مستقبلي الجديد

4

قعدت واقفة حست روحها مربوطة متنجمش تتحرك٬ وجها حمار و هو باهت فيها شبيها هالسخطة هو يقدم و هي توخر لين طاحت علفرش هبط بشويا و هو يشوفلها لي يشوفو يقول ماناوي على خير قربلها علخر لين نفسهم رجع واحد هو ما علابالو و هي تتنفس بسيف و يمد من وراها مريولو و يقوم من فوقها
_ شبيك
_ شيء اما بربي نقص منهم فازاتك الماصتين منحبهمش
_ سملا عليك للا منمدش مريولي؟؟
_اي مدو اما موش لازم ت
_ موش لازم شنيا؟
_ شيء شيء
_ اممم باهي
هوما هكاكا يتناڨرو و بدى يحل فل cap de bain متاعو دورت راسها فيسع و غمضت عينيها مفجوعة تبسم أمين
_ تي فاش تعمل يا هم
_ لا تو نقعد هكا على خاترك معملتش العيب مرتي في الحلال رااك
_ باهي لحظة ندخل ل salle de bain
_ هاهاها....باهي ازرب لا ناكلك
_ ممصتك
دخلت هيا ل salle de bain
وهزت معاها حوايجها بدلت و خرجتلو لقاتو يحكي في التلفون
_ باهي متقلقش روحك يا عمري نوصل نكلمك
هي سمعاتو و وجها جى الوان مشى الوان ٬خزرلها٬ جاتها لمخها برشا حكايات يمكن يكون عندو شكون امّا كيفاه يعرس بيها و كيفاه تنجم تعيش مع عبد عندو شكون٬ عينيها رغرغو دورت راسها خذات نفس و قعدت تفطر
_ شبيك؟
_ مابيا شيء
_ باهي
أمين كان فايق لهي تقلقت أما محبش يظهر
_ هيا باش تفوتنا الطيارة
مشاو ل réceptionغاديكا لقاو فاليجات مرام خذاوهم و مشا طلعو في الطيارة. هو كان عادي حط يسمع فالغنا قبل٬ ماتطلع الطيارة شاف مرام تمتم و خايفة ظاهر تخاف مالطيارة و هي باش تطلع خزر لشباك و من غير ميشعر شدلها يدها ملي كانت مغمضت عينيها حلتهم باهة و زادت كبشة فيه٬ تبسم على جنب تذكرت لي كان يحكي في التلفون نتلتلو يدو قعد باهت فيها كزمت وجها و شدت تقر في كتاب
_ شبي عمتك
_ ياخي في كل مرة تقعد تسأل فيا و انا نقلك شي؟؟
_ سامحنا يا للا متدغرنيش بركا
قالها بسخرية
وصلو لفرنسا لقاو كرهبة أمين تستنا فيه ركبو ثنيا كاملة تتفرج مشباك كلمة لا
_ اول مرة تجي لهوني
_ لا جيت برشا مرات و جيت باش نجي كان مخرجتليش انت
_ امممم
وقف قدام دار كبييرة دار أمين
_ هذيا دارك؟؟
_ أي
_ هاك طلعت كرزة...🙂
ضحك و دخلو عمل بيها دورة في الدار وقفو قدام بيت حلها
_ هذي بيتك
خزرتلو بغزرة غريبة و عملت باهي براسها
_ ادخل ارتاح و أعمل لتحب انا هاني في بيتي لبحذاك كان ستحقيت حاجة اجا
_ باهي
دخلت لبيتها طيشت روحها فوق الفرش خذات نفس
_ زعما عندو شكون
ضربة روحها بكف
_ تي شبيك يا مرام و انتي شمدخلك٬ مانيش مستوعبة لعرست براجل منحبوش و زيد برانية جراير أحمد يا ربي عاوني باش نبدى حياة جديدة
عملت دوش و بدلت حوايجها لبست شورط و مريول لكرشها شدت شعرها كعكة و هبطت باش تشوف حاجة تاكلها خاطر جاعت. تلقى أمين متكي عرخامة يشرب في ماء٬ ڨامها و حطها بعينيه
_ لا ظاهر لواخذة راحتك
ڨحرتلو و حلت الفريجيدار تلقاش حاجة تاكلها ملقات شي خزرت لأمين تلقاه مازال بياكلها بعينيه
_ بربي كان تفيق على روحك و تشوفلنا حاجة ناكلوها
_ إيجا أضربني
_ نفدلكش معاك جيعانة
_ طلبت بيتزا قريب توصل
_ هي حمدلله طلعت تنفع في حاجة
_ شبيك تحكي بصعيب انت
_ أخرالي
_ شنيا عاود
_ اخرالي
قاملها يقدم و هي توخر لين تحصرت في التركينة دخلت بعضها
_ شبيك خايفة للا تتذكر روحك كيفاه كنت تحكي توا؟
_ تيي...ن....نف...نفدلك
_ انننن باهي
قعدو يغزرو لبعضهم لين تننن نوقص الباب حلو أمين خلص الراجل و جاب البيتزا
_ هيا ايجا
قعدو ياكلو و كل مرة يحكيو في حاجة شدت مرام التلفون و قررت ترجعلو الفازة
_ الو ااا شفما؟ياا عيد ميلادو ليووم؟؟خسارة سافرت باهي توا نطلبو
خزرلها أمين مهتمش
_ اااا حبيبي ساڤااا توحشتك هيا كل عام و انتي حية بخير يا روحي كلمتني ايناس قتلي كنت مع أنس ليوم عيد ميلادو عادا قلت نكلمك ااا جاي لفرنسا كي تجي كلمني نتقابلوا باهي حبيبي باي
أمين سمع اسم انس خزرلها بحڨرة و كمل ياكل لين كملت التلفون٬ قاملها دزها
_ شكون أنس ر***
_ شمدخلك و هبط يدك
_ قتلكك شكون
_ انا قتلك شمدخلك
شدها من يديها لصقها للحيط
_ سمعتني مازلت نسمعك تكلمت مع ذكر خلاف خواتك ولله تعرفنيش شنجم نعمل
_ شمدخلك في زحي عرسنا موش حقاني باش تتصرف معايا هكا يا بابا راو
_ اسمي مربوط بيك نسمحلكش تمسخو
_ لاا انت نرمال تحكي مع صاحبتك صباح عرسنا و تتمعشقو اما انا نكلم ولد عمي لاا
_ ولد عمك تقلو حبيبي؟؟؟
_ تبدلش الموضوع
_ شبيك بهيما امي هذيكا
_ صدقت
حل تلفونو ورالها مع شكون حكا هبطت راسها و تبسمت شويا
_ أسمعني انتي توا مرت راجل و مربوطة بيا للا معناها لق** متاعك نحيه هو قالها و تصرفڨو بكف هبط راسو عرف روحو غالط كثر شويا في كلامو هي هبطت دمعة سخونة و قتلو
_ منسمحلكش تحكي معايا هكا
و طلعت تجري لبيتها و ليلة كاملة مهبطتش حتى لين جا وقت العشا حضر أمين حاجة ياكلوها و طلع باش يعيطلها و يطلب السماح حل الباب يلقاها راقدة في سابع نومة تبسم "محلاها " بطبيعة قالها في قلبو قعد بحذاها غطاها بعدلها شعرها من وجها و قام باش يمشي و يحس بيد جبدتو .

To be to be continued ...