LEVI SERIES #1: THE PRESIDENT'S LOVE

CHAPTER 2: TRIPPINGS

Nebula's POV

Looks like the Earth turned upside down when we knew that the student council prepared a student's day or which is famously known as intramurals. Tatlong araw tatagal ang student's day. Mukhang naidaan nila sa santong dasalan ang management. 

"Finally! Akala ko declined na naman ang plano na 'to eh!" saad ni Jani. 

Kasali si Jani sa council. Palagi siyang nag-ra-rant sa amin tungkol sa mga declined projects ng council. 

"Grabe! Akala ko hanggang matapos ang school year mag-aaral lang tayo!" saad naman ni Zadie. 

"Akala ko masusuya na ako sa pagmumukha ng mga teachers natin," Quina answered Zadie. 

"Alam niyo minsan feeling ko sa school na ako nakatira. Like umuuwi na lang ako sa bahay every two days," saad ko. 

"Nako, pinilit talaga ng council adviser na ma-push 'yong project na 'to kasi gusto niya rin bigyan tayo ng break for a few days! Saka si Jupiter, kulang na lang mag-defense presentation sa principal payagan lang tayo!" sagot naman ni Jani.

Naglilibot kami sa school quadrangle at iba't ibang mga booths ang nandito. May mga nagtitinda ng pagkain at inumin. Buti na lang pinadalan ako ng extra allowance at may naipon rin ako. 

"I heard there's battle of the bands bukas," saad ni Zadie. 

"Really?" sagot ko. 

Hindi nabanggit sa akin ni Jupiter 'yon. Siya at si Jani ay kasali sa council. She was a grade level representative and he was the president of the council. Siguro sa sobrang galing makipag-usap ng lalaki na 'yon naidaan nila sa santong dasalan ang management. 

"Alam niyo ba na funded 'to ng school?" saad ni Jani. 

"Talaga?" bulalas naming tatlo nila Zadie. 

Lalo akong hindi makapaniwala sa naririnig ko. Hindi kasi namin napag-usapan ni Jupiter ang tungkol sa biglaang event na 'to. 

"Oo! Sila 'yong nag-solicit sa government agencies para makakuha ng budget rito tapos dinagdagan na lang ng kaunti ng council," paliwanag ni Jani. 

"Wow, how nice naman. Eh hindi 'to nasabi sa mga presidente ng bawat klase. Bakit?" sagot ko. 

"This is supposed to be a surprise to everyone kaso hindi kaya ng PTA na sila lang kaya tumulong na rin 'yong officers ng bawat room para magawa 'to. Saka each section may booths rin na ang kikitain ay mapupunta sa funds ng bawat section. Nakipag-usap si Jupiter sa PTA para sila ang mamahala sa booths na pang-pagkain at inumin. Hindi na nga kumilos 'yong ibang officers kasi lahat siya gumagawa and nakikita rin kasi niya na walang initiative 'yong iba kaya di niya na hiningi 'yong opinion," sagot niya. 

"Grabe 'yong lalaki na 'yan, Nebby! Baka kapag kasal niyo na, dalhin ka niyan sa outer space tapos sa Planet Jupiter kayo ikasal!" saad ni Zadie. 

"Ayaw niyo noon? Makakakita si Nebula ng nebulae!" sagot ni Quina. 

“Lawak naman ng mga imagination niyo! Gusto niyo yata ang abay sa kasal mga alien!” sagot ko. 

Nagsimula na kaming lumibot sa mga booths. Hindi ko pa nakikita si Jupiter na nandito. Mukhang naglilibot pa at sinisigurado na ayos ang lahat. Sobrang hands-on ng lalaki na ‘yon sa responsibilities niya. 

“Hoy!” tawag ni Silas.

“Nandito na ang sumpa!” saad ni Jani.

“Hinahanap niyo ba si VP?” tanong niya.

“Hindi. Bakit naman namin hahanapin ‘yon?” sagot ko.

“Wala lang na-feel ko lang,” sagot niya.