ليوم نهار العرس كل يد شدت اختها والناس لكل فرحانة _ أمين ولدي هيا براو انتي و مروان باش تجيبو البنات مالحجامة _ باهي أمي مشى أمين و مروان يجيبو في اماني ومرام مcentre للصالة وين تلمو العباد _ يااااا أمانيييي محلاك ماشاءالله _ انتي زادة تهبل _ هيا عزيزتي عدهم جاو كلمتني أمي سهيلة جايين فالثنية _ خايفة يامرام _ علاه خايفة ليلة عرسك ليوم لازمك تفرح متتعاودش راو هيا بركا هام جاو دخل مروان باس اماني من راسها
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
_ محلاك عزيزتي _ انتي زادة محلاك ياروحي _ نحبك اماني مرام واقفة تتبسم محلاهم مع بعضهم _ هيا نخليكم متبطاوش مروان: مرت خويا أمين هوكا لبرى يستنا فيك شوية ونجيو 😉 _ باهي😂😂 خرجت مرام تشوف فيه متكي على الكرهبة مهبط راسو حاط يديها في جيابو سمع صوت خطوات طلع راسو وقتها حبس في بلاصتو...عروقو جمدت وهو يشوف فيها جاياتو تتبختر من بعيد
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
_ اهلا ماجوبهاش وقعد يخزرلها باهت _ أمين تسمع فيا ماو؟ _ اي اي...انا...تي وينهم جايين؟ تبسمت مرام _ اممم هاو جايين سكتو شويا مبعد تكلمت _ ماك باش تقول شي؟ _ شعندي نقول _ نعرش أنا شعري روبتي...معجبتكش؟ _ لا بلعكس 🙂 _ كيفاه؟ _ يعني باهيين _ هكا يقولو لعباد باهيين؟😒 قربلها حط خصلة من شعرها ورى وذنها وقرب يوشوشلها _ شتحب نقلك مثال؟...لروبتك يلزمك تبدلها توى ولا حاجة اخرى؟ دزتو _ شنيااا نبدلهااا؟ لا هبلت انتي _ ماو انتي تحبني نتكلم تبسم وهو يخزرلها تعارك فيه _ نحبش في عرس أختي نعمل لمشاكل رجال أعمال كبار وشركاء معايا مستدعين يلزمني نبقا calme طفاتو وعطاتو بظهر حتى الليلة محبش يكسر غرورو شويا ويقلها محلاك لا ويحبها تبدل الروبة طلعو لكل ومشاو للوتيل كيما اي عرس عملو جو سهيلة ويمينة ومرام قاعدين جاهم أمين وشوش في وذن مرام _ مرام تجي معايا شويا...سامحوني حاجتي بالمدام وقفت مرام مشات معاه _ شركائي جاو ايجا نستقبلوهم سلمو عليهم حتى وصلو لداوود أمين:عسلامة سي داوود داوود:مبروك عليكم أمين...خزر لمرام... bonsoir مرام وباسلها يدها خزر أمين لمرام مستغرب وتكلم : مرتي مرام داوود: بطبيعة شكون مايعرفش مرام العياشي؟ تبسمت مرام :سي داوود لباس أمين: منين تعرفو بعضكم؟ مرام: كان شريك بابا قبل وقريت مع ولدو أنيس داوود: مكنتش نتوقع لعرست بأمين ڨحر أمين لمرام يستنى فيها شتقول _ مكتوب (خزرت لأمين تتبسم وشدتلو يدو ) أنيس وينو عندي برشا ماريتوش _ أنيس في voyage جمعة هذي جاي ومدام طلعت مرت شريكنا جديد بالطبيعة باش تتقابلو بعد مكملو حكاو قرب أمين من مرام وهوما يمشيو _ هاو تعرف داوود _ نفس السؤال باش نسألك منين تعرفو؟ _ شريك جديد _ أمين شريك شنيا؟؟ ياخي تحب تهبلني ولا شنيا؟ _ شبي ولديك؟ _ أمين راجل هذاكا مخطر فيبالك ماو؟ _ كيفاه مخطر؟ _ موش وقتو توى نروحو نحكيو هزت روحها ومشات خلط عليها شدلها يدها ومشاو بحذا group صحاب أمين أيمن(صاحب أمين):أمين وينك معادش نشوفو فيك في تونس _ خدمة ياصاحبي _ خدمة زعما؟؟ولا المدام كبست عليك لاسهريات لاخرجات 😉 خزرتلو مرام شادة الضحكة بالسيف هبطت راسها امان: اي وموش ناوي تعرفنا على المدام؟ _ تي يزينا أمان كلي متعرفهاش🙂 _ يعني موش برشا قرينا فرد lycée كهو🙂 مرام :أمان الشيحي؟؟ bac math ولا غالطة؟ امان :اييي بالظبط حمدلله كي تذكرتنا _ سامحني تبدلت عليا ماعقلتكش امين:هذي خطيبتو ميساء مرام:عسلامة _وهذا عشيري كريم صحاب مالصغرة كان جارنا وهذيكة الاء صحبتو مرام:نتشرفو ايمن:أمين باش نبقو جمعة في داري متع الخلاعة هيا ايجا انتي ومرام خزرلها يسأل فيها بعينيه _ قتلكمشي كبست عليه ضحكوا لكل كريم:هيا بركا عندنا برشا متلميناش مرام :اي عادي مفما حتى مشكل وكملو السهرية كلشي تعدى محلاه مروان واماني فرحانين كي باش يروحو باس أمين أختو من راسها _ مروان _ نعم نسيبي _ مدامني حي رد بالك تبكيها ولا تقلقها ديما وراها راني _تهنى أمين عينيا هذيكا ____ _أمين ناقفو شويا هوني؟ _ علاه _ نعرش نحب نشم هواء نظيف على البحر وقف خرجت مالكرهبة غمضت عينيها حطت يدها على صدرها تجبد فالهواء بسيف _ مرام شبيك cv؟ _ ا...اي _ تحب نهزك لسبيطار شنعمل قلي؟؟ _ لا _ باهي اشرب ماء شربها ماء فما كرسي قعدها،تخزر لعينيه وتتنفس _ مرام متخوفنيش شبيك كي هدت شويا تكلمت _crise _ شنيا crise؟ من وقتاه لحكاية هذي؟ _ملي صغيرة _ اي وعلاه تجيك؟؟ _ شي كي نخاف ولا نتعب يضيق عليا نفس _ يمكن تعبت ملعرس _ اي يمكن _ باهي ايجا قربلها راسها لصدرو وبدا يمسح على شعرها _ أمين _ نعم _ نجم نطلب منك حاجة _ على مانقدر هزت روحها _ معادش تدور بداوود جملة _ ياخي شنيا حكايتك معاه؟ لهدرجة خايب؟ _ خايب والله خايب _ مرام شبيك تحكي بالالغاز _ باهي هاو باش نوضحلك والكلام هذايا يبقا بيناتنا _ باهي _ انتي تتعامل مع داوود على اساس شنيا _ يجيبلي في diamant من برا علاه _ انتي في بالك هكاكا اما داوود يهرب فالغبرة والاسلحة لبلايص اخرين ومغطي على هذاكا بdiamant باش ميشلقش منين تجيه لفلوس هذيكا لكل _ يعني داوود مروج؟ _ بالظبط...وفما حاجة اخرى زادة _ زيد اصدمني _ راجل هذاكا عندو يد فلي صار لأمي وكيفاه مشات خاتر كان صحاب هو وبابا وشركاء في برشا عمايل _ يعني تحب تقلي لبوك يخدم معاه _ اي _ وكيفاه عرفت _ نسا مفتاح بيروه مرة دخلت وقريت برشا دوسيات وقعدت بالجمعة لاناكل لا نشرب كي عرف لفقت بيه رجع متحكم في حياتي وبعثني لبرا نقرا باش منفضحوش ماوفقش على أحمد لسبب لتوا لنعرفو وما وفقش عليك زادة _ كيفاه قنعتو مبعد _ خويا وقف معايا _ اي علاه تبكي انتي توى مسحلها دموعها وخزرلها في عينيها _ متخافش نهار منهارات باش تاخذ حقك منو ومن داوود ومن اي عبد عندو يد فالحكاية عنقها ودخل راسو فرقبتها خلاها تبكي لين فرغت لي في قلبها لكل....كي هدات قعد يمسح على شعرها _ هيا نروحو _ منحبش نمشي لدار يشوفوني بالحالة هذي _ باهي هيا وقف شدتلو يدو _ وين ماشين _ هيا بركا و اسكت خدم لكرهبة وقفو قدام دار
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
_ شنيا الدار هذي _ داري _ شبيني مفيباليش بيها _ هاو فيبالك _ نعرش وقتاه باش نعرفك والله دارلها وهو يحل فالباب _ ماكش باش تعرفني جملة _________________________________________ بديت ندخل في التفاصيل متع الحكاية ماكنتش نكتب برشا خاتر قراية نحاول اني نهبط كل جمعة chapitres 2 شاركوني برايكم والاحداث لتتصوروهم في les commentaires نشالله تعجبكم❤️ À suivre.....💗
