مستقبلي الجديد

32

_ شد فيا بالشوية
_ نجم نمشي مرام مستانس
_ نوصلك للكرهبة مبعد تصرف كيما تحب...حقا وين باش تبقى؟
_ في داري
_ لا
_ علاه وين باش نمشي
_ داوود مازال ماتشدش ورجعو يعرفو الدار كان يعاودو يجوك
_ باهي تو نشوف دار اخرى
_ توى ماشين لدار يونس باش نبقاو غادي لين تهدى الدنيا
_ لا مانحبش
_ كلمة وحدة ماشين غادي
_ شو للا مرام تلهات بيا شوية ولات تحكم 😂
مشاو لدار يونس يلقاوه قاعد كالعادة وقف قدام أمين
_ حمدلله على سلامتك
_ عيشك...ماناش باش نبطاو هوني مرام شدت الصحيح
_ اهوكا البنات يتلهاو بيكم كان تحبو تتعشو
ورجع قعد في بلاصتو هبطت لميس من الدروج مشات تجري لأمين عنقاتو
_ أمين حمدلله على سلامتك خفت عليك
مرام بقات تخزر باهتة من صحة الرقعة لتشوف فيها ويونس زادت استغرب من تصرف بنتو...خزر أمين لمرام وتبسم
_ عيشك لميس
_ باش تبقى هوني؟
_ اي باش نبقاو انا ومرتي شوية هوني
تبسمت من تحت لتحت
_ ملا جو
_ أمين يلزم يرتاح هيا نطلعو
حضرولهم بيت كبيرة فيها كلشي،قعد على فرش نحتلو سبادريه وركحتلو لبلاصة باش يتكى،تحط فالمخادد وتتكلم
_ انتي ولميس من وقتاه تعرفو بعضكم
_ ملي رجعت نخدم مع يونس
_ قداه هكاكا
_ 5 سنين ولا أكثر
_ امممم
_ علاه تسأل؟
_ نخب نعرف ميسالش ماو
_ غرت منها؟
_ نعاااااام بابا؟
وقفت قدام المراية حطت يديها في نصها
_ معناها الزين هذايا الكل وباش نغير منها اسكت بربي
_ حتى هي حليلتها...انتي استعرفت موش قتلها هوكا منك ليه؟
ملامحها تبدلت
_ مازلت عند كلمتي
ڨحرتلو وخرجت مالبيت مشات ليونس قعدت قدامو
_ سي يونس
نحا lunettes وخزرلها
_نعم شفما؟
_ نجم نسألك
_ مانحبش الاسألة اما ميسالش
_ياخي شنيا لي خليك تتصرف هكا مع أمين
_ كيفاه نتصرف؟
_ يعني باش نحكي بصراحة كاسح معاه اكثر مالازم
_ هذيكا اساس خدمتنا هوني اذا ماكانش قد المسؤولية انا نكبس عليه باش يتحسن
_ اما أمين ذكي برشا وناجح في خدمتكم كيفاه موش قد المسؤولية
_ فما حاجات انتي ماتعرفهاش مرام وصعيب باش تفهمها ووحدة مالحاجات هذوما هي انتي...انتي سبب باش أمين يوخر في خدمتو وينجم ماينجحش في الهدف هذا
_ أما انا
_ نعرف لعلاقتك بيه قوات
هبطت راسها حاشمة وفرد وقت حزينة ملي تسمع فيه
_ علاقتك خطر عليه زادت...أمين راجل قلبو حجر وسكرو نحسبك كيما بنتي ونقلك ابعد عليه لفايدتكم الزوز
وقفت من بلاصتها directement
_ موش صحيح
ومشات وخلاتو تبسم على جنب وقال
_ انتي سبب قوتو
عملت دورة على الدار وصلت قدام بيت لميس ووقفت لقات الباب محلول شويا تجاهلتو وكملت طريقها اما وقفت كي سمعت كلامها
_ لاصقة فيه ديما مانحبش تفهم لأمين مايحبهاش وماعمرو مايحبها انا حافظتو عينيه مايقولوش لحبها جملة وانا نموت عليه
وتضحك بالقوي...مرام شدت يدها في صدرها وعينيها تعباو بالدموع لميس نحات التاليفون من يدها وستناتها تبعد من قدام بيتها
_ ياراسي ياراسك
كان قاعد على الفرش بسيف يتحرك حاط الPc في حجرو ويخدم دخلت عليه باين عليها متقلقة خزرلها مستغرب
_ شبيك شفما
_ شي
_ لا باين متقلقة صارت حاجة ولاكلمك شكون هوني؟
_ لا لكل محلاهم , وانتي فاش تعمل موش قلك الطبيب ارتاح
_ ماتنساش عندي شركة في فرانسا عندي برشا ماتلفتلهاش
_ أمين نحب نقلك حاجة...نحب نرجع لفرانسا
_ لا
_ علاه لا
خزرلها ساكت ودخل بعضو
_ دا..داوود ينجم يوصلك غادي
_ معايا رجال ماتخافش وزيد هوني ماعندي مانعمل
_ اي وانا
_ شبيك انتي
_ انا شكون بيا هوني مريض
_ نستناك تبرى ونمشي
_ كيما تحب
ملامحو تبدلت وكمل خدمة كاينو موش بحذاها جملة، تكات بجنبو وعطاتو بالظهر دمعتها هبطت وهي تتذكر في كلامو وكلام لميس لين رقدت.
قامو الصباح مرام موش كيما العادة لبست وهبطت هي وأمين للفطور لقاو يونس كالعادة قاعد
مرام: صباح الخير سي يونس
_ صباح الخير بنتي
قعدو وبداو يفطرو لين جات لميس
_ صباااح النور
قعدت بجنب أمين
_ أمين ابرك ؟شتحس في روحك
_ لباس
_ تحب نخرجو نبدلو الجو
خزرتلو مرام تستنى فيه يجاوب قص عليها يونس
_ موش وقتو أمين عندو خدمة
مرام: سي يونس أمين مزال تاعب ويلزمو يرتاح
_ لقينا بلاصة داوود وقاعدين نراقبو فيه
أمين: وين
_ في دار في حي شعبي
وقف أمين من بلاصتو وجعو الجرح حط عليه يدو وقفت مرام باش تعاونو أما لميس سبقتها وشدت فيه ،بقات تخزر كان بعينيها كيفاه شدتو وقلبها يغلي
_ يلزمني نمشي توى
_ أمين ماعندك وين ماشي طبيب قلك ماتتعبش
_ مرام كان منشدش المسخ هذاكا وقتها نتعب
_ قتلك مافماش مشي لين تبرى
دور ظهرو ماشي منغير مايسمع كلامها
_ كان تمشي معادش تلقاني هوني جملة
كبس على يدو وطلع لبيتو قام يونس زادت قعدت كان هي ولميس جات باش تخلط عليه لميس
_ قلقتو مالا حالة
شدتها من يدها وكبستلعا عليها
_ اسمعني باش نبدل اللغة معاك انتي راو
_ هبط يدك فاش تعمل
_ بيني انا وراجلي ماعندك مامدخلك وآمالك المسخة انساهم خيرلك
مشات وخلاتها تغزل،لقاتو يكلم في تاليفون على أعصابو هي دخلت وهو قص قربت منو حطت يدها على كتفو وقالت بصوت حنين
_ أمين
ماجاوبهاش وبقا يخزر من الشباك
_ أمين نخاف عليك كان تصيرك حاجة مرة أخرى شنعمل
_ فيبالك اول مرة نسمع لكلام شكون ومانعملش لفي راسي؟ مرام افهم كل دقيقة داوود فيها حي كينو شكون يخنق فيا داوود حرمني من كلشي في الدنيا متنجمش توقفني على الحاجة هذي
ملامحها تبدلت وخزرتلو في عينيه
_ يعني مايهمكش في كلامي،مايهمكش اذا نمشي ولا، تعبت من العيشة هذي قاتل ومقتول وهم ازرق فديت راني
خزرلها عينيه حمر بلع ريقو وباسها،بعد وجهو منها مسح على شعرها وهي تبسمت ماكملتش فرحت حتى هز روحو ومشا،قعدت مصدومة في بلاصتها
_ أمين
وطاحت على القاعة تبكي،أما المرة تمالكت روحها قامت ولمت حوايجها يونس حاول يوقفها يكلمو في أمين مايهزش شي،مرام المرة هذي حالفة باش تمشي  تحب تبعد عليهم ،حتى أمين
حبي ليه غلبني المرة الاولة،قلت موجوع ملي صارلو،جرحني بكلامو وكذبت،خرجني رخيصة وقلت ننسى مع الوقت هذا الكل خاتر نحبو، يمكن نعشقو تفسر أكثر،هو كلشي في حياتي روحي،قلبي،الهواء لنتنفسو، كي يكون بعيد عليا نخس قطعة مني ناقصة، اما لوقتاه؟ لوقتاه باش نبقى نتمرمد جرة حب عذبني وقهرني،مايعنيلو شي فالاخر موش باش يحبني زايد نحاول من ليوم مرام اخرى باش تبدى