست راسه ملقات متجاوب عينيها بالدموع سمعت klaxon كرهبت امين باستها
_ نحكيو مبعد
طلعت للكرهبة حسها موش قد بعضها تنهدت من عروش قلبها
_ cv?
_ اي هيا نمشيو معادش بكري جملة
ثنية كاملة ساكتين وصلو لشركة دخلو مزروبين حل امين الباب يلقا محمود مولا شركة Gabriel قاعد
_ bonjour سامحنا سي محمود كان عندي قضية
_ عسلامة سي امين
_ تفضل اقعد
لاحظ امين لمحمود مركز مع الباب
_ تستنى في شكون ؟
_ لا هيا نبداو
حتى دخلت مرام
_ عسلامة سامحوني جيت retard
تبسم محمود وشاف لمساعد متاعو
_ انتي متكون كان مدام مرام وقف من بلاصتو الضحكة من هوني لهوني
_ اي سي محمود
مدت يدها باسهالها غزرت لامين تلقاه مطلع عينيه يغرلهم ڨحرلها ڨحرة تفجع
_ تفضلو نبداو
قعدو يتفاهمو فالخدمة استغرب أمين كيفاه الراجل ملي كان موش موافق على حتى شيء رجع معادش يرفلهم طلب ليطلبو أمين يقلو باهي و الاغرب فالحكاية للراجل لاهي كان بمرام مهزش عينيه عليها حتى لين طلع الدم لراسو ومعادش يتحمل أكثر
_ عندك طلب سي محمود؟ خاتر سامحني عندي خدمة
_ ااا..لا لا عيشك
_باهي سامحوني توى لزمني نمشي أميمة تتلها بيكم
قام من بلاصتو
_حقا
تنهد أمين و دارلو
_ كان مدام مرام توافق نحبك تكون ال modèle متع collection جديدة لنتعاونو عليها
تبدلت ملامحو وطلعلو العصب لراسو كبس على يدو
_ وعلاه مرام بضبط نتصور فما برشا بنات نتعاملو معاهم ديما
قعد محمود يشوف لمرام من فوق للوطة
_ البنات مجاو شيء قدامها
_ محمود مرتي موش مستعدة لشيء هذا خلي حدود بينا عيشك خير ملي نوصلو لحكايات متعجبش
شدها من يدها و خرج و خلاه... دخل لبيروه دزها
_ أمين هبلت ياخي يدي هذيكا رااو
_ عرفتو ملي دخلت على شنوى ناوي آخر مرة تدخل لاجتماع مع العبد هذاكا ياخي شنيا الحالة هذي كل يوم يخرجلي واحد مبارح المسخ لاخر و اليوم هذا
_ اي و انا شمدخلني؟؟
_ شمدخلك؟؟بالك تحرشو بيا انا؟؟مشفتش عينيه وين مرشوقة اه؟؟تكلم هيا نسمع فيك
لمرة هذي جاوباتو بدم بارد
_ معندي حتى دخل في وسخكم وتفكيركم ماكش ملزوم باش تحاسبني على اغلاطهم هذا بدني نلبس لنحب نمكيج ونعمل ليقلي عليه مخي... حد ماو باش يسالني ولا يمنعني
_ اعمل لتحب في دارك بوك غادي دنيا مسيبة اما هوني مفماش كيما تحب
_ هاني راجعت لدار بابا déjà متكسرش راسك بركا وخوذها نصيحة مني كان باش تبقى هكا معقد وتقول في كلام يوجع لعباد باش تخسر برشا عباد تحبهم ويحبوك
_ شتقصد
دارت وخرجت وخلاتو حال فمو...كمل خدم روح لدار يلقا سهيلة
_ سلام
_ اا ولدي جيت يا بابا
_ اي أمي
_ هيا برا بدل حوايك خنحطلك تفطر
_ علاه مرام ويني؟واماني زادة
_ مرام خرجت تاخذ في قضيات تهزهم معاها وهزت معاها اختك ميبطاوش متخافش
باسها من راسها وطلع يبدل في حوايجو ومبعد هبط حطتلو سهيلة يفطر وهو يفطر دخلت مرام و اختو_ _سلاااام(اماني)
_اهلا شنية كملتو القضيات؟(سهيلة)
_ اي أمي سهيلة كملنا حمدلله...هيا انا باش نطلع نڨد الفاليز معادش بكري (مرام)
تعدات من قدامو منغير حتى متغزرلو دخلت للبيت بدلت حوايجها لبسة بيجاما شدت شعرها كعكة و بدات تحضر فالفاليز لمت لحوايج الموجودة لكل مخلات حتى قطة و حتى حاجة هي هكاكا دخل عليها حس البيت تبدلت
_ ياخي باش تهز كلشي؟(امين)
_اي
سكرت الفاليز هذت حطتها بحذا الباب ولبست Jacket خفيفة هزت تلفونها وجات خارجة
_ وين ماشية؟
_ نشرب كاس حليب دافي ميسالش ماو؟
_ اي mais شبي وجهك اصفر
_ شيء
حلت الباب و خرجت بعد شوية رجعت تلقاه راقد في سابع نومة تكات بحذاه ليلة كاملة منجمتش ترقد و هي تتقلب في الفرش تخمم شباش يصير و يتبدل من غدوة...عندها غصة في قلبها منجمتش تخرجها