LEVI SERIES #1: THE PRESIDENT'S LOVE

CHAPTER 12: JUST BECAUSE...

Nebula's POV

Nandito kami ngayon nila Viv sa shop ni Jani para mag-catch up. Matagal na rin kasi nang huli kaming nagkitang tatlo. Malapit na rin raw umuwi sila Zadie kaya makukumpleto na rin ang grupo. I think Quina will stay here for good because she will pursue law and Zadie will come back right after our reunion for her promotion. Malayo na rin ang narating naming lima sa tagal ng panahon. Who would have thought that the five girls who decided to live together for college are now professionals?

"Kumusta ka naman, Nebby? Nag-apply ka na ba for your nursing job?" tanong ni Viv.

"Yeah, I'm just waiting for the final interview schedule," sagot ko.

"Saan ka nag-apply?" sagot niya.

"Sa hospital ni Lux. Nag-offer kasi sila ng nursing position sa akin right after ko makapasa ng boards. Eh 'di ba pumasok ako ng law school? So matagal natengga, buti na lang hanggang ngayon up pa rin 'yong position," sagot ko.

"Eh 'di ba you told us na you also had offers in New Zealand? Bakit hindi na lang iyon 'yong kinuha mo? Mas well compensated ka doon and advance ang mga gamit nila doon," sagot niya.

Agad naman ngumisi si Jani nang marinig ang tanong ni Viv.

"Hindi para sa sweldo 'yang si Nebby. May gusto siyang makasama sa hospital na 'yon," sagot ni Jani.

"Sino? The last time I checked, hindi niya gusto si Lux," sagot ni Viv.

"Edi si Long Lost Love niya," sagot ni Jani at malakas na tumawa ng mapang-asar.

Bumaling ang tingin sa akin ni Viv. "Nagkikita na kayo ulit ni Jupiter?" gulat niyang tanong.

"Yes... I brought him sa condo kagabi," sagot ko.

There's no point of lying. Alam ko namang one of this days ay magtatanong rin siya ng status namin. Nadadalas kasi ang soft launching ni Jupiter sa akin sa social media accounts niya. And knowing Viv? Marami siyang connections, lalo sa side ng engineering. Hindi malabong nakakausap niya si Xavier or nakakasama.

"Talaga?! Anong ginawa niyo?" she asked.

"Hinatid niya ko kasi galing kaming Tagaytay kahapon. Nag-coffee kami roon tapos nag-night market," sagot ko.

"Parang ang bilis ng mga pangyayari. Noong nakaraan nag-uusap lang kayo tungkol sa reunion ah," saad niya.

"Well, right after that nag-usap na rin kami about other topics and ayon he invited me for coffee. This Saturday pupunta kaming EK," sagot ko.

"Ay wow, nauna pa kayong mag-EK dalawa kesa tayong lima," she answered.

"He asked for it. Sino ba naman ako para tumanggi eh EK na 'yon," sagot ko.

"Ay sus, ginawa pang excuse ang Enchanted Kingdom. Ang sabihin mo, nangungulila ka lang sa kaniya!" saad ni Jani.

"Grabe! Nasa lover girl era na naman si Nebby! Sana magtuloy-tuloy at wala nang umepal!" saad ni Viv.

Marami pa kaming pinagkuwentohan tungkol sa buhay ng isa't isa. Nalaman ko ring kaya lumipat si Viv ay dahil gusto niya ring mabuhay independently. Well ako naman ay gusto kong masulit na makasama si Jani kasi malapit na rin silang bumukod ni Caleb. Well, kapag naman bumukod na si Jani ay ako na lang ang maiiwan sa condo. Hindi ko naman pwedeng iwan na lang iyon basta dahil marami kaming memories na magkakaibigan doon at iyon rin ang nagpatibay sa amin sa nakalipas na taon.

Matapos naming mag-catch up ay umalis na rin si Viv dahil may site visit pa raw siya sa Marikina. Ang dami niyang projects ngayong buwan at isiningit niya lang ang meetup namin. Dumaan na rin ako sa hospital para dalhan ng lunch si Jupiter. After dropping by the hospital ay tumungo na ako sa school dahil may mock bar raw kami before kami grumaduate.