المهمة زادت صعبة على مرام 3 ايام في يدها باش تنفذها النهار الاول مالصباح في بيتها مسكرت على روحها تخمم كيفاه باش تعمل وكيفاه الخطة مع حكاية 12متع الڨايلة نڨزت من بلاصتها _ لقيتها!! دخلت للدوش تحضر في روحها
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
هزت صاكها وهبطت لقات عيشوشة تعمل في ménage _ عيشوشة وينو أمين _ خرج من الصباح بكري _ باهي عيشك _ تحب نحطلك تاكل حاجة _ لا مانيش جيعانة ركبت في كرهبتها و direction لنفس ال adresse متع يونس ستانست بيها البلاصة...دخلت لقاتو قاعد _ سلام _ هذوما دوسيات ولتوى لاجبتهم مالا كان قتلك اقتلو _ نهار ونجيبهملك متخافش مجيتكش على هذا _ مالا على شنيا _ فما طفلة تخدم عندهم اسمها سوار تنجم تعطيني معلومات عليها _ نعم؟ وشنيا مدخلني فيك انا لوج وحدك _ اسمعني يا حاج راو كان فيبالك لتهدد فيا بأمين باش نخاف ونسمع كلامك يبطا برشا طفلة هذيكا يلزمها تخرج من غادي تمدلي المعلومات نمدلك لحاجتك بيه ولا والاهي لاتشوفهم ولا تشوفني وعندي شكون ورايا خليني مزلت نحكي كهو _ مرام العياشي طلعت لأمك بوك خواف عينيها تحلو ويديها رعشو _ ش..شنيا؟ منين تعرفها أمي؟ _ بوك محكالكش شنيا عمل فيها؟ شد شد هاو المعلومات لتحب عليها وتوى منشوف وجهك كان ومعاك الدوسيات هزتهم وخرجت تجرّ في ساقيها طلعت للكرهبة داخلت بعضها موش واعية بروحها هيا وين. مافاقت بروحها كان قدام دارهم _ بابا وينو...نحكي معاك بابا وينو _ بوك في بيتو مدام مرام مشتلو لبيتو تجري حلت عليه الباب قاعد على بيروه يخدم خزرلها نحى lunettes _ هكاكا علمتك تدخل؟ سكرت الباب بالمفتاح وخباتو عندها _ ليوم ماني خارجة من هوني كان ماتقلي أمي وين وقف يضحك _ منظري موش متع عبد يفدلك non؟ _ شنيا هبط عليك العرس بدلك يظهرلي جبدت الفرد من ساكها _ يا تتكلم يا والله العظيم منخليك عايم في دمك هوني _ تحكي مع بوك هكا يالي ماتحشمش وزيد تجبد عليا فرد _ بابا؟؟ من وقتاه بابا...شكون قلي انا بنتك ولا مدام أمي منعرفش وينها _ تحب تعرف أمك وين؟ _ اي _ أمك ماتت يامرام افهم _ تكذب قول الحقيقة أمي حية انا حاسة _ احساسك غالط طول وعرض يحكي معاها بدم بارد علخر _ وكيفاه ماتت تنجم تقلي _ انتحرت _ انتحرت؟؟لهالدرجة معيفها في حياتها؟اسمعني الحكاية موش باش توفا هوني اما حد ميفكك من ايديا اذا كنت السبب في اي حاجة صارتلها ومن اليوم لاك بابا ولانعرف عبد اسمو سليم العياشي من اصلو اسمي مرام العامري كهو عطاتو بظهرها وجات خارجة _ والله كما نتبرى منك _ هذا كان سبقتني رجعت لدارها في الوقت هذاكا أمين كان عند يونس هو وكريم _ فالجمعة لباش تعديوها غادي نحب كلشي حاضر النهاية قربت معادش برشا امين: الدوسيات مالكلينيك حاضرين يتقدمو للشرطة ماخصوش من 20 سنة حبس لسليم نزيدوهم الدوسيات لعند داوود وقضايا القتل وتهريب السلعة والمخدرات اعدام ونخرجو ايدينا نظاف كريم: ربي معانا بعد ساعتين السلعة خارجة من ميناء يونس : تسلموها للشرطة على طول شي ميبقا امين : حتى طريف لا ؟🙂 _ امين وقت تفدليك هو؟ كريم يضحك باش يموت _ كريم ماتبعوش باش يضيعك _ متخافش سيدي راجل راني وقفو عملولو تحية وخرجو أمين مشا لدار حلتلو الباب عيشوشة _ أمين _ شبيك عيشوشة وجهك مقلوب...مرام ويني هبطت عيشوشة راسها أمين مشا لبيتها يجري حل لباب ملقا حد يدور فالدار خايف يفركس عليها خزر للبيت فارغة فيها ضوء يشعل دخل يجري...بلع ريقو يلقاها قاعدت فالقاعة _ مرام خزرتلو عينيها حمر شافتو زادت قوت فالبكية _ امين(قالتها بغصّة كبيرة) قعد بجنبها حطلها راسها على كتفو _ شبيك قاعدت هوني _ فيبالك بابا باش يتبرّى مني _شنيا،كيفاه تفدلك؟ _أمين بابا السبب فلي صايرلي لكل هو السبب فلي صار لأمي هذا بخلاف العذاب لعشناه واحنا صغار تعرف شقالي (تبكي وتضحك) قلي أمك انتحرت فيبالو باش نصدقو،انا ماليوم مرام كهو _ العامري حط يدو على شعرها يمسحلها عليه بعدت ومسحت دموعها _ انا باش ننتقم منو وباش نفركس على أمي امين مصخفتو هوما هكاكا وصونا تاليفونها _ نعم خويا _ مرام يلزم نتقابلو توى نجيك _ لا تو نجيك انا ابعثلي الadresse متاعك امين: شكون _ خويا هاني خارجة عنقتو _ عيشك أمين ربي يخليك ليا هي خرجت وهو مشا لعيشوشة _ عيشوشة شبيك ركبتلي الرعب فيبالي عرفت البيت _ احمد ربي يا بابا فآخر لحظة نحيت من يدها المفتاح _ وكيفاه لقاتو _ ماو مخليه مطيش في بيتك وخارج تباركالله عليك باسها من راسها _ ربي يخليك ليا عيشوشة عمل دوش لبس حوايجو،خدم الكرهبة وخرج من جيهة ثانية مرام لي وصلت لقهوة عالبحر تلقى خوها قاعد وقفت قدامو _ خويا وقف من بلاصتو عنقها وقعدها بجنبو _ علاه تتفافا على روحك اختي تعرفو مهبول وينجم يعمل كلشي تصور كان لاقدر الله قتلك غادي _ يزي ماسكتنا حياتنا بجرتو جهنم خزرتلو وحطت يدها على يديه _ خويا اخرج مالدار انتي وعايلتك شوف دار عندك خدمتك وخدمة مرتك يكفيوك منحبكش تتباصا معاه عيشك...سيب عليك من الخطر راك بو صغار _ ربي يسهل...اما برسمي باش يتبرى منك ضحكت مرام _ اي شفت ماو...كيفاه عرفت انتي 😂 _ لقيتو كشاكشو طالعين قلي اختك باش تقتلني😂 كريم وامين والمجموعة لكل دايرين بالميناء فما برشا كراهب يستناو فالسلعة لين وصل ال bateau خرجو من كراهبهم لكل مسلحين التسليم باش يتم حتى الكرتوش بدى يخرجلهم من كل البلاصة الرجال لكل ماتو بقا كان العرف خرجلو أمين يجري
